الموضوع: شوية أمثال شعبية
عرض مشاركة مفردة
spy-kid spy-kid غير متصل    
عضو نشيط جدا إذا كان كل العالم ضدي... فانا فلسطيني أعشق التحدي  
المشاركات: 3,776
#1  
شوية أمثال شعبية
السلام عليكم ورحمة الله وبركاته

خطرت في بالي فكرة خرندعية على قولة إم الروووز .... شو رأيكم كل واحد يكتبله اكم من مثل واذا ما كان مفهوم يوضح القصد منه


يلا انا ببدا بكبشة امثال وان شاء الله يكونوا خفاف ومفهومين ورح اضيف امثال غيرهم بس ما بدي احرق كل اللي عندي

نبدأ بسم الله ...


لو كان الزلام (الرجال) بشواربهم لكان الصرصور ازلمهم
................................................
هَم البنات للممات
...............................................
ما ضل في الخُم غيرك يا ممعوط الذنب وتلفظ الدَنَبْ << للاستهزاء من المتكلم يعني لو سمعت واحد ومش عاجبك طريقة حكيو معك بتنتفو هالمقطع الشعري السابق
*الخم = بيت الدجاج * ممعوط= زي كلمة منتوف
..............................................
بلبق للشرشوحة مرجوحة و لأبو بريص قبقاب <<
هذا المثل للاستهزاء ... فمثلا عندما تطلب المرأة شيئا اكبر من احتياجها ... او ان تمتلك شيئا لا يليق بمكانتها الاجتماعية نضرب لها هذا المثل ...

* بلبق = يليق
..............................................
إقلب الجرة على تمها بتطلع البنت لأمها (وتلفظ لمّها)
..............................................
لو كان فيه خير ما رماه الطير
..............................................
جيتك ياعبدالمعين تعيني لقيت بدك من يعينك
.............................................
لو كان فيها زيت لضوت = يعني فش أمل أو رجاء من الموضوع
.............................................
اللي قبّع قبّع والي ربّع ربّع << يعني ما ضل وقت عشان تعمل الشغلة
............................................
تيتي تيتي زي ما رحتي زي ما جيتي = اقرب مثل إلو "رجع بخفي حنين"
............................................
التفاحة في إيد اليتيم عجبة او عجب
............................................
بنقول له ( وتلفظ بنقله) طووور(ثور) بيقلنا احلبوه
............................................
الطول طول نخله و العقل عقل سخله << يعني طويلة وهبلة
............................................


أرجو أن الفكرة تعجبوا

spy-kid غير متصل قديم 22-10-2008 , 11:07 AM    الرد مع إقتباس