..

محشش يقول قصه لاحد الرجال::

المحشش: كان ياماكان في قديــم الزمـــان

كــان فيــــه اســــد كبيييير مرررره وشـــرااااني

كان يمشــي في الغـــابه ويأكـــل مــن حشـــــائش الارض المــــزهره ...

الرجل الذي يستمع القصه : يالحبيب .. متــاكد هو اســد ولا حمـــــــار ....

بعـــدين وش حشــائش مــزهره مسوي فيها مثقف .

شف هي وحد من الثنتين ..

يا انك خبل ولا انك خبل .. اختر انت عاد ..!!


المحشش : المهم .. وبينما الاسد يمشي .. وقف عنــد سوبر ماركت ..

وكان اللي يبيع فيها الفيل ابو زلومه .. فنظر اليه الاســد بكبرياء وقــال له:

اعطني ميرندا ياهذا .........

فقال الفيل : اتريد ميرندا فراوله ام ميرند حمضيات .....

فتبسم الاسد وقال : لقد اضحكت بطني ياهذا .. الا تعلم ان الميرندا فراوله

هي شراب الملوك والعظماء وان الغابه تزهر بالفراوله اللذيذه ..

هيا اعطني ميرندا حمضيات

فضحك الفيل ضحكة اهتزت لها جنبات المكــــان وذهب مهرولا لإحضـــار

السفن اب ...... ..

المهم اخــذ الأســد الببســـي وغــادر المكــان علــى عجـــل ..

لكي يبحــث عــن فريســـه جميلة الوجـــه ..

وممشــوقة القـــوام لهــا عينــان تســـر النـــاضرين ..


الرجل : الرشف يالخبــل .. الخرابيــط الاوله بنمشيهـــا لك ...

لكن بالنسبه للفريسه هــذي عااااد قويــه ..

هو يبي الفريســه عشــان ياكلهـــا ولا عشـــان يكشــخ فيهـــا ..

اقول .. خلك رجال احسن لك .


المحشش : المهـــم .. ان الاســد لقــى ارنــب صغيـــر يتنطط في ارجــاء الغــابه ..

ويمرح بين الحقول

الرجل : حشـــا ... فار هذا مو ارنب

المحشش : فتقدم اليه الاســد بثقـــه

كــأنه سفينـــه تختـــــال في رمـــال الصحـــراء الحـــارقه
....


الرجل : اقول . تحمدوا الله على نعمــة العقـــل بس



المحشش : فقــال الاســـد للارنب .. مارأيك ان اشــاركك اللعب ياصغيــري !!!.؟؟

فرد الارنب بدهــاء يفوووق الوصف ويدل على ذكاء الارنب:تريد ان تلعب معي ..

عادي لي الشرف العظيم



الرجل: اي والله ذكاء .. لكن وش نقول ..

انت شف من يتكلم واعرف ان الموضوع كله عفسه



المحشش : فقال الاسد والشرر يتطاير من عينيه ..

مارأيك ياصغيري ان نلعب عروســه وعريــس ...

وآخــذ انا دور العسكــري وانت تأخذ دور الحرامـــي



الرجل : لا والله الغابه الزينـــه .. اذا كان هــذا ملكهــــا .. اجل الباقين وش بيصيرون



المحشش : المهم .. طلب الاســد من الارنب الصغير ان يختبئ في مكــان .

لكي يبحث الاسد عنــــه . وكان الاسد مبيت النيه على التهــام الارنب ...

المهم .. ذهب الارنب وتخفــى وراء احدى السيــارات ...



الرجل : الله يغربلك.. وش هالغابــه ..

لكن الشرهه ميب عليك

الشرهه على اللي جالس يسمع لين اللحين



المحشش : وكان الاسد مغمض عين ومفتح عين ..

عشان يشوف وين سوف يختفي هذا الارنب اللعين ...

وعندما بدأت اللعبــه اخذ الاسد يمشي وكانه يبحث عن الارنب المكار ..

وهو يعرف مكانه .. وجاء الاســـد من خلــف الارنب لكي يلتهمه على عجــل

دون ان يلحظ الارنب ذلك ... .. وعند هذه اللحظــه ..

قفــز الارنب المكـــار قفزه مدويه ..

وباغـــت الاســد بهجـــوم مضــاد ليس له مثيــل ..

ولطم الاسد على وجنته .. فأخــذ الاســد يهرب مهرولا ..

والارنب كافخ وراءه .. والاسد يهرول.. وكأن على رأسه الطير..

والارنب .. وراه ماسح طبلونه ...

ووثب الارنب على الاســـد من الخلف .. حتى ارداه ارضا .....

وعندها التهم الارنب الاســد .. وخلــص الغـــابه من شروره ..

وعاشت الحيوانات .. في فرح وسرور ..

الرجل : أنا الغلطان اللي اسمع لك

محشش عنده حكمة ما شاء الله عليه

لا يروح هذا أنت يا محشش متقاعد

تسلم يا سعادة المحشش على التحشيش

ما شالله عليه الأرنب .. مفترس

مشكور يا محشش

ذول محششين الصراحه شكراً على التحشيش قصدي على القصه المحششه

تحياتي ..

الرجل : اقول . تحمدوا الله على نعمــة العقـــل بس!!

____________________

بس عجبتني لعبة عروسة وعريس .. أفتكر زمان كنا نلعبها بس كانو دايماً يدوني دور الطقاقه المساعدة

_____________________

أخوي محشش متقاعد .. خليتني أحس إني محششة و أنا أقرأ القصة

شكرا لك أخوي ..

لا انا عجبتني النهايه والله قويه

هلا قوله المعضل اللي فوق ارنب مفترس ههههه

مجششين آخر زمن !

عكسوا الحقائق راساً على عقب

ما قد ضحكت كثر ما ضحكت اليوم ، الله يسعدك

هههههههههههههه


والله كان خاطري متكدر بس بعد ذي القصه....



صدري وسع لدرجة اني حطيت الكمبوتر فيه...



سلااااااااااااااااااااااااااااااااااام

مشكوووووووووووور

والله تسلم أخوى محشش على هذه القصة الطريفة والله الراجل اللى كان بيرد عليه صعب على أنا بتهئ لى إن عقله مشى من كتر الهلوسه بس بجد ظريفة قوى وعجبنى إن الأرنب هو اللى التهم الأسد والله ماتوقفت عن الضحك .
زادك الله فرحا ومرحا وجعلك من المساعدين فى رسم البسمة على وجوهنا .