مقارنة : مرسيدس اس 600 2007 و فانتوم 2006....
 

السلام عليكم ورحمة الله وبركاته


اليكم مقارنة عجيبة لا ادري كيف سمحوا لأنفسهم مقارنة الفانتوم بالاس 600 ... لكن شوفوا المقارنة واعطونا انطباعكم ..



اليكم المقارنة







اخوكم الشبابي

هم لو قالو المايباخ .. راح اختار ((( الفانتوم ))) .. !

ما يستحو على وجيهم :mad1:

لاتوجد مقارنه
اكيد الرولز افخم

يمكن من ناحية السعر :D :D

النتيجة :
First Place : 2007 Mercedes-Benz S600
Second Place : 2006 Rolls-Royce Phantom

:D :D :D

مقارنه بايخه من مجله أبيخ .. :D

هم لو قالو المايباخ .. راح اختار ((( الفانتوم ))) .. !

ما يستحو على وجيهم

الامركيان اهم شي عندهم السعر ...

الارخص هو الافضل :D

هههييي

بصراحة الفانتوم أأأأأأأأأأأأأفخم وقوية عليها مكينة جبارة 0-100 في 5 ثواني تقريبا

شيي قويي

بس المرسدس مي في فخامة الفانتم
بالعربي مااااااااااااااااااافي مقاااااااااااااااااااااارنة :D

مهو هذا اللي قهرني .. مو كفاية انهم قارنوا الا اختاروا المرسيدس بعد ..
مع كل التقدم والروعة في شكل الفانتوم الا انهم اختاروا المرسيدس ... انا اعتقد ان مقارنة ال 760LI بالمايباخ اكثر علاقنية من مقارنة الاس 600 بالفانتوم ، وهذا ما فعلته على ما اذكر مجلة سعودي اوتو بأن قارنت ال 760LI INDIVIDUAL بالمايباخ و بدون مبالغة فالبي ام كانت تقارن بالمايباخ ...









اخوكم الشبابي

ههههه شي غريب بصراحة!! والله عيــــــــب هههههههه

لاتعليق :headshak:

بصراحة مو صاحين :confused:

المفروض نراسلهم ونعطيهم موقع سوالف ياخذون منه خبرات ومعلومات صحيحة ويعرفون يقارنون ايش مع ايش :D

المقارنة أنا أعتبرها جيدة

لأن أهم مأخذ من مآخذ المقارنة هي القيمة مقابل السعر !!

يعني بصراحة المرسيدس تقدم لك تكنولوجيا تعجر الرولز عن تقديمها مع العلم أن المرسيدس أرخص بكثييييييييييييير وإذا جينا قارنا مناطق القوة عند رولز رويس نجدها تنحصر في الهيبة العامة للسيارة ومحدودية الإنتاج (( التميز )) والفخامة (( والفخامة برأيي مسألة نسبيه تختلف من شخص لآخر )) يعني في ناس تقول أن الفخامة في رفاهية التكنولوجيا وهذا ماتقدمة المرسيدس.

بصراحة وبدون تحيز أنا أختار المرسيدس لأنها تقدم لي مزايا عديدة بسعر أرخص من منافستها .


وشكراً

البي أم لاتقارن بالمايباخ لا من قريب ولا بعيد
البي أم من فئة المرسيدس
760
s600
فئه وحده

الفانتوم والمايباخ فئه وحده

ومحاولة شبك الفئتين محاوله غير منطقيه من جميع النواحي

تحياتي

لو قارن المرسيدس مع الدايوو ممكن أحصل سبب .. بس مع الفانتوم مافي اي سبب .. حتى بين الأسامي كأسامي :black:

سلااام

انا ركب الاس كلاس 500 الجديد << في الوكاله طبعا
وركبت الفانتوم << في الوكاله طبعا

تحس ان الفانتوم حق شخص قضى عليه العمر واليوم او بكرة يمكن يموت وتكون هالسيارة حق اولادة وبعدين يبيعونها ويستفيدون من فلوسها يعني انا اشبها بالشخص إلي يحتفظ بالذهب إلين ما يرتفع سعره ويبيعه

ولكن الاس كلاس حسيت ان فيه بعض اللمسات الشبابيه يعني بمعنى اخر ان اكثر شبابيه من الفانتوم مو كفايه ان محركه مال مرسيدس اصلي
على عكس الفانتوم إلي عليها محرك بي امدبليو 12 سلندر وقوة احصنه لا تتجاوز 453 حصان من سعه محرك 6.8 لتر وتسارع 5.7 ثانيه من 0 الى 100
والربع ميل خلال 14.3


المرسيدس محركها 12 سلندر باي تيربو وسعته 6.0 لتر وينتج 612 حصان وتسارع مذهل 4.2 ثانيه من 0 الى 100


يعني وبمعنى اخر

المحرك للمرسيدس
الفخامة للمرسيدس
التكنولوجيا للمرسيدس
وكذلك المرسيدس 600 S نادر الوجود يعني حاله حال الفانتوم

فأنا اشوف ان الفوز لصالح المرسيدس
وحتى لو كان بين الفانتوم والمايباخ متاكد ان الفوز راح يكون لصالح المايباخ
الفانتوم فازت من ناحية الشكل فقط لانه صاير ضخم ووجهيته رفيعه ولكن خلفيته تملل :headshak: :sleep:

هههههههههههههههه

اصلا الروس رايس هذا السياره للحين مافي ولا سياره تقدورن تقارنوها مع الروس رايس

ههههههههههههههههههههههههههههههههههههههههههههههههههه

اس كلاس مع روس رايس...هههههههههههههههههههههه

والمشكله انه البعض يقول نعم احسن..التعصب لاعب دوره :knight: :smart:

تحياااااااتي

الهدف كله من هذي التجربة هو هذه الجملة

Wretched Excess Times Two: One costs more than $100,000. The other is three times as expensive. Can the new S-class rival the world's ultimate status symbol?

MoHaMaD_Q8
المايباخ يتقارن مع الرولز رايس من قال ان مافي سيارة تتقارن معاها
وثانيا احنا نقارن بشكل عام
يعني حتى لو راح تحط لنا شيفروليت افيو و بي ام دبليو الفئه الثالثه بعد راح نعلق ونقارن ونقول وجهة نظرنا

بسم الله الرحمن الرحيم
السلام عليكم ورحمة الله وبركاته

للأسف ما فيكم و لا واحد فهم المقصود من المقارنه :sleep:

المقارنه كانت عادله جدا و المرسيدس أثبت تفوقه على الفانتوم بكل المعايير (السعر - التكنولوجيا - الراحه - القوه )

للأسف كلكم آخذين مقلب في الرولس رويس و هي ما بقى منها الا اسمها :headshak:




و سلامتكم :sleep:

لكن اللي ما تم تقديره بالمقارنة واللي هو اهم شئ للانسان الثري اللي بيدفع فلوس هو الهيبة .. الفانتوم عليها هيبة وشكل ما هي طبيعية ...وهذا الفرق كفيل بالفارق السعري ....










اخوكم الشبابي

بسم الله الرحمن الرحيم
السلام عليكم ورحمة الله وبركاته


أعيد و أقول الهدف من المقارنه هو التقنيات مقابل السعر ;) ما تكلموا عن الوضع الاجتماعي و لا عن الهيبه و لا غيرها :-)

و في هذي الحاله لا مجال للرولزرويس انها تتفوق :)



و سلامتكم :sleep:

أصلا الناس تاخذ الروز على أسمها مب شي ثاني .. ;)

مقارنه مستحيييل تكون عادله ..