عندي سؤال؟
 

السلام عليكم ورحمة الله وبركاته


شحالكم عساكم بخير

اول مره ادش هالقسم وابغيكم تجاوبوني ماتسولي طاف :cry:

السياره اليديده متى لازم صاحبها يشيك على الماي والزيت ؟


دمتم بخير

اترياكم :33:

حيا الله ميثة

شوفي حبيبتي السيارة الجديدة من الوكالة يعطونك موعد بعد 5000 كيلو للتشيك

واعتقد كل السيارات لها نفس المدة إذا كانت مسحوبة كل الزيرو من الوكالة

وبعدها إذا حبيتي تغيرين الزيت في محطات البترول شوفي نوعية الزيت كم كيلو لأنه في منها 5000 كيلو وفي منها 2000 كيلو

الله يعطيك خيرها ويصرف عنك شرها ويحفظك

وعليكم السلام ورحمة الله وبركاته ..

ياهلا والله ومرحبا فيك اختي ميثه ..

لاشك انو السياره الجديده لها تشيك اول على 1500 كيلو منها استبدال الزيت

او مثل ماتفضلت اختي بشاير الخير ..

بالنسبه لموية الرديتر اعتقد فيه نسبه تشوفينها في قربة الماء اذا نقصت عن المعدل

لازم تزيدينها .. واهم شي ماتشيكينها وهي ساخنه ..

يعني شيكيها على الصبح قبل ماتشغلين السياره ..

وحياك الله وشرفتي القسم والله ..

والله يعطيك خيرها ويكفيك شرها ..

هلا والله ببشاير وابداع \\\


انا شيكت لمن كملت 1000 كيلو :)

والحين التشيك الثاني لمن اكمل 5000 :glasses2:


ماعرف دوم ابوي يحرج علي لمن اركب السياره يقولي بس شغل وامش شوفي شيكي بروحج :sleep:


بس تعرفون من شهر تقريبا سويت حادث واحد كان يبا يتجاوز وضربني من ورا بس الله ستر يت فالسياره ولافينا الحمدلله


تسلمون يالغلا :33:

الحمد لله على سلامتكم يا ميثة والله يكفيكم شر الطريق

كلام الوالد الله يحفظه صحيح ... السيارة لازم تشيكين عليها دائما

أنا عندي لكل شئ في السيارة موعد

مثلا الإطارات بالنسبة للهوا وله مدى صلاحيتها ... وأبدلها لما ألقى فيها أي شئ غير طبيعي

بالنسبة لتبديل الزيت والفلتر وماء الراديتر والفرامل والجير وكل الأمور كل 5000 أوديها الوكالة وهم يشوفونها بالكمبيوتر ويتكفلون بالموضوع

الأمور الباقية والطارئة بعد أخذها الوكالة وهم يضبطونها

السيارة حديد لا تتكلم ولا تشتكي ... لذلك يا ميثة لازم احنا نتابع كل شئ فيها علشان سلامتنا

الله يحفظ الجميع ويكفينا وإياكم شر الطريق

قواكم الله .. والله يحفظكم

ميثه الحمدلله على السلامه ..

هلا بشوووره

تسلمين يالغلا صدقتي \\\


الحين اتريا تكمل 5000 وبوديها الوكاله :damp:


والله يحفظج :)

:)هلا ابداع


الله يقويك :glasses:

يسلمك ويسلم غاليك يارب :)

الله يحفظك وين ماتكون


دمت بخير

عن نفسي ما اشيك على الماي. .. يوم بدخن المكينة بعرف انه فيه مشكلة في الماي. كنت اتمنى يكون فيه نظام جديد في السيارة. يعني مثلا لو الماي ناقص, السيارة تتكلم تقول انا عطشانة ابا ماي. ... بالسعودي ابي مويه. ... بالهندي باني باني