View Full Version : الــجــمــيــح ..... حسف بأسعار اللومينا والكابرس الأرض
شرخشين2000
23-04-2001, 12:31 AM
يا شباب ...
فرصة لا تعوّض ،،،،
وكيل شفرولية بالمملكة ( الجميح ) عامل خصم على السيارات التالية ،،،
اللومينا ،،، 15 ألف ريال
الكابرس ،،، 25 ألف ريال
و أنا اللي أكلتها مقلب :(:(:(
أخذت اللومينا بـ 72000 LS كاش ،،
و بعد الخصم اللي عمله الجميح أصبحت بـ 71000 أقساط :(:(:(
و الله قهر ،، يبون يخلّون اللومينات مثل الكامري :(:(
في كل شارع 100000000 كامري :(:( بتصير 1000000000 لومينا بعد :(:(:(
و المشكلة الأكبر ،، انه عملها على موديل 2001 فقط :(:(
سوناتا
23-04-2001, 03:07 AM
مساء الخير شرخشين 2000.. هذي الدنيا يوم لك ويوم عليك ، والله يعطيك خير اللومينا ويكفيك شرها ومبروك مرة أخرى ، وعلى رأيك اللومينا هذي الأيام صارت كثيرة في الشوارع لكن مابعد صارت مثل الكامري .
grandv8
23-04-2001, 06:26 AM
الاسعار خياليه لدى وكلاء شفرليت ،خاصة لومينا
لومينا LS طوس 56500 درهم
لومينا LS رنكات 58000 درهم
لوينا LS رينكات وفتحه 60000 درهم
لومينا LTZ كامل المواصفات 66000 درهم
لومينا SS بدون جلد 77000 درهم
لومينا SS مع جلد 81000 درهم
لا يضحكوا عليك
العروض مسوينها لموديلات 2000 واذا منت مصدق ...انا دخلت للمستودع حق الجميع
ولقيت نص اللومينات الموجودة موديلات 2000
على العموم ماراح احد يشتري لأنها كثيرة خرابات واعطال
يمكن سيارتك لا;);)
شرخشين2000
23-04-2001, 03:36 PM
سوناتا ،، الله يبارك فيك يالغالي
S8 ،، أنا كنت هناك يوم أمس ،، وشفت بعيني السيارات :(
في منها موديل 2000 لكن أغلبه ستاندر ( طيس و جير عادي )
و الـ 2001 كلها عليها خصم ،،
واحد من الشباب أخذ LTZ جلد و فتحة سقف بـ 73 ألف بسسسسسسس !
و الله دنيا :(
ألأعرابي
23-04-2001, 04:58 PM
هذا يبرهن أن الكابريسات و اللومينات راحه عليهم!
لو في أمريكا صدقني السياره تجيك رخيصه و عليها ذاك الظمان, اللي بعد ما تخترب!
الأعرابي
قصدك مثل الضمان اللي كان على اللومينا القديمة ؟؟
اللي ما حققت ربع نجاح اللومينا الحالية
مع إنها مصنوعة في أمريكا
وعندك شرخشين إسأله :):)
شرخشين
أعتقد إن الخصومات موجودة عند كل وكلاء شيفروليه في الخليج
ويقال والله أعلم :) إن شكل الكابريس و اللومينا بيتغير بشكل جديد بالكامل مع بداية 2002
وأن شركة هولدن ستنتج محرك V6 جديد للومينا (غير محرك GM) بسعة 3000 سي سي وبقوة 220 حصان تقريباً
يعني حتى المحرك إسترالي :):)
طبعاً هذي كلها معلومات غير أكيدة ، لكن ..... ممكن تكون صحيحة
ابو طمسة
24-04-2001, 02:28 AM
ياشباب تكفون ودي اشتري لومينا بس مالقيت كفيل
احد يكفلني وشكرا للجميع ،،،،،،،،،،،،،،،،
سلامي للجميع ،، للي عنده لومينا واللي ما عنده لومينا ....
حبيبي شرخشين :(
والله يا خوي اني مقدر وضعك وعايش همومك وأحزانك ،، لكن تدري ..
طـــنـــش --------> تـــعـــش --------> تـنـتـعـش :)
E55
تكفى يالمشرف الغالي اذا تأكد لك شيء من أخبارك هذي ........ على طول DON'T FORGET TO TELL ME :)
أخوي ابو طمسة
لو بتاحذ سيارة غير اللومينا ،،، مستعد أكفكلك
لكن اللومينا ............ نو وييي !!!!!!!
