بصراحه خوفتني أكثر من أول

أقول لا تجي إنت ولا وجهك

احنا كده ومش خالصين بعد نخاف ... الله يستر

أفكر ... بصراحه انت ما لك أمان وممكن تخون فيني أي لحظه

اللي بالاحمر .. يعني حبعزأ في الفلوس بعزأه ماحصلتش

والله هذا من نصبك علي كاتبتها الفوس

اللي بالاخضر .. مين انتم بس انتبهي لاتاخذك العليه ثم(ن) تطيحين

اللي بالرمادي .. اقول ماتبين تاخذين ماجستير في الورشه وتحت السيارات ومن زيت الى زيت

والله مالك الا شهادة سطار علشان تعرفين الشهادات تجيبينها من ذراعك

حنا يادول الخليج ماعندنا وسطات ولا توصيات ولا اشتري الشهادات بفلوسي

اقولك والله هو ذا المتحدث اللي يبي له سطار وش رايك طعينه سطارين فقط لاغير

اللي بالبرتقالي .. الصراحه لقب حلو ومميز وزين واحس كذا يعني برسيتج أأأوي

اللي بالازرق ... الطمع زين هاليومين

اللي بالاحمر .. ايه حتى حطيت فيه ماطور علشان يضخ اكثر واكثر من مرادي ومبتغاي
ايه وهذا كاسرة(ن) خاطري بس تراني راحمك بالحيل

اللي بالرمادي .. ههههههههههه وليه التردد يابنتي اعملي لك شوية همه

اللي بالاحمر .. طماعه واعرفك زين

اللي بالرمادي .. والله ماقصرتي ومااعتاز اي تذكير مدون كل شي في مفكره الموبايل

اللي بالازرق .. هههههههههههه دايماً عجول وش اسوي فيني

اللي بالاحمر .. هههههههه لا ماهو بعاجبني الوضع

اللي بالاخضر .. ههههههه شكلها ضيعت الدليل وكانت وعلى مااعتقد ومن خلال دراستي في

مجال تحضير الكلام الطيب ومن الربكه نست كل شي وخبصت وضاع الحكي

وكلامك يبشر بالخير عن هالبلد .. ولو اني ماخذ(ن) فكره عنه سيئه ..

ويعطيك العافيه على هالمعلومات الطيبه الزاخره ..

اللي باللون الاحمر .. ههههههههه والله ماادري وش السالفه

ومين علام ذا

اللي بالرمادي .. هذا جزاء لكل من تسول نفسه بمحاربتي

اللي بالاخضر .. ههههههههههه .. سلمك الله هذا ديكوووور

اللي بالازرق .. لأه لأه لأه ... متسبينيش وحده اوعي تقري وتتركيني<<< النهايه

هذا جزاي اقولك السالفه ونتجاذب اطراف الحديث

ههههههههههههه .. طيب كيف لي اني اغير هالصوره اللي ماخذتها عني والموجوده بين دهاليز راسك

وش السالفه ؟؟؟

كل كلامكم الوان في الوان


ونا ماحب الالوان <<< عنده عمى الوان

يعني حبعزأ في الفلوس بعزأه ماحصلتش ... حتى الساندوتش راح نلفو بالفلوس

والله هذا من نصبك علي كاتبتها الفوس... واي عساني ما أغلط إلا طلعت نصابه وراعية سوابق ... بس شلون كتبتها الفوس هذا لأني ما أفتح عيني من الضحك على ردودك ... عذر أقبح من ذنب

مين انتم بس انتبهي لاتاخذك العليه ثم(ن) تطيحين ... الإنسان يا مبدعنا لما يحترم نفسه زياده يجمع ما يقول أنا يقول نحن ... وبعدين ليش أطيح إلا إذا كنت انت ناوي تكعبلني

اقول ماتبين تاخذين ماجستير في الورشه وتحت السيارات ومن زيت الى زيت ... من وراك ما بحصل إلا هذه الشهادة ... بس اقتراحك حلو وكأني بفكر فيه علشان أعرف أبدل أيل سيارتي وسيارات الأهل والجيران

