سوالف للجميع
(http://www.swalif.com/forum/index.php)
- ســـوالف الــسيارات
(http://www.swalif.com/forum/forumdisplay.php?f=69)
- - تجربة الموسم Rang Rover Sport
(http://www.swalif.com/forum/showthread.php?t=211462)
من أكبر التجارب في سوالف
خاصة التصوير الإحترافي ، اعترفوا من اللي صور منكم؟؟ :D و الله يعطي صاحب السيارة خيرها و يكفيه شرها و بالنسبة للتسارع ، في كم ثانية ؟؟ و الصرفية شلون ؟؟ خاصة إنها سوبر تشارج؟ أدري إنه في معلومات جاية في الطريق بس متفرغ أسأل ،:D مشكورين مشرفينا على التجربة الحلوة و التصوير الحلو و ننتظر المعلومات المفيدة |
إقتباس:
اول شي اقول لك وللشباب انتوا الي تستاهلون لانكم انتوا الاساس يعني لو ماكان تجاوب قوي وتفاعل طيب وروح محبه بين الاعضاء ماكان بالامكان للمشرفين العمل بشكل طيب جزاك الله خير والمقارنات صعبه علينا شوي لاننا مانقدر نحصل سيارتين من فئه وحده في نفس الوقت خلنا نركز على سياره سياره والمقارنه تقدر تحصلها من المواقه الاحترافيه لاتنسى عزيزي احنا مازلنا هواة يعني على قد حالنا راس مالنا كاميرا ودفتر صغير وشويه معلومات من النت :) |
إقتباس:
بالنسبة للتصويييييييييييييييييييييييير انا بريييييييييييييء منه ومالي خص فيه هذا فاعل خير مصور :) التسارع حوالي 7.4 واستهلاكها عالي شوي والسبب وزنها المرتفع حسب كلام صاحب السياره :) |
السلام عليكم ورحمة الله وبركاته شكرا لكم اخواني على الردود وهي بعض الصور وتعليقي عليه  وضوح معالم الاجهزة امامك وخاصة الخريطة للطريق امام السائق والتحكم  اطار من نوع كونتينتال 275/40 رينك 20  التحكم بالهيدروليك كانت السيارة مرتفعه  جهاز التحكم بالهيدروليك والدخول على المناطق المنحدرة والاوحال والجبال  صبغة جديدة وحلوة باللون الاسود على اطار الابواب مما يعطي لها طابع رياضي  ملامح الاضاءة الامامية معطي السيارة روح رياضيه  الزاوية الخلفية للسيارة طالعه حلوة وبطابع رياضي جميل جدا  لقطة تم تنزيل هيدروليك والفرق واضح مع الصور الاولى لي كانت اعلى شوي  محرك 8 سلندر من سوبر جارج محرك جاكور الجديدة على الرينج  الواقي للكبوت او حجرة المحرك من الداخل  اضاءة قوية مع كشافات وزينون قوي  اضاءة خلفية وقوة اضاءة لمبة الضبابي من الخلف  الاطار الاحتياطي محاط بااذرع للشكمان من الخلف  صورة واضحة اخرى من تحت  صورة كاملة مع فتحات العادم وطالعة بصور رياضية وتنزيل مع هيدرليك  هوائي من فوق قمة السيارة من الجهة الخلفية  شكل ابواب والخشب والحركة طالعه حلوة من الباب الامامي  الخريطة طالعه واضحة ويعطيك احسن التفاصيل والوشارع والسكسيك والشوارع الداخلية كلها  التحكم بفتحة السقف والاضائة الداخلية :banana: |
إقتباس:
اظن السعر اخوي 280 او اقل شوي |
ماشالله ابدعتوا والله وهذا من أفضل التقارير الي شفتها لحد الان وبدون مجاملة طبعا....يعني اتطرقتوا لتفاصيل جد مهمة وحلوة....والسيارة كبرت في نظري أكثر وأكثر...وعجبني حركة الهيدروليك في التصوير....وايضا مكان الاطار الاحتياطي...
