بسم الله الرحمن الرحيم ... اول شيء سامحوني اني دخلت عليكم فجأة - عرض بالإماراتي البحت - كان المفروض اني اعرف بنفسي اول.

اوكي النك نيم مثل ما تعرفون هو سيف - احب هالإسم وايد - وانا من الإمارات - بلادي الحبيبة - ومن امارة دبي بالتحديد شقيقة أبوظبي والشارقة وعجمان ورأس الخيمة وأم القيوين والفجيرة. وهم بذلك يشكلون دولة الإتحاد.

السبب الرئيسي لوجودي بينكم هو سبب خير ان شاء الله ... ننهل من الكم الهائل من المعلومات التي قاعدة تنطرح بالمنتدى. ان شاء الله يقدرني اني افيد واستفيد.

في وايد كتابات شدتني بصارحة وانا اعتقد ان الأشخاص الى يكتبونها ترى وايد مميزين الله يخليهم ويدومهم ان شاء الله ... وانا من جهتي احاول قدر الإمكان اني انشر بعض هاذي المعلومات للإشخاص اللي هم بالفعل يحتاجونها لأنها معلومات ثرية وايد.

يا جماعة .. ما ودي اطول عليكم أكثر .. انا موجود معاكم إلا ما شاء الله وإذا في احد يريد شيء زيادة انا حاضر ومستعد ... خذوا بالكم من نفسكم زيـــن؟ كان معاكم عقيد أركان حرب متقاعد سيف خنجر. والسلام

حيييييييياك معانا سييوفي
 

اهلا بيك معانا في المنتدى
ان شالله نكون اصدقاء ........
ومن جهتي (حلوان الصداقة) شتحب تشرب بارد حار ؟؟؟
طبعا بعد ما تتفضل معنا على الغدا بعدني ماتغديت ....
يللا حيياك ....
وهلا فيك مرة ثانية و لا تقطعنا عاد

دي - مسيو - الثائغ

مساء الأنوار .. سيف

حياك الله .. معنا في سوالف .. ويامرحبا بيك

ان شاء الله تجد الفائدة معنا .. ونشوف منك كل مفيد :):)

وياهلالالالالالالا :)


تحياتي :)

حياك الله
 

اخى الكريم سيف

اتمنى لك طيب الاقامة فى بيتك الثانى سوالف وان شاء الله تفيد وتستفيد

نتمنى تواصلك معنا وان نرى مشاركاتك

تحياتى واحترامى:)

اهلين بك اخوي ومرحبا الف :)
واهلا بك بين اصدقاء المنتدى وخصوصا مع بحاري :)لوووووووووووووووووووووووول

حياك الله .. سيف ..
 

نسأل الله أن تجد ما يسرك في دنياك وآخرتك من الموضوعات والأطروحات .. وأن يجزل الله لكاتبيها الأجر والثواب ..

هلا و الله
 

هلا و الله اخوي سيف و نتمنى منك المشاركة الطيبة ان شاء الله غالي و عزيز و الله

تقبل سلام اخووووووك الصغير محمد و من دبــــــــــــــــي دار الحي

:)

مشكورين كلكم على ترحيبكم الحار فيني ... وشكرا بعد على قبولكم صداقتي ... والله يقدرنا على فعل الخير ... وتحياتي

ثائر
 

هلا وغلا ثائر ... السالفة فيها غدا ... يعني ما بخليك ... لين ما اتغديني.

يلا قولي وين بتغديني ... بليـــــــز لاتقولي في المان بيف.

مشكور وما قصرت يا ثائر ... معرفتك اتغديني واتعشيني.

السلام عليكم ورحمة الله وبركاته ..
 

أخي الكريم حياك الله معانا ويا هلا ويا مرحبا فيك ..

عسى ان شاء الرحمن تستمتع معانا في سوالفنا ..

ونورت سوالف اخوي ..

تحياتي لك :)

شكرا اختي سعودية ... الله يفرج عليك همومك ان شاء الله ... تحياتي

هلاااااااااااااااااااااااااا وغلاااااااااااااااااااااااا ،،
 

حياك والله سيف معنا ،،

مع تمنياتي لكم بدوام السعادة عندنا ،،

مع تحياتي ،، المسلمي ،،

هلاااااااا
 

هلا أخوي سيف ...... نور المندى بوجودك... و نتمنى إنك تستانس معانا و نكون عند حسن ضنك :)

إختك الغيث

شكرا لك يالمسلمي وشكرا لك يالغيث ... انا متأكد اني بكون مستانس وايد وياكم ... وعدنا فريق ريال مدريد يشد من ازرنا بعد صح المسلمي؟

على فكرة انا وايد اموت في هالبيتين:

لو حصل لي شوفته هـمي يـزول *** وقتها أنسى البشر وأجلس معه

اذكر اني ابغيبته دايم اقول *** هو حياة القلب هو لي مطمعـه

وحياكم الله.

السلام عليكم ورحمة الله وبركاته
 

أخي الكريم سيف

هلا بك واللـه أخوي :)

وحياك اللـه معنا في سـوالف ..

تحياتي لك

مشكورة هدى76 تشرفنا فيكم. تحياتي

اهلا بك وبدخلتك العرض وبالسعودي البحت الله يحييك بين ربعك واخوانك

وهلا فيك يالغالي

هلا فيك يا بوسعود ... ومشكور على الترحيب السعودي الأصيل.