والله مالك الا شهادة سطار علشان تعرفين الشهادات تجيبينها من ذراعك ... وانت كله ايدك تتكلم معاي ... ما أقول غير الله على الظالم والمظلوم له الله

وش رايك طعينه سطارين فقط لاغير ... إني أخاف الله رب العالمين

الصراحه لقب حلو ومميز وزين واحس كذا يعني برسيتج أأأوي ... لازم دام فيه الصحاري أكيد بيكون حلو

الطمع زين هاليومين ... طلعت صاحب كيف يا مبدعنا وما عاجبك صنف واحد

ايه حتى حطيت فيه ماطور علشان يضخ اكثر واكثر من مرادي ومبتغاي ... واي كل هذا حقد علي ... روح يا شيخ ربنا يسامحك

ايه وهذا كاسرة(ن) خاطري بس تراني راحمك بالحيل... وياك شفت الظلم والقهر أشكال وألوان ... لكن لكل شئ نهاية وما لي إلا المحاكم

وليه التردد يابنتي اعملي لك شوية همه ... قلت لك من قبل الوحده وحشه والقرار وايد صعب

طماعه واعرفك زين ... وأنا أشهد إنك ما عرفتني أبد

والله ماقصرتي ومااعتاز اي تذكير مدون كل شي في مفكره الموبايل ... كأنك تقول قلبي وجهك واجنا مستغنين عن خدماتك ... شقول غير مشكور والله يعطيك العافية

دايماً عجول وش اسوي فيني ... الله يكون في عونك ... ما عندي غير ادعي لك الله يشفيك ولا يبلي مسلم بلواك

لا ماهو بعاجبني الوضع ... أقول حوالينك بحر ... انت تعرف شتسوي

شكلها ضيعت الدليل وكانت وعلى مااعتقد ومن خلال دراستي في مجال تحضير الكلام الطيب ومن الربكه نست كل شي وخبصت وضاع الحكي ... منو تقصد يعرف في الكلام الطيب لا تقول انت ؟!

وكلامك يبشر بالخير عن هالبلد .. ولو اني ماخذ(ن) فكره عنه سيئه ... شوف مبدعنا إذا قصدك عن الكلام الذي ينقل عبر المسرحيات وبين الناس ففي كل بلد الزين والشين ... والأجانب هم من أفسد أخلاق بعض أهل البلد ... يغرونهم بالفلوس وهذيل فقارة ... وبعدين أنا أقولك بعد الساعة تسعه بالليل لا تطلع وخصوصا إلي عنده أطفال ومعاه أهله ... والأماكن السياحية من الساعة ستة الصباح إلى ستة المسا ... يعني على الساعة ثمانية تجيب العشاء وتريح وبعدها تنام لرحلة اليوم الثاني ... لما رحت أول مرة كنا أنا ومحرمي بعد الثمانية ما نطلع ... نقوم من الصبح ونتجول في الأماكن القريبة مرات مشي ومرات في (تك تك) وهذا نفس الدراجة وعليها مظله ... ونتغدى ونتعشى في أحد المطاعم العربية وله الهندية وناخذ فواكه والفطور ونرجع السكن ... أما في المرة الثانية كنا سبع أشخاص ويانا أطفال ... مرة طلعنا على البحر في بوكيت على المغرب وتعشينا وقعدو اليهال يلعبون وتأخر علينا الوقت لين الساعة عشر ... والله يا مبدعنا انقلب الشارع إلى سوق نخاسه ... النساء شبه عرايا والأجانب يساومونهم على السعر وحانات الخمور تشع منها الإضاءة وصالات الديسكو تصدع منها موسيقى الراب ... احنا صعقنا وما عرفنا كيف نخرج من الشارع وأنا قلت لأختي مسكي اليهال في حضنك علشان ما يخطفونهم وصرنا نمشي بسرعة أقرب للركض من هول صراحه المناظر إلي نشوفها ... وحتى في بانكوك بعد التسعة يبدأ بنات الليل في الخروج ويعرض الباعه اشرطة الأفلام الوسخه ... والإنسان إلي يعرف ربه يا مبدعنا يعلم إن الله يراه في كل مكان وليس في بلده فقط وأن مرده إلى الله

