عرض مشاركة مفردة
الضبع الضبع غير متصل    
مشرف المسابقات والتصوير ۩ السعـوديـــــة ۩  
المشاركات: 4,206
#1  
<صور لبيوت الطين بعد نزول الأمطار>
اليكم قصيدة الحنين للماضي ولبيوت الطين،،
doPoem(0)

بيوت الطين لا شفتـه تذكرنـي زمـانٍ دار
زمانٍ رغم ما به مـن قسـاوة ماحـدٍ سبـه
وهذا بيتنـا واطلالـه اللـي عـودت تذكـار
وذاك الروشن وهـذا مكـان الزيـر والقبـه
وصفة جدتي مـا باقـي الا بابهـا واجـدار
وصوت الباب يصفر كلما هب الهـوى هبّـه
وهذا ما بقى من صفة امي والغمـى منهـار
غماها من جذوع الاثل واحلى من غمى الصبّه
وهذا كان مطبخنا وهـذا هـو مشـب النـار
قبل لا نعرف الغـاز وقبـل لا تطلـع الدبّـه
وهذا هـو مجبّبنـا وهـذاك الكمـر ووجـار
وذيك الدكه القصيا وهذا الحوش نلعـب بّـه
سقى الله ذيك الايام الخوالـي ليتهـا تنـدار
سقى الله لا تجمعنا وصارت عندنـا الشبّـه
سقى الله يوم تبرق ثم ترعد والسمـا مطـار
وصوت المثعب يسورب وكنك جالس بجنبّـه
وجتنا الجدة تسبحن علينا يوم هنـا اصغـار
على شمعة سراج القاز قبل لا نعرف اللمبّـة
زمن به للطفولة في خيالـي ذكريـات اكثـار
يا ليتـه ترجـع الايـام لوقـتٍ راح واحبّـه
ولكن ما مضى هيهات يرجـع والزمـن داور
يروح الوقت مع ناسه ويبقـى ربـي وربّـه




























تحياتي لكم/ الضبع

الضبع غير متصل قديم 30-04-2008 , 11:31 AM    الرد مع إقتباس