السلام عليكم سبق أن قمت بالرد في موضوع الأخ AMG أوبيروس المعدلة ولم تقم بالرد علي قلت شكله مشغول خلينا نسويله استقطاب لعل وعسى
الموضوع ومافيه اخوي Opirus ابغى أسألك بما أنك تمتلك السيارة كيفها من ناحية الصيانة والأعطال هل تستحمل كرف وخاصة مع أجوائنا الخليجية السيئة وكيف اسعار قطعها الأصلية من قماشات فرامل واذرعة ومساعدات ووو والقطع الاستهلاكية وكيف عزلها الصوتي تسمع صوت الشارع اوتنسيم هواء وكيف رساوتها لأني مفكر اخذ وحده للوالد مستعملة 2004 او 2005 وهذي الموديلين تأتي مواصفات وحده من ناحية الفخامة وكم سعرها مستعمل في السوق تقريباً
كثرت عليك جزاك الله خير

وين الشباب النشامى اللي حيفيدونا

احنا في الإنتظار ياحلوين

السلام عليكم
هلا اخوي امممممممم ايش تبيني اقول
اذا تفكر تاخذ مستعمل لا تاخذ 2004 خذ 2005 لانو حسنو في السسبنشن
اما بالنسبة إلى قطع الغيار الإستهلاكية فهي رخيصة مقارنة بالسيارات الثانية ومقارنة بمواصفات السيارة
- الجودة الداخلية ( الكولتي ) ممتازة من غير مبالغة لاني انا امتلك سيارة وقاطها في الشمس ولا عندي طربال لول وعادي ما تفكك اي شي من الطبلون او الابواب او اي شي ثاني
- انا ما ارحم السيارة يعني قومات وهيك ودعس حتى لو كنت لحالي
صحيح فيه سيارات كثير تطلع علي بس عادي اهم شي انا استانس خخخخخخخ
رساوتها جيده على الخط ومافيها تنسيم للهواء بس يمكن تسمع شوي ضوضاء من التواير لأنو الشوارع ماهي كويسه عدنا طبعا بس تسمعها في الهايويه على الشوارع القديمه
أما الشوارع المرصوفة الجديدة هدوء تام ( يعتمد هذا على نوع التواير الي مركبها)
انا اخذت سيارتي كاش في 2004 حوالي 88 الف والحين اتوقع سعرها مستعمله حوالي 35 الف الى 40 الف يعني اتوقع تحصل 2005 في هذي الحدود وعلى حسب النظافة
بس لو تاخذ 2005 افضل لانو بيكون عندك ضمان في الوكاله سنتين قدام
وتأكد من الصيانه هل يوجد للسيارة ملف فيها ( ملف الصيانه أو ملف المتابعة) لانو إذا كان صاحب السيارة ما يتابع في الصيانه ما راح يكون عليها ضمان لو صار اي خراب لا سمح الله ، وتقدر تعرف هذا الشي من دفتر الضمان أو تتصل على الوكيل قسم الصيانه وتعطيه رقم لوحة السيارة وتقول له هل عليها متابعة أو لا .
اما بالنسبة إلى الإكسسوارات فهذي غالية في كل السيارات
اممم اتذكر اخذت ليها صدام خلفي بي 400 ريال و القماشات تقريبا الامامي 90 والخلفي 140 او العكس
وإذا عندك أي استفسار انا حاضر وآسف على الإطالة

أشكرك من أعماق قلبي على تجاوبك وتعاونك معاي عفواً ايش تقصد بالسسبنشن ويعني ماتنصح بـ 2004 و لومافيها دفتر صيانة ماتنصح ولاكيف
وسؤال كمان بالنسبة للأوبشن كيف تقسيم السيارة يعني مثلاً في المواصفات فتحة وجلد وطبلون ليزر وفورمايكا على الدركسون هذا الأوبشن له اسم مثل LS و2004 جاءت مواصفات وحدة
واشكرك طولت عليك
انت نفس العضو تميم في منتدى الخليج

بسم الله الرحمن الرحيم
السسبنشن هذي مسطلح الى الحركة الديناميكية للتواير
يعني العكوس والمقصات والياي والجامبين والأدرعة كلها لما تتحرك للأعلى والأسفل يطلق عليهم السسبنشن وهذي حسنو في جودتها عام 2005
نعم ما أنصح في 2004 لانو عندك خيار أفضل 2005 فيه جوده أكثر وضمان أطول
ولو مافيه دفتر صيانة تقدر تتأكد من الصانة نفسها هل هو متابع للصيانه أو لا
لانو ما يشترط وجو دفتر في السيارة لانو كل شي مسجل في السستم عدهم
أما بالنسبة للأوبشن هناك ثلاث انواع في المواصفات
النوع الأول : ما يكون فيها ستائر جانبية للأبواب الخلفية ولا ستارة خلفية للزجاج الخلفي ويكون فيه سيدي واحد مع كاسيت ما يكون جلد ومافيه زينون ولا حساس خلفي للريوس
ومافيه شاشة تبين معلومات السيارة ويكون موقع الشاشة ساعة كبيرة كلاسيكية
النوع الثاني : نفس المواصفات الاولى بس الي يفرق وجود الشاشة بدل الساعة والمسجل ستة سيدي وكاسيت تقريبا هذا كل شي
النوع الثالث: وهذي نفس مواصفات سيارتي ، فيها ستة سيدي وكاسيت وأنا كنسلتها وركبت لي شاشة لمس لول ، ويكون فيها نضام الثبات ABS و ESP وفي 2005 اتوقع يوجد فيها هيتر للأسيات و سسنسر للريوس والانوار زينون ولا تنسى تاخذ 2 ريموت كنترول ويكون فيها ميموري للسيت المرايات الجانبية والدركسون وكلها تشتغل بالكهرباء وتقدر تتحكم في المرايات الجانبية في حالة الريوس بمجرد ما توضع القير على الريوس بتنزل المراية اليمين حق تشوف الرصيف او تقدر تشغلهم الثنتين ( اليمين والشمال بتنزل سوى) وتقدر تطفيها وبمجرد ما تضغط على الريموت كنترول لما بتفتح الابواب بتتعدل الوضعية ( الدركسون مع المرايات الجانبية مع السيت ) على حسب برمجتك لها
شكلي طولت عليه وعلى فكره فيها مواصفات كثيره ما قلتها لك ومستعد أقولها بس انت تامر

وبالنسبة الى تميم
لا مش انا وما عندي ولا مشاركة ثانية في اي منتدى ثاني لاني بس مشارك في هذا المنتدى

جمل الله حالك اخوي ماقصرت بالنسبة لفتحة السقف وانارة الطبلون ليزر في أية نوع تجي ياريت توضح لي ولو ماعندك مانع تعطيني ايميلك
وشكراً لسعة صدرك

بالنسبة إلى فتحة السقف في الفل تقريبا يعني الي فيه ستاير وهيك والطبلون اليزر كمان في نفس السيارة
والأيميل من عيوني راح أرسلة لك

مشكور اخوي يعطيك العافية في حفظ الله