View Full Version : محرك جديد للماكسيما مع بداية 2002
V6 3.5 بقوة 260 حصان (وينك يا بو علي؟) :)
وهو متوفر حالياً على الإنفنيتي I35 وهي نسخة من الماكسيما الحالية
http://www.auto.com/photos/gallery/2002infinitI35/012002infinitiI35.jpg
http://www.auto.com/photos/gallery/2002infinitI35/042002infinitiI35.jpg
http://www.auto.com/photos/gallery/2002infinitI35/052002infinitiI35.jpg
http://www.auto.com/photos/gallery/2002infinitI35/062002infinitiI35.jpg
أما المواصفات من داخل ، فأترك الكلام للصورة
http://www.auto.com/photos/gallery/2002infinitI35/022002infinitiI35.jpg
http://www.auto.com/photos/gallery/2002infinitI35/032002infinitiI35.jpg
حتى انت الله يعينك يا E55
لأني اعتقد انها بكذا بطوف اللومينا SS
والا انا غلطان ;);)
ولو إني أشك في الشي هذا
لكن تطمن
لحد ما تنزل ... أكون بعت اللومينا :)
CL 600
27-04-2001, 05:07 PM
إنتظروا OPEL OMEGA V6 3.2 280hp ...
وينك يا مجلة الأنترنت .. ماتشوفوا كلامي :):):):)
للتشليح؟؟؟مثلا
:):)>>>:p..:)
مكلارين F1
27-04-2001, 05:36 PM
خلاص بيطيح سوق الومينا مع بدايه 2002 (اذا كان الكلام هاذا صحيح) واذا نزلت السوق الخليجي لانه مو موكد نزولها للسوق الخليجيه
أبو نايف
27-04-2001, 05:46 PM
غير الماكسيما لاتدور....:)
صاحبة أفضل محرك V6 على الاطلاق...
فيه أحد عنده اعتراض؟؟؟؟
S2000
27-04-2001, 05:50 PM
هذي الأخبار ولابلاش :)
وينك يا وكيل أوبل ؟
تعال .... CL 600 ينتظرك :)
S8
مافي داعي أرد عليك !!
مكلارين
إنت تقصد الأوبل ولا المكسيما ؟؟
أبو نايف
ليش شايل سيفك ؟؟
أنا ما عندي إعتراض
إهدى إنت بس :)
S2000
شفت الغيرة شو تسوي ؟
بس ، إنت تقصد أي هوندا ؟؟ :)
شرخشين2000
28-04-2001, 01:18 AM
الأخ العزيز E55 ،،
هل ممكن يجي يوم من الأيام وتثق في قدرة سيارة يابانية في المنعطفات و المناورات القوية ؟؟؟ استثني اللكزس ال400 و فوق ؟؟
أنا الصراحة من وجهة نظري مهما كانت السيارة اليابانية ،، فلن تصل الى السيارة الأمريكية ،، و إلى الألمانية بوجه عام !!
مع ان الوالد مصمم على 430 الا اني رافض هالفكرة ،، أبغاه ياخذ DTS أنا أشوف انه أفضل منه ومن الانفنيتي في الفخامة والراحة و الأمان ،،،،
أما المكسيما الجديدة !!!! فهي كارثة طبيعية !!!!
شوف ايش سوّت في العالم !! و أصح اسم للمكسيما ( النعش الطائر ) لأنها أكثر سيارة مات فيها الشباب و خاصة شباب الخليج !! و عندك الكابرس 2000 السيارة الثانية في الخليج اللي قتلت العالم ،، مش لأنها غير آمنة ،، لكن لقوة المحرك المجنون :)
و أنا من ناحيتي ،، حالف اني ما أركب مكسيما !!!
و لا تسألني عن السبب :):)
تحياتـــــ لجميع أصحاب المكسيما ــــــي
مكلارين F1
28-04-2001, 02:21 AM
قصدي السيارتين (الاوبل والماكس) لانه اذا نزلت هاذي الانواع السوق الخليجي راحت فيها اللومينا:)
الحقوا ياصحاب اللومينات على سياراتكم وبيعوها قبل 2002 قبل ماتنباع بعدين بـ20
هيا .... كفّوا عن هذه المنازعات واصغوا إلىّ جيـــداً ....
أولاً : شكراً E55 على هالمعلومة ،،
بس كأن هذا المحرك هو نفسه اللي على البايثفندر الجديد مع زيادة في القوة ؟؟؟؟؟؟؟؟؟ ما أدري !!!