والسيارة مبين ان تصنيعها كان جدا دقيق وخضعت لاختبارات عديدة... أجمل ماعجبني بالسيارة الاضواء الامامية والخلفية بصراحة جميلة ومتقنة لابعد الحدود...والمقاعد الامامية لونها خطير بالفعل.. :-) لكن الشي الوحيد الي ماعجبني بالسيارة هو المقود...غير كذا السيارة بيرفكت :cool: وصدقتوا هذي تجربة الموسم...وانشالله هذي تكون بداية تجارب عديدة...وانشااله تكتسبوا سمعة حلوة لدى الشركات تأهلكم للحصول على تجارب عديد للسيارات من اجل الدعاية و التعريف اكثر بالسيارات :) وياليت لو تضيفون في توقعيكم تجارب الافالون والشيروكي واللاندروفر ليسهل الوصول اليها... :-) والله يعطيكم العافية... |
سيارة جميلة ورائعة وهذي راح تكون الموضة هاي الأيام بعد نهاية موضة الكايين
|
ماشاء الله عليكم .. والله يعطيكم العافيه ... وانا اشوف إنه Rang Rover Sport صارت موضه و من نزل اشوف الناس هابين في هيه واااايد حلو و انا شفت حلقة لتوب جير وااايد يمدحونه لكن الرنج مايقدر على X5 4.8is و ربيعي عنده هذا X5 قالي مايروم علي لا قومه ولا خط .. حرام على هذي المكينه و super Charge يكون بهذا الضعف و السبب هو الوزن المفرط .
|
زورو خذيت الـ EOS 350D
 ؟؟؟ ... وأنا أقول ليش الصور حلوة كذا ....  مبروك :p |
نشكركم جزيل الشكر على هذه التجربة الرائعة و على التصوير الرائع
لكن هل هناك أي سلبيات في السيارة؟ :-) |
يا سلام عليك ، بوجاسم ..
التفاصيل جدا ممتازة ، وخاصة الهايدروليك ! اليوم بس شفت 6 رنجات سبورت مختلفة .. الشباب طايحين فيه طيحه ، وحالياً هو الموضة الدارجة بين الشباب ! في واحد في الفريج شيبة بو عيال ، يسوق واحد نفس اللون سوبر شارجر :D بغيت اتهور ذاك اليوم وادق له اربع اشاير اباه يدوس خخخخ :D بس والله موتر محترم وله هيبة في الشارع وخاصة يوم يكون واقف وراك عند الاشارة ! ما ودك تتحرك من مكانك خخخ :D يالله ننتظر الفيديو متحمس :) |
إقتباس:
ماشاء الله عليك صادني الرادار اكيد عرفت من المعلومات الى تجي مع الصوره لما تخزنها عندك على احد البرامج نعم اشتريتها :) روعه ماشاء الله وفرق السما والارض بينها وبين كانون جي 5 تستاهل كل فلس فيها :) انت معاك نفس الكاميرا؟ |
حقيقتا السياره اكثر من رائعه
وتستاهل الله يعطي صاحبها خيرها ويكفيه شرها ويباركله فيها فعلا التصوير رائع ماشاء الله يتميزون الأخوين زورو وجراند بتميزهم في التصوير الله يعطيكم العافيه |
أنا أحس ان السياره قيمتها مبالغ فيها يعني المحرك V8 بسوبر تشارجر و القوه و التسارع مو مقنعين أبدا
التشطيبات الداخليه غنية بالبلاستيك و لا توحي أبدا بسياره فخمه مكان الكفر الاحتياطي غلط ×غلط ما ينفع أبدا ينحط في عن فتحات العادم اضافة ال ان مكانه غير عملي ابدا في النهاية انا أفضل آخذ لكزس LX470 عليه أتمنى ان الملاحظات ما تنفهم غلط لأن هذي مجرد آراء و الله يعطي صاحبها خيرها و يكفيه شرها |
إقتباس:
:D أكيد من معلومات الصورة ... بس غريبة مو مكتوب فيها غير نوع الكاميرا ... البيانات الثانية مو موجودة :confused: أيه نعم أخذتها من كم شهر من البحرين ... كانت أول وحده تمباع هناك :D يالله نبي نشوف إبداعاتك في قسم التصوير :banana: |
