سوالف للجميع - ( رنج روفـر )

moka_moka

13-05-2001, 02:54 PM

يا شباب ايش رايكم بالرنج روفر؟

بصراحه انا لقيت 4 سيارات * كحلي * اسود * زيتي غامق * قرمزي

وكلها ماشيه بحدود 40000كلم وموديل1998 مكينة4.6 8 سلندر

داخلي بيج مع حواف بنفس لون السيارة ماعدا * القرمزي داخلي رمادي

والاسعار حدود 90000ريال تزيد الف الفين.

عموما انا معي باترول سوبر سفاري 1994 يجيب له 45000ريال

يعني راح ادفع زياده اقل من 50000ريال.

وصراحة اناابغى اعرف رايكم بالسيارة من جميع النواحي...

واي واحده من السيارات الي فوق بالذات؟

زورو الامارات

13-05-2001, 03:03 PM

السلام عليكم يا موكا

نصيحه اخويه خليك على الباترول رغم انه يصرف بترول بالهبل
لكن مايخرب خصوصا اذا كان جير عادي
اما الرنج روفر رغم ان الناس في الامارات يحبونه كثير لكن خراباته كثيره يعني بدون سبب يخرب
ولا يجيب سعر وقت البيع ابدا
شوف لك سياره غيرها رغم فخامتها
الكل يعرف عندنا عن مشاكل الرنج روفر والدسكفري

moka_moka

13-05-2001, 03:14 PM

الاخ العزيز زورو الامارات...

شكراً على النصيحة بس قولي سياره غيرها(غير سيارتي)

سؤال: كم سعر الرنج جديد؟ لأني بصراحه ماسألت..

زورو الامارات

13-05-2001, 03:37 PM

السلام عليكم

والله بخصوص الاسعار ماعندي علم ابدا كون هالسياره غاليه على الفاضي بس الي اعرفه ان الرنج روفر اتوبياجرافي سعره جديد 280 الف درهم

:):)
اما بخصوص نصيحه لسياره تبيها فورويل ولا صالون ؟
اذا فور ويل هالايام طايحين في البي ام اكس فايف رغم ان شكلها حلو من الخارج لكن من الداخل لك عليها شوي طبلونها مو ذاك الزود فيه فتحات وشغلات ماهي بالكثير

وموديل 2002 بتنزل على هالسياره مكينه جديده بنفس السعه 4400 لكن قوتها بحدود 350 حصان يعني ما اضن في سياره فورويل تقدر عليها على الشارع لكن حسب ماسمعت من الشباب في الرمل الباترول والكروزر ماعليهم كلام

moka_moka

13-05-2001, 05:48 PM

والله X5 سياره غير طبيعيه....( حلوة مرة )

بس سعرها برضه غير طبيعي

اذا عندك سياره بهاالحدود الى 100000ريال

مافي مشكله.... ورايك على عيني وراسي ....