لاند كروزر أو باترول .. ايهم الافضل؟؟رأيك يهمني
 

السلام عليكم ورحمة الله وبركاته ........
اخواني انا ناوي ان شاء الله اشتري صالون ومتردد بين ثلاث سيارات2003:
1- لاند كروز VXR
2- لاند كروزر GXR
3- باترول سوبر سفاري

ارجو ايفادي بالنصيحة للتالي:

1- ايهم افضل من ناحية الراحة والشكل وقوة وهدوء المحرك والعملانية والصيانة وقطع الغيار واستهلاك البنزين؟
2- ما هو الافضل بالنسبه للاند كروزر : الجير العادي او الاتوماتيك؟ ، 8 سلندر او 6 سلندر ؟
3- بالنسبة للباترول تأتي بجير تيبترونيك ، ما رأيكم فيه ؟؟

هذا وتقبلوا تحياتي
:help:

شوف انا قطري ومافي دولة في العالم فيها كروزرات مثل قطر
والباترول بعد موجود
شوف الأسرع الحين هو الباترول4800
الأفخم VX-R شي طبيعي والباترول فخم بعد بس اعتقد VX-R افضل
الشكل حسب ذوقك انا اشوف الباترول احلى
العملانية والقوة والهدوء تجدها في الكروزر وقطع الغيار ارخص ومنتشرة اكثر ((الباترول يطلع اصوات غريبة بعد2 من الإستعمال))
الإستهلاق كلهم يبلعون بترول بلع مش صاحي بس صرفية الباترول صرفية غريبة بلاعة بترول
الكروزر احسن اتوماتيك
VX-R احسن في الخط مريح عزمة حلو بس مشكلة في البر
GX-R شبابي حلو يصلح حق البران بس مش زي مشية الفي اكس طبعا
جير البترول الجديد فكرة حلو وانا موجود عندي في الباجيرو ومستانس علية يعطيك الي تبية خمس تبديلات على راحتك بدون كلج
((شوف موضوعي عن الباجيرو يمكن تعجبك بعد))
نصيحة اخوية GX-R احسن شئ سعرة معقول وهو شبابي بس مش فخم كثير

نفس كلام بو عبود... أنا معاه بقوه.
GX-R الأفضل والأحسن. أنا عندي GX-R 2003 والحمد لله ممتازه.
أقتصاديه 6 سيلندر فخمه مريحه.
أخوي أبتعد عن النيسان.

تحياتي.

السلام عليكم ورحمة الله وبركاته

شوف اخوي ,اذا تبا موتر للبر وحق المهمات الصعبة لاتدور غير النيسان وخاصة 4800 الجديد ,النيسان موتر ممتاز لكن عيبه انه يتفكك عقب اقل من 3 شهور استخدام , اما اذا تبا موتر حق خطوط وراحة وصرفية اقل وفخامة والراحة ماشي غير الكروزر VXR انا عندي VXR موديل 1999 وماشاء الله عليه مشيه ناعم وعزمه قوي لكن مانصحك حق البر لانه ثقيل نوعا ما والGXR ايضا ممتاز خصوصا التعديلات اللى فيه قي الموديل 2003 الجديد :) :)
تحياتي

من وجهة نظري كمستخدم ارى ان

اللاند كروزر افضل وبمراحل وفيه اكثر المواصفات التي ذكرتها

وانصحك بـ VX-R

انه انصحك بالvxr لانها سياره مريحه وممتازه من كل ناحيه فهي اقوى من النيسان ( البترول تأتي بمحرك 6 اسطوانات فقط)
وهي احسن من الgxr لانه الموديل الوحيد من لاند كروزر الذي يتوفر بمحرك سعه 4.7 ليتر
وبصراحه الvxr الي يملكها الوالد بتدخل السنه الرابعه في
شهر ابريل وماشاء الله السياره ليل
حين ممتازه و فايدتنا وايد

السلام عليكم ....

شكرا لجميع الاخوة ، ونريد المزيد من الردود....

مالك ومال الباترول شفاط البترول
 

يارجال خذ لك لاندكروزر عراقة الزمن GX-R اكشخ ورزة وارخص

وان بغيت ملك الصحراء خذ باترول

باااااااااااي;)

هلا والله و مرحبا
 

اكثرة المواضيع حول الباتروووول والاندكرووووزر
===========================
شوف اخوي انا عندي باترووول 2002 4800 في تي سي....
وقبله الوالد كان عنده VX-R 2000 .
--------------------------------------------------------
++ فلي كل كلامي جاي من واقع تجربه 100% ++

أولا : الباتروووول له عندي سنه بالضبط (( و كارفة ابو الكرف )) وتدعس وكل الى تبيه ولا تفكك ولا شي ....ليش تقولون يتفكك بعد سنه ,شباب لا تنسون ان الباترووول ياباني وما في سيارة يابانية تتفككك بعد سنه او سنتين او حتى 3 .....
+ الباترووول الجديد اقوى من جميع انواع الاندات .... من 98 الى 2003
+الباتروووول لا ينافس مع الاند في البر (( لانه ملك الصحراء )) وهذا من واقع تجربة ....
+الباترول اهدى صوت من مكينه الاند .(( المزعجة ))....

ثانيا : الاندكرووزر , سيارة قوية , متينه , يطيح عزمها بعد سنتين وهذا كلام اكثر من واحد , راسيه ,,,,,,
+ الاند اوسع من البارتووول ....
+الاند ثقييييييييييييييييل جداااااا لدرجة انه ما يصلح في الطعوس واذا غرز ياااااااويلي ,,,

وكلام كثير ,,,
ان شوف موديلات نيسان 2002 بالنسبة للاندكروووزر 2002
النيسان اكثر ,,,,,
والدليل ان الاجانب ما ياخذون الا نيسان..


++++__ وذاا تبي انيسان يكون احلى من كل الجيوب ___++++
1- ركب بوالين ,,,
....
وسلامتكم

اخوي kin porch

اللاند كروزر قوى ، عملي ، سعره فيه ، قطعه متوفرة أكثر ورخيصه ....
الباترول اسرع ، انعم وله ذوقه الخاص بين الناس....

وانت استخير واستشير ....

ولا تنسى تعزمنا اذا اشتريت:)