السلام عليكم يا silver
مبروك عليك الكاميرا وتستاهلها والله قسم التصوير ميت مافيه حركه الا اذا ناوي تحركه معانا بتسوي خير :) ان شاء الله نشارك هناك :) |
خبروني شو نوع الكاميرا المستخدمة؟؟
|
إقتباس:
http://www.dpreview.com/reviews/Can...s/frontview.jpg |
إقتباس:
هلا اخوي والله تسارعها حلو مقارنة مع لكزس ولكزس تسارعها بطئ مع محركها الي ماتغير اصلا كل السيارات لها بلاستيك بس من النوع المضبوط وكلاسكي اطار الاحتياطي مكان مختفي وماتجوفه الا تنزل راسك تحت وبالنسبة للعاد بعيد عنه ومسوين له عازل عن الاطار راي يهمني اخوي وجزاك الله خير وشكرا على مرورك الطيب :D :banana: |
ماشاءالله السياره حلوه الله يعطيه خيرها ويكفيه شرها ومبروك الف مبروك على السياره
ويعطيكم الف عافيه !!! ومبروك على الكاميرا الجديده ... Canon EOS يا زورو الامارات |
إقتباس:
انا لما قلت لكزس ما كان قصدي القوه .. كان قصدي ان تقريبا نفس التجهيزات مع فخامه زياده شوي و جودة لكزس المعتاده و الاهم من هذا كله التوفير من ناحية السعر . مكان الاطار معزول شئ جميل لكن ان أقول انه غير عملي أبدا .. تخيل ضرب عليك كفر لا قدر الله تروح تنزل تحت السياره و تنزل كفر و الازفلت مولع نار في عز الظهر ... الخ كل هالامور لازم تنحط في البال :D هذي كل ((المآخذ)) على السياره من وجهة نظري اما من ناحية الايجابيات فما فيه أي داعي أتكلم عنها لأنه أقل شئ أسم السياره يفرض نفسه على الجميع :knight: |
إقتباس:
الله يبارك فيك لازم نرد لقسم التصوير ننزل صور انا وياك وسلفر وباقي الشباب ان شاء الله |
بسم الله الرحمن الرحيم
التفاصيل التقنية والمحرك يتكون المحرك المثبت بوضعية طولية في الجهة الامامية من 8 اسطوانات بشكل 7 سعة 4197 س س المزود بسوبر تشارج بقوة 390 حصاناً عند 5750 دورة بالدقيقة والعزم يبلغ55.4 م.كلغ عند 3500 دورة البخاخ متعدد النقاط وبأربعة اعمدة كامة اثنين في كل جهة نسبة الضغط تبلغ 9.1 اما معادلة القوة للوزن تبلغ 152.6 لكل 1000 كليوجرام من الوزن سعة خزان الوقود تبلغ 88 لتر الجير: 6 نسب بشكل آلي (اوتوماتيك) تسارع السيارة يبلغ :7.2 الى ال 100 كم الوزن الفارغ:1835 الوزن مع كامل الحموله حوالي الطنين والنص (غير متأكد منها ) عمل المحرك شبه صامت ويتجاوب بشكل كبير مع رغبات السائق استهلاكه للوقود مرتفع والسبب الاول يعود للوزن المرتفع نظام التعليق هوائي بالكامل مع امكانية التحكم في ارتفاع السيارة بشكل يدوي او اختياري |
السلام عليكم
صور لاداء الرنج روفر منقووووووووووووووله من الساحة     |
السلام عليكم ورحمة الله وبركاته افلام رينج روفر سبورت 2005 http://www.cars-club.com/fsm/swalif/v8/RR1.MPG http://www.cars-club.com/fsm/swalif/v8/RR2.MPG http://www.cars-club.com/fsm/swalif/v8/RR3.MPG وكل شكر والتقدير لااخونا FSM وجزاك الله خير :banana: |
| الساعة الآن » 06:31 AM. |
Powered by: vBulletin Version 3.0.16
Copyright ©2000 - 2026, Jelsoft Enterprises Ltd.