لخاطر الأعضاء الحلوين اقدم لكم الشيز كيك
وان شاء الله ينال على اعجابكم..

المقادير:
علبه ونص بسكويت..5زبده صغيره يعني 50 غرام..2روب المراعي..
5جبن ميره نفس الكيري بس هذا تبع المراعي..كيس دريم ويب..علبة حشوة التارت..



أول شي نطحن البسكويت في الخلاط



هذا عقب ما طحنته



ونعجنه بالزبده..



شوفوا هذا القالب للشيز كيك عشان يوم انطلعه ما يخترب الشكل



انرص البسكويت في الصينيه عدل مدل...



نخلط في خلاط الكيك الروب والجبن وكيس الدريم ويب..



وهذا عقب الخلط..



بعدين نضعه على البسكويت وندخله الفرن لمدة خمس دقايق
وعقب انخليه شوي وندخله الثلاجه تقريبا لمدة ساعه..



انطلعه ونحط عليه حشوة الشيز كيك..



ونرجعه الثلاجه تقريبا ساعتين المهم لين تبرد



وانحطه في طبق التقديم وانقطعه



واتفضلوا قطعه علشان ما يخترب الرجيم

المشاركة الأصلية بواسطة ابداع2004 ماشاء الله تبارك الرحمن .. تصدقين اختي بيوتي شيك ... انا من عشاق التشيز كيك والفكره والطريقه سهله ومقاديرها مبسطه ومتوفره .. الحقيقه ماادري وش اقولك .. بس الاكيد انتي للأبداع عنوان .. سلمت الايادي والله يعطيك العافيه والله يجزاك كل خير ...

المشاركة الأصلية بواسطة بشاير واو شكلها وايد حلو تسلم ايدج يا بيوتي الظاهر محد راح يرجعنا للسمنة غير أطباقج الحلوة الله يعطيج العافية