الموضوع: موقف محرج
عرض مشاركة مفردة
المبتسم المبتسم غير متصل    
نائب المشرف العام الظهران  
المشاركات: 18,614
#23  

يلا .. اول مواقفي ..

مع اني ذكرته مرة زماااان في القسم .. لكن لا مانع من التكرار

مرة زمان ايام الثانوية .. لا اذكر في اي سنة .. اعتقد لمن كنت في صف أول ثانوي..
المهم .

في يوم كان فيه تفتيش على الشعر والأظافر ..
أي واحد يصيدوه شعره طويل او اظافره طويلة .. يعطوه انذار .. واذا جاه ثاني يوم ما حلق او قص اظافره ممكن يطرد او يستدعى ولي أمره ..
وكان دائما اللي يجي يفتش علينا وكيل المدرسة .. وكان انسان يحب يتمسخر على الطلاب ويهزأئهم على اتفه شئ!
جا الفصل عندنا عشان يفتش.. ولمن وصل لعندي .. انا كنت مرة خايف. لأن شعري كان طويل..

الوكيل: نزل الطاقية !

نزلت الطاقية ... والا الشعر ينساب انسيابا كأنهُ الشلالُ << كيف الوصف بس

الوكيل: ما شالله ما شالله .. أول زبون ! ...

وجلس يهزأ فيني نص ساعة .. وانا مطنش ... معتود !!

لين وصل في التهزء لنقطة حساسة جدا !

الوكيل: تصدق !.. انا اول ما شفتك حسبتك حرمة !

انا هنا .. قلت في نفسي STOP

وخصوصا ان الطلاب جالسين يضحكوا علي ومبسوطين !

قلت في نفسي..لا خلاص لازم ارد

قلتله: وانت تصدق ! ..انا اول ما شفتك حسبتك رجال

المهم بسبب هذه الكلمة انطردت من المدرسة اسبوع.. لكن رجعت المدرسة بعد 3 ايام بالواسطة لأن الوالد كان يعرف مدير المدرسة

برجع بعدين اذا اتذكرت مواقف ثانية
المبتسم غير متصل قديم 15-08-2007 , 04:20 PM    الرد مع إقتباس