ثانياً : يا الطيب CL 600 من وين جبت معلومة محرك الأوبل أوميغا الـ V6 ،،
اذا كان من المجلات العربية اللي عندنا فاللي ذكر انه بيكون على الـ " فكترا " :) مو على الأوميغا ;) ........... لأ ويمكن بعد مو أكيـــد
أبو نايف :) كيف الحال :) شكلك شديت مع واحد وطلعت عليه ، عشان كذا انت مـــبـــزوط ;)
مين قال لك ( أو ضحك عليك ) وقال ان المكسيما هي صاحبة أفضل محرك V6 على الاطلاق...
وش قاعد تقول انت ؟؟
اذا محرك البي ام الـ 3 ليتر اللي مو على شكل ( V ) يعطي 231 حصان على ما أعتقد
والمكسيما يالله وصلوا إلى 227 حصان ....... وقبلها 220 حصان .......... وقبلها 170 حصان ،،، وكلها 3 ليتر
شرخشـــ ...... الخ :)
أنا أؤيد كلامك المكسيما نعش طاير ،،،
الله يستر على صاحبينا ..... أبو نايف والفاضي :)
باي باي :):)
grandv8
28-04-2001, 06:19 AM
اولا توصل السياره شوفها وجربوها بعد احكموا على قوة السياره والمواصفات الكامله للسياره.
أنا متحمس أشوف الماكس هذي بهذا المحرك وأعتقد أن أدائها حيكون خيالي بس أن شاء الله الوكيل ما يتأخر عنا:)
S2000 أنت تقصد TL-Type S ، صح؟
S2000
28-04-2001, 01:33 PM
NFS
انت تقصد ام الـ260 حصان!!!!
مو معقول.......نزلت الأسواق؟؟؟
اقول باي باي ياماكس "جديدة" :)
أقول ياS2000 ، أحلم ينزل الوكيل هذي السيارة:)
fist302
28-04-2001, 02:03 PM
ليه كده يا s2000 شكلي سأعلن الحرب عليك....:)
هل تعتقد انه السيارة ذي من هوندا ب260 حصان كفيلة باطاحة الماكسيما أو حتى تقولها باي باي...؟؟
أتمنى توفر السيارتين ونشوف من يطلع...........؟؟
خذ nfs في صفك وأنا معي أبو نايف....:)
انها الحرب اذا...!!!
تحياتي للجميع
S2000
28-04-2001, 03:01 PM
هههههه...:)
لاوالله ياfist لاتعلن لاحرب ولااي شي وان شاء الله ربنا مايجبش اي حرب او "غضاضة" بنا......
دحنا اخوات يابيه :)
انا تفاجأت بتوفر الـTL TYPE-S في البداية عشان كذه اتحمست جدا :)
الـTYPE-S سعة محركها 3,2 لتر و260 حصان...
هذي النقطة شجعتني ودعتني لقول (باي باي ماكس) مقارنة بمحرك الماكس 3,5 و260 حصان ايضا....
بقية المعلومات مب متوفرة لدي الآن ويظل الموضوع عن الماكس من البداية..
وتكفى ياابونايف مشيها لي هذي المرة ;)
NFS :(
اعتقد ان الشي الوحيد اللي تتفوق المرسيدس فيه على هوندا هو وكيلها.....
<------ زودها شوي صح :)
يا شباب الحارة ;)
اقول انه لازم تنزل جميع السيارات المذكورة (المكس والأوميجا )
ولمن نجرب نقدر نحكم
بس هل تعتقدون ان المكس بتجمل مع الأوميجا >>الله اعلم
أبو نايف
28-04-2001, 04:31 PM
الاخ شرخشين...
انت ارائك وحقدك على الماكسيما معروفه من زمان والمشكله انه كلما رديت عليك في موضوع ........انحشت ومارديت علي.
والظاهر الماكسيما الجديده مهبله فيك عشان كذا هي برأيك كارثه طبيعيه......
والله انت اللي كارثه وتحفه برضوا....
وبعدين ياخي انت ليش تناقض نفسك.......
انت الان ما تثق في أي ياباني .....عشان معاك لومينا..:)
نسيت كلامك اول عن الكامري اللي كنت مهوووووس فيها وفي رساوتها......:)
لا تخليني اطلع اللنكات قدام الشباب.......وانصحك تطلع منها بلا فضايح.....
حبيبي بازط........انت من وين طلعت علينا بعد...:)
انصحك تقرأ مجلات وتثقف نفسك.....وبتعرف انه محرك الماكسيما حصل على جائزة واحد من افضل عشرة محركات على الاطلاق لعدة سنوات متلاحقه.
وبحصر المسابقه على محركات V6 ...محرك الماكسيما هو الافضل على الاطلاق.....
نعم الافضل على الاطلاق ....وهذا الكلام ذكره احد ابرز كتاب المنتدى هنا وهو موضوع له كم شهر.........واذا تبغون اللنك طلعته لكم.
وممكن بعدها تسأل الكاتب من وين جاب هذا الكلام................
وعلى فكره افضل محرك لايعني أقوى محرك
وانا من خلا ل هذا الموضوع
أعلن أني أتحدى أي اوبل اوميغا V6 قومه وخط......
.......اوبل شد بلد مع ماكس شد بلد.....
ومن ذبيحه..............واللي براسه حب ما انطحن.....
الاخطبوط بيطحنه له...:)....
....والله ما ياكل معي عيش ولا يقشر بصل....(خصوصي لك يا S8)
مسيطر
28-04-2001, 06:44 PM
اتوقع للمكس 2002نجاح كبير,, هذا اول شي,,
ثاني شي كلام ابو نايف صح لاني قريت أيضاً
أن محرك المكس من افضل عشر محركاات ((وياريت اعرف كم ترتيبه))
_______________
وأتمنى الا تتغير المكس2002 عن2001:(:(:(:(
==============
بازط ببكن اعرف وص بعاك صياره
_____________________________ودمتم___________
شرخشين2000
28-04-2001, 09:42 PM
قدّام الشباب كلهم ،،
لولا انتشار الكامري الفضيع في السعودية ،، والله ثم والله إني ماراح أشتري الا كامري :):)
والى الحين الكامري هي أحسن سيارة من ناحية التحمّل ،، و أنا أنصح جميع الأعضاء اللي سواقتهم متوحشة ،، مثل الأخ نسر :)
بأنهم ما يشترون الا كامري :)
fist302
28-04-2001, 09:49 PM
أبو نايف
ينصر دينك أنا معك الى النهاية....أديهم على راسهم.....أتمنى ولائك للماكسيما يفضل على طول حتى لو بعتها .....:)
شرخشين2000
والله أكبر غلطة انك تحرم نفسك من المتعة الفريدة في ركوب الماكسيما...ليه ياخي......اتمتع بشبابك...وبعدين للمعلومية أي سيارة في العالم في يد سائق طائش تعتبر نعش وكارثة اجتماعية.....أي سيارة.......أعتقد أغلب الشباب هنا يوافقوني....وبعدين في سيارات أقل فئة من الليكزس بس أكثر رساوة عندك أغلب سيارات هوندا فيها الميزة ذي....
بازط
عزيزي ماحدغلط على bmw أو غيره.....كلها سيارات محترمة...وفعلا تتميز بقوة محركاتها بس ياخي شوف أسعارها كم؟؟؟؟؟؟؟؟؟ هنا النقطة المهمة....عندما ترغب في اقتناء سيارة قوية بمميزات معقولة وسعر تنافسي صدقني لن تجد بديل للماكسيما.....وبعدين فعلا محرك الماكسيما أخذ عدة جوائز لعدة أعوام....اذا الكلام هذا جديد عليك فانصحك بالاطلاع أكثر....
E55
تسلملي ياغالي على هذا الموضوع الحلو...بوركت.
S2000
لاترجع في كلامك الحرب قائمة....:)
تحياتي للجميع
شرخشين2000
28-04-2001, 09:52 PM
بس أشتري كرت الشاشة الجديد ،، و بنـزّل مطارحة بين :
لومينا LS 2001 مع مكسيما GV2 2001
موافقين ؟؟؟؟؟
و ماراح أتكلم ولا راح أقول ولا كلمة :):):)
و نشوف مين اللي هبـّل بالثاني :):):)
اللومينا والا المكسيما :):)
و على فكرة المطارحة بدأت من سرعة 80 كلم/ساعة حسب الاتفاق اللي تم بيني و بين راعي الماكس :):):)
بس خلّوا الجوكر يعجّل ويجيب لي الكرت ،، و أنا أحسم الأمر :)
أبو نايف
28-04-2001, 09:57 PM
في اخر كلامك ...........(بازط ببكن اعرف وص بعاك صياره )
.......عسى ما انت مزكوم والا ماخذ شوية برد.......هههههههه
هيهيهيههيهي.