باي باي :):)
E55
أنا اشوف ان المحرك الحالي افضل وممتاز من ناحية التوفير في استهلاك الوقود
لكن اذا غيروه فانا اتوقع ان السيارة ماعاد راح تسوى ولاشئ
موكل السيارات لكن حظوظ ...ويا بخت من كان ...;)
بازط
بالتأكيد أعضاء سوالف السيارات هم أول من راح يعرف عن الأخبار هذي :)
S8
"أنا اشوف ان المحرك الحالي افضل وممتاز من ناحية التوفير في استهلاك الوقود" !!
كيف عرفت إنه أفضل يا S8 ؟
اللي يقرا كلامك يقول إنك جربت الإثنين وطلعت بالنتيجة هذي ، مع إن المحرك الجديد للحين ما إنصنع !
المفروض إنك تقول "أنا أتوقع"
وأنا أعتقد إن القصد من المحرك الجديد هو تقليل سعة المحرك مع الإحتفاظ بنفس القوة أما عن استهلاك الوقود فلازم يكون عن تجربة
:)
شرخشين2000
25-04-2001, 12:21 AM
عندي تصحيح صغنطوط في كلامك ،،
اللومينا ( المغطس ) موديل 98 و نازل ،، كلها قطع أمريكية مجمّعة في كــنــدا !!!
أما عن شكل اللومينا 2002 ،، ان شاء الله ما تتغير ،،
بس يا E55 أيهم أفضل ؟؟ محرّك صغير و القوة الحصانية عالية
أو العكس ؟؟ يعني محرّك أكبر و نفس القوة الحصانية ؟؟ من ناحية القوة ،، و استهلاك الوقود ؟؟
بـــازط ،، شف تراني للحين ماسك نفسي ،، يعني لو يغيرون شكل اللومينا 2002 ،، على طول بنتحر
أنا اقولك يا E55
كيف عرفت ان المحرك القديم راح يكون افضل من الجديد
لسبب واحد
ان القديم صناعة امريكية ذات جودة لايعلى عليها وان احسن مافي اللومينا محركها ولم يشتكي منه احد ...المشاكل كلها في الأجزاء الأسترالية الأخرى
لكن لو صنعوا محرك استرالي فأعتقد ان اول الخرابات في السيارة راح تكون المكينة
وايضا لو صغروها الى 3 لتر فأعتقد انها تحتاج الى دورات اكثر لكي تعطيك قوتها وعزمها فبالتالي صرف وقود اكثر
ان شاء الله فهمتني انت بس لوحدك ;)>>>>>>>>>>>>:)
ياشباب ماتلاحظوا ان الإقتصاد الأسترالي ارتفع ;);)
الظاهر إنك نسيت مواضيعك عن سيارات الشرطة يا S8
وعن مشاكل مكينة وجير اللومينا اللي كنت دائماً تكتب عنهم
الحين صار "احسن مافي اللومينا محركها ولم يشتكي منه احد" !!!!!!
طيب ، وشو هي الأجزاء الإسترالية الثانية ؟؟
إذا كانت المكينة و الجير ومعظم القطع الميكانيكية صناعة أمريكية
وبعدين ، هل لك تجربة لأي سيارة بمحرك "صناعة إسترالية" ؟؟
كابريس
02-07-2001, 01:28 AM
للرفع
الشي الي محد قاله ان الجمارك نازلة:):) و هذا السبب الوحيد فقط و ترا كل السيارات نازلة اسعارها انا اشتريت سيارة 100 الف و بعد ما نزلت الجمارك سارت في الثمانينات :) (صحيح قهر بس عاد ايش نعمل) و معروف كل تاخيرة فيها خيرة :)
مو عشان عدم بيع او غيره او عيوب
-------------------------
و ممكن سوال يا اخ كابرس :
انت ليش رافع الموضوع؟ يعني يا حبك في المشاكل خلي الموضوع ينزل او اكتب كلمة مفيده :(
كابريس
03-07-2001, 09:49 PM
أنا حر :)
والله أسعار عمان هي الخيالية
لوميناss:
120000 وزيادة شوي
الكابرسss:
127000
_____________________
بازط المثل ناقص
طـــنـــش --------> تـــعـــش --------> تـنـتـعـش -------->شعرك ينتفش