السلام عليكم ورحمة الله وبركاته
هذا موقف محرج جداً حصل لي وأنا عمري 10 سنوات أو أكثر شوي
طبعاً اللي عنده مواقف محرجة بعد لا يبخل علينا
هذا الله يسلمكم الزعيم كان عمره تقريباً 10 سنوات وكان جالس مع أصدقاء سوء
وقام كل واحد فيهم يتكلم عن حبيبته وبعضهم يسميها رفيجته
المهم الزعيم قاعد في نصهم مثل الأطرش في الزفة ولا يدري بشي ولا يدري أصلا كيف الناس تتكاثر
المهم بعد هالجلسة معاهم أتصلت على أبن خالتي وطلبت منه أجتماع عاجل ودار بينا هالحوار
الزعيم: أنا أحب
أبن خالتي: تحب من ورانا ومن هي مقرودة الحظ ؟؟
الزعيم: مدري .... علشان هالشي أنا مجتمع فيك
أبن خالتي:
الزعيم: أبيك ترشحلي بنت حلوة
أبن خالتي: في بنت فلانة وبنت علانة و ..... <<< من زين الأخلاق كل اللي رشحهم يقربون لنا بس من بعيد
الزعيم: بس جبتها فلانة بنت فلان مناسبة خلاص حبيتها
أبن خالتي : ممتاز بس لازم الحين تكلمها
الزعيم: أفا ما أتفقنا على هالشي
أبن خالتي: أنت لازم تكلمها وهذا رقم تلفون بيتهم <<< على ذيك الأيام ما كان في تلفونات نقالة
المهم أنتهى الأجتماع وبدأ الزعيم يستعد للأتصال الهاتفي
وفي مساء نفس يوم الأجتماع أتصل الزعيم على بيت فلانه
الزعيم: ألو
فلانة: ألو
الزعيم: أنتي فلانة
فلانة : ها أي أنا فلانة من معاي
الزعيم: أنا فلان بن فلان الفلاني <<< الزعيم ما قصر عطاها الأسم بالكامل
فلانة: شتبي؟؟؟
الزعيم :(بدا يتلعثم بالكلام) أنا أبي أتعرف ومعجب
فلانة: ترى أنا أم فلانة وأترك عنك هالسوالف توك صغير
<<<كانت أمها محترمة معاي مثل ما قلتلكم في صلة قرابة
الزعيم:
<<< صك الخط
طبعاً يا جماعة أنواع الأحراج كلها شفتها ذاك اليوم
قسم بالله أن الجو أذكر كان بارد بس عرقت عرق ما عرقت نفسه في الصيف
طبعاً البنت حالياً مخطوبة وقريباً إن شاء الله بتتزوج الله يوفقهم ويسعدهم
هذي من مواقف الزعيم وهو صغير فضايح
من يومها كرهت الحب وسنينه
الله يرزقنا ويرزقكم زوجات صالحات
عرض نسخة للطّباعة |
ارسل هذه الصفحة لصديق]