عزيزي.....مستشار الحزب.....
مكينة الماكس هي واحده من افضل عشر محركات وما اعرف ترتيبها
بالضبط........طبعا المسابقه تشمل مكائن الثمانيه سلندر والاربعه سلندر
ولكن بالنسبه لمحركات السته سلندر فقط......محرك الماكس في المركز الاول.....
اكرر افضل محرك لا يعني أقوى محرك من ناحية عدد الاحصنه ولكنه يعني افضل محرك أداء....
وتسلم لي يالفاضي.
........................................................
تحيه خاصه الى خبير وعاشق الماكس..............fist302
........................................................
وانت يا S2000 >>>>>>>>>>>> لاعاد تتعودها مره ثانيه..:)
S8.....سوررييي.....طلعت مني غصب......ما عليش..:)
ان شاء الله ما تتكرر.
............................................................
على فكره أنا>>>>>>>>>>>>>>>>>>>>>>ارحب بأي نقد موضوعي ضد الماكسيما
اما الانتقادات الاستفزازيه...مثل...النعش الطائر أو كارثه طبيعيه......أو كارثه على الامه الاسلاميه....:)....أو...أو....
هذه الالفاظ....... بمثابة اعلان حرب.........واللي يبداها يتحمل النتائج..
وللجميع مليون تحيه...:)
سلام ....
الماكس ترتيبها الرابع في افضل10محركات
الاول لكزسLS400 .
وهذا الى اعرفه :):):)
وشكرا
أبو نايف
28-04-2001, 10:25 PM
شكرا لك............:)
اخوي شرخشين......يالله حنا بانتظار فلمك.
بس وش تقصد بكلمة...هبل بالثاني...حنا اللي يهمنا مين اللي يطرح........
وبعدين اللومينا اللي معك LS والا SS....:)
انا على الماكس مرتين هبلت في شبح واحد 98 والثاني 95 واحد500 ...والثاني 320.....الصدام بالصدام...........ما يقدر يبعد عني وفي خط طوووووويل......لين طاح اللي بروسهم وهدوا .......وخلوا الماكس يعدي........وتجي انت تقولي لومينا LS ...:)
اقول وش رايك تنزل فلمك في منتدى النكت والطرائف ......:)
وبروح اتفرج عليه ......بس عشان اجبر بخاطرك....
مع التحيه الحاره لك..:)
إذكروا الله يا شباب
بصراحة حاولت أوصل لنقطة الإختلاف بينكم وما عرفت هي وين
أبو نايف
ممكن تهدى شوي ؟
هذا مب إسلوبك ..... !!
شرخشين2000
29-04-2001, 01:27 AM
في البداية ،، كلامي عن المكسيما ،، و خاصة كلمة نعش طائر ،، ما قصدت فيها استفزاز أي أحد من الأعضاء ،،
وبعدين أنا ما تكلمت في محرّك المكسيما أبداً :):) و كل كلامي عن التسارع و قوة الـ BODY فقط لا غير :)
و راح أقبل ردّك ( الرائع ) و أحط الفلم في قسم الطرائف والكاركاتير :) عشان عيونك بس :)
و راح أنسحب من النقاش ،، إحتراماً للآراء الجميع ،، و خوفاً من الغلط على بعض الأعضاء الأفاضل
و أنا آسف جداً إذا كنت بالغت في كلامي ،، أو بالأصح ما عجبك كلامي ،، و أحب أقول كلمة وحده بس ،،،،
:):)قولي خطأ يحتمل الصواب:):)و قول غيري صواب يحتمل الخطأ:):)
تحياتــــــ للجميع ــــــــي
مسيطر
29-04-2001, 01:34 AM
تستاهل والله,,
مو انت المكسيما:)
((((((((((البازط بالإشارة يفهم)))))))))))
___________________________________________--
شكراً يا شرخشين على روحك الرياضية ;)
لكن هذا ما يمنع إنا ننتظر الكليب اللي بتحطه في "قسم السيارات"
وكلنا (على ما أعتقد) في إنتظاره :)
شرخشين2000
29-04-2001, 01:42 AM
ممكن ارسله لك على البريد ،،
أما في النتدى ؟؟ طابت نفسي :):)
على فكرة ،،
أبيك ضروري ،، على الميل PlzZzZzZz
بالتأكيد ممكن
لكن شو تقصد من "أما في النتدى ؟؟ طابت نفسي" !!!!
لا يكون زعلت من بو نايف
ياS8
كيف تقارن بين ماكسيما ولومينا
حتى لو كانت 260 الومينا فوق 300
ولاتنسى أنها دفع أمامي
ليش ما عجبتك (هذي السيارة من هوندا)
تراها في القومة تطلع على بوكسترS
يعني تقريبافي كم تقوم ياشباب من 0الى100>>>>>>>>>>>>>>>> والله شكلهاحتكون سيارة جبارة الله يعين اصحاب الssوالكماروهات اذا اتعدلت السيارة
أبو نايف
30-04-2001, 01:47 AM
لاتكون من صدقك زعلان...:)
انت واجد حساس ....لو كنت ادري ان كلامي بيزعلك تأكد اني ما كنت اقوله.....
على العموم.........
بس للتوضيح اذا كنت ما قلت الفاظ استفزازيه على الماكسيما....
ياليت تقول لي وش تقصد بكلمة (((((الماكسيما كارثه طبيعيه))))
هل هذا كلام غير استفزازي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وبعدين يا اخي انا اعرف من زمان انك متحامل ولسبب غير معروف على الماكسيما.................يا اخي انتقد بعقلانيه وليس بطريقه استفزازيه واذا رد احد عليك بنفس اسلوبك ...بتزعل منه..
وطبعا انت ممكن تنزل الفيلم اللي تقول في منتدى السيارات..........ولاحظ اني ما املك هذا المنتدى ولا املك اي سهم فيه..........:)
اخوي الفاضي: ما فهمت وش تقصده....؟؟؟؟
الاخ E55
ارجو انك تكون عادل وتقرأ كلام شرخشين في البدايه......
وردي عليه كان بسبب كلامه ليس الا...
عموما اذا كنت مضايقكم في المنتدى والا مسبب لاي واحد منكم
زعل..........انا مستعد انسحب واتوقف عن الكتابه وعن الردود
واودعكم من اليوم.......لاني ما ارضى اكون شخص غير مرغوب فيه....
أفا عليك يابو نايف
تروح وتسيبني لوحدي ;(
ترى هاه اذا رحت انا رتاح الحقك
ولو سمحت غير تفكيرك الأخوة شرخشين وE55بس حبوا انهم يمزحوا معاك ..مزحة وايش فيها ?
أبو نايف
30-04-2001, 09:58 AM
لو حصل وطلعت أنامن المنتدى بيني وبينك الايميل........:)
الى الاخ E55
تخيل اني كتبت مقاله انتقد فيها اللومينا ...ومن ضمن كلامي التالي:(((وانا اعتقد ان اللومينا مالها أي داعي بالمره وهي بصراحه نكبه و مهزله تاريخيه في عالم السيارات)))
أقول تخيلوا اني قلت هذا الكلام........
كيف بتكون ردود اصحاب اللومينات علي؟؟؟؟
طبعا بتكون ردودهم قويه وتهكميه........
وتخيل معي يا E55 انك ما كنت مشرف....وكان NFS هو المشرف الوحيد.
وأنت اللي رديت على كلامي ....
وأنا بعد ما قرأت ردك....يا ساتر.....والله تورطت معك....
أقوم وأكتب التالي:
يا أخ E55 ارجوا انك ما تزعل من كلامي ...انا لما قلت ان اللومينا نككككككبه ومهزله تاريخيه....ماكنت ابغى اجرح احد أو اسيء لمشاعر اصحاب اللومينا..:):):):):):):):):):):)
وانما كنت ابغى اقول رأيي بصراحه.....وأنا ماراح استمر في الحوار حتى ما أسي لاي أحد ولا يحصل اية مشاكل:(:):):)
وفجاه يدخل المشرف NFS...ويقول ما يلي:
ياسلام يا بو نايف....أحييك على روحك الرياضيه هذي.
وانت يا اخ E55 أرجوا انك تهدي ......
ترى هذا موب اسلوب!!!!!!!!!!!!
وش بيكون شعورك؟؟؟؟؟؟
الاحساس بالظلم ابشع احساس حتى لو كان بسيط وحتى لوكان ظلم في منتدى..........
علما اني سبق وكتبت موضوع فيه شوية انتقاد وفوجئت بردود مليانه شتايم وتهزيء شخصي........ومع ذالك ولا واحد من المشرفين اعترض.
وأنا بلعتهاوفضلت السكوت.
لاتقولون السالفه ما تستاهل.
السالفه سالفة مبدأ.............وعدل.......
أبو علي
30-04-2001, 10:56 AM
أبو علي جاك يا ولد .........
أقو ل : ............ قــم بــس قــم ............. انت واياه
كيف الحال يا شباب :) وش فيني انا خاش عرض ........ ومطفي النور !!!!!!!!!!! :):):):)
معليش ......
أول شيء : ^1
ثانياً : آسف على التأخير ،، ظروف خارجة عن الإرادة مو وقتها .....
وسمعت ان المنتدى كان معطل قبل فترة .......... عسى ما شر ؟؟؟؟؟؟
والله ما أدري من وين ابدأ ؟؟؟
أشكر مين والا ميــن ؟؟؟ أرد على مين والا مين ؟؟؟ اسكّـت مين والا مييييين ؟؟؟ :)
المهم : يا بونايف كيفك حبيبي ؟ اشوفك مسوي زحمة في المنتدى ... وهذا كله عشان المكسيما اللي .......
اللي ........... اللي ............ اللي .......
والا بلاش لا تروح تصكّني كـففففففف ذحين :)
بالنسبة لمحرك المكسيما أنا أشهد ان مافي محرك ياباني مثله لا قبل ولا ذحين ولا حتى بعدين ...... لكن يابونايف ترى القوة مهي كل شيء في السيارة ..... ............... صح والا لا شباب ؟؟
يعني أي واحد لمن يقارن ماكس مع كامري ...... أكيد بيقول الماكس أحسن .....
ليش ؟؟؟؟؟ لأن معظم الشباب همهم ..... الدعس ( زي أبو علي http://www.swalif.net/sforum/images/icons/icon10.gif )
طيب أي واحد منكم يقدر ياخذ كامري V6 ويلغم ، وتسير أقوى من الماكس ( اللي مو ملغم ) ..
هاه وش استفدت لما أشتري ماكس ؟؟؟؟؟؟
وبعدين محرك الماكس ضمن أفضل عشر محركات في العالم ،،،، وليس أفضلها على الإطلاق !!!!!
على العموم يا الربع لا تخلوني أكره المكسيما زي ما كرّهوني بعض الشباب قبل فترة في اللومينا ;)
المكسيما سيارة جدا عادية لا راحت ولا جات .......... وانا من ناحيتي أفضل الأكورد V6 عليها
مو الــــــــكـــــــــــامـــــــــري ;) ;)
(((((((((( يا شباب خلّوكم شاهدين أنا ما غلطت على أبو نايف )))))))))))
:):):):) المكسيما سيارة ......... مش حلوة :):):):)
وسلامت الجميــــــــــع ،،
أبو نايف
30-04-2001, 02:39 PM
بدري تشاركنا ولا تتغلى علينا........:)
رأيك على العين والراس ........واحترمه لانه ما فيه اي استفزاز..
ولا حظ ياعزيزي يا ابو علي اني ما قلت ان محرك الماكسيما هو الافضل بين العشرة محركات....
أنا قلت انه الافضل على مستوى محركات V6
والظاهر انك تقرأ الردود وانت مستعجل......ياراعي الكامري المرهم...:)
وتقبل مني مليون تحيه...........وسلامي الى هيثومه...:).
ابو علي وايش فيك داخل فينا عرض عسى ماشر
اقوووووووول روح دور على بقرة تنطحك;);)وخلي شغل الكبار لوحده وبعيد عنك
ممكن تقول لي كم قوة سيارتك ؟؟
وفي الأخير
.
.
.
.
.
.
.
.
.
.
.
.
.
.
.
كامري استرالي :(
أبو نايف
إنت تتكلم جد ؟؟؟
شفيكم كل كلمة والثانية واحد جا يقول إذا أنا شخص غير مرغوب بطلع !!!
يا جماعة خليكم أكبر من الكلام هذا
ومهما صار من اختلاف ما بينا فاختلافنا في الرأي لازم ما يولد العداوة بينا
تصدق عاد ، أنا أحسب إن "كارثة طبيعية" مدح للمكسيما :)
والله إني ما عرفت إنها تعتبر إساءة للسيارة عندكم
ولهالسبب استغربت إنفاعلك
ولعملك ، اللومينا حصلت ولااااا زالت تحصل كلام أكثر من هذا
لكن هذا سبب يخليني أترك المنتدى ؟؟؟؟؟؟؟؟؟؟؟؟؟
كل واحد حر في رأيه ، لكن ما توصل إنا نهين بعض عشان سيارة !!!
شفيكم ؟؟؟؟