السلام عليكم ورحمة الله وبركاته
موضوعي اليوم عن مزود الخدمه لديكم
اولا انا استخدم مزود الخدمه جيل ............. اول الايام كