تكلم بالتفصيل عن C-Class من مرسيدس

[عالم ذرة]

أولا السلام عليكم ورحمة الله وبركاته...وبعد
أتمنى أن تقبلوني كعضو جديد في هذا المنتدى المبارك...وأنشاء الله سنفيدكم ونستفيد منكم
-------
أخواني أنا ودي أشتري مرسيدس سي بس ماأدري هي عملية ولا لا ؟وهل هي تستاهل ولا لا؟....وبعدين لو تكرمتوا جاوبني على هذة الأسئلة
1- مشاكلها واجد ولا لا ؟ لاني سمعت أن الفئة الكبرى فئة إس مشاكلها واجد ولي يدل على كذا كثرتها في
مركز الصيانة عند الجفالي
2- بعدين يقولون إن الجفالي غالي شوي في الصيانة بس ماأدري إيش رايكم؟
3- طيب قطع الغيار متوفرة ورخيصة ولا لا ؟
4- لوسمحتوا إيش مواصفاتها بالتفصيل وتحديداً C180 وأيش الفرق بينها وبين C200
وماهو سعرها عندنا في الرياض ...بزيادة هذي المواصفات (زينون...فتحة...قير أوتوماتيك...جلد)
5- ياليت تقولون لنا أيش الإضافات الي تكون فيها يعني مثل (زينون...فتحة...سيدي بلير...الخ) مع ذكر أسعارها ؟
6- وأخيرا كم سعرها في الإمارات ؟على شان أقرر وين أشتريها منة...
7- لو تقارنونها بأوبل أومقا...فماذا تختار؟
ياليت الي يجاوب على أسئلتي تكون معة هذي السيارة أو يعرف عنا الشيء الكثير...لأني ماأبغى اتحسف على أني شريتها ...
وآسف على كثرة أسئلتي...وشكراً

[CL-Class]

طيب أنا بحاول أجوابك على شكل نقاط كما في سؤالك :
1 - بالنسبة لمشاكل السيارة ... ما أعتقد أن الرؤية أتضحت لأن السيارة مالها الا قريب طالعة ..... وبالنسبة للفئة الكبرى اللي عند الجفالي هي كلها تشييك عادي يوجبه الضمان .....
2 - الجفالي غالي وحريقة .... وكل الوكالات لها نفس السياسة
3 - قطع الغيار لهذي السيارة وللجيل الجديد من مرسيدس نادراُ جداً أنك تلقاه خارج الوكالة ... يعني القطع نار ..
4 - بالنسبة للمقارنة :
C180: . . . . . . . . . . . . . . . . . . . . . . . . . . . . . . . . . . C200
---------- الكل 4 سلندر سعة 2لتر - دفع خلفي -------------
120/5300 <--- القدرة ك.واط عند دورة/دقيقة----->95/5500
230 <------ السرعة القصوى كم/ساعة ---------->210
9.5 <------ استهلاك الوقود لتر/100كلم---------->9.3
9.3 <------التسارع 0-100 كم/س بالثانية-------->11
تحوي C200 على شاحن توربيني مما جعلها تتفوق على C180

5 - بالنسبة للأضافات وأسعارها ممكن تراجع الوكيل لأن أسعاره تتغير من وقت لآخر.
6 - سعرها بالأمارات ؟؟؟؟؟؟شباب الامارات فيهم البركة.
7 - لو أشتريت C200 مبروك ....... وبالنسبة للأوميجا فأنا أفضلها على C .. لأسباب كثيرة أهمها السعر ...
وسلامتكم ... وان شاء الله اني غطيت أهم المعلومات التي تحتاجها ... وسامحنا على القصور ..

[أبو نايف]

أخيرا جانا عالم ذره ثاني.........:)







غيري...:)





بس حبيت احييك ...وأرجو انك تعرف بنفسك في موضوع التعارف
حق fist302 .

http://www.swalif.net/sforum/showthread.php?threadid=82735


وبالنسبه لاسئلتك....ماشاء الله عندنا كم واحد خبراء في المورسيدس وهم بيفيدونك ...واولهم اللي رد عليك على طول يوم شم ريحة المورسيدس......:)......

[grandv8]

شكرا لك على استفسارك عن مرسيدس سي كلاس يا عالم ذره:
مرسيدس من 180 و 200 و 240
اسعارها تتراوح من 135000 درهم الى 155000 درهم
شكرا لك،بالتوفيق؟؟؟

[CL55-AMG]

هلا حبيبي عالم ذره
اولا احييك واتمنى لك التوفيق في دراستك "الذريه" بس انا خايف انك تكون ناوي تزرع لنا قنبله هنا في المنتدى والا شي :)

شوف حبيبي بالنسبة لل C-CLASS فهي سيارة حلوة بل رائعة وانتبه انه اللي قاعد ايكلمك الحين "مرسيدساوي"

بس اذا كنت تبغى تشتري C180 او C200 فماانصحك لان حلاوة الC-CLASS هي من الC230 KOMPROSSER وانت طالع

اذا كنت تبحث عن الجوده والفخامه وما اتهمك التاديه فراح اتكون الC200 مناسبه لك

اما اذا كنت تبحث عن التاديه والفخامه وماكنت من النوع اللي يهلك السيارة اتصور ان الاوبل مناسبه لك اكثر لان الاوبل تحتاج لعناية خاصة بس محركها اكبر

اما بالنسبة لقطع غيار المرسيدس فماهي اغلى من غيرها هي ارخص من الBMW والVOLVO ومقاربه لقطع غيار الLEXUS

اما الصيانه فهي مكلفه لانك في العاده لما تدفع مبلغ كبير في سيارة تبغى هالسيارة تعمر معاك اكثر وقت ممكن علشان كذا انت شفت S-CLASS كثير عند الوكيل اغلب هالسيارات مو خربانه انما صيانه دوريه

اود اشير ان الفروق في قطع الغيار والصيانه بدات تتقلص (راحت ايما الكابريس والكرسيدا في الثمانينات)

اما بالنسبه للاسعار فكما تفضل GRANDV8

اما اذا بغيت سيارة C240 فسعرها بحدود ال160000 - 180000 ريال

http://carpoint.msn.com/merismus/Gallery/c438650a.jpg http://carpoint.msn.com/merismus/Gallery/c438648a.jpg
http://carpoint.msn.com/merismus/Gallery/c438649a.jpg

[عالم ذرة]

أشكركم على تعاونكم معي في أول موضوع لي في هذا المنتدى
.............. طبعاً مو غريب عليكم هذا التعاون ...........