وعلى فكرة يا مبدعنا حتى بلدنا بعد ما غزوها الأجانب صار كل شئ فيها عادي ... وترى المنكر في وضح النهار ... حتى في أماكن حرمونا منها لأنهم ياخذون حريتهم فيها ومحد يقدر يقولهم شئ ... وإذا اشتكيت قالوا حرية شخصية ... يمشون في المراكز شبه عرايا ... ويتعرون بالكامل على البحر ... واحنا لازم نغض الطرف عنهم ونسكت ... الله المستعان

والله ماادري وش السالفه ... كل السالفة وما فيها إن عندك عمى ألوان ... لا تبكي كل شئ وله علاج والطب تطور

ومين علام ذا ... يعني منو علام ... رجال واسمه علام

هذا جزاء لكل من تسول نفسه بمحاربتي ... مجرم وما في قلبك رحمه ولا شفقه بعد

سلمك الله هذا ديكوووور ... وليش تحط ديكور وتعب نفسك ... ارمي كلمتك وانتهى الموضوع

متسبينيش وحده اوعي تقري وتتركيني ... مصري من يومك ... وبعدين ليش ما تبيني أمشي ... من زين كلامك وله من كثر حنيتك

لا نتجاذب ولا نتنافر ... حتى سوالفك ما تعرف متى تقولها ... أقولك مرعوبة تزيدني رعب

ما أدري ولا أعرف ولا تسألني ... لأن الصوره في منتهى القتامة ... واعتقد لمبات الدنيا ما راح تنورها

يا صباح الأنوار والخيرات والمسرات

حيا الله بوعبدالله إلي طول علينا الغيبه

وبعدين هذه الألوان علشان نعطي للحياة بهجه ... الحين مبدعنا بيقول قامت تتفلسف ... لكن بسوي نفسي ما أسمعه ... مسكين مبدعنا ما لحق يقول شئ

وسلامتك من عمي الألوان ... الله يرزقك نور البصر والبصيرة

ياليت تشاركنا دايما يا بوعبدالله ... لأنه نفرح وايد بوجودك

السلام عليكم ورحمة الله وبركاته

حيا الله أعضاء سوالف الطيبيين

والله يمسيكم ويصبحكم بكل خير

وينك يا مبدع سوالف ما شفت لك أي رد من أمس

عسى المانع خير بإذن الله

السلام عليكم ورحمة الله وبركاته

الله يصبحكم ويمسيكم بكل خير

الظاهر إن مبدعنا مشغول هاليومين

بس شفت له رد واحد في موضوع أخونا الجوكر

يعني الحمد لله هو بخير لكنه حارمنا من ردوده الحلوة

حيا الله الجميع

وينكم يا الغاليين ... من أمس محد دخل سوالف

الله يحفظ الجميع ويمتعكم بالصحة والعافية

ياهلا بك اختي بشاير الخير ...

ويحفظك ويخليك لعين ترجيك يالغاليه ..

وانا عن نفسي شوية ظروف .. والله ييسرها

الله يصبحكم ويمسيكم بكل خير

الله ييسر أمورك يا مبدعنا ويريح بالك

وعسى الله ييسر لك كل عسير وترجع مرة ثانية لسوالف لأني ما لاقيه أحد أتهاوش معاه

رغم غياب الجميع وخصوصا رفيق رحلة سوالف مبدعنا المبدع

إلا إني أحببت أن أسجل حضور في هذا الموضوع

الله يصبحكم ويمسيكم بالخير والنور والسرور ويبارك فيكم وين ما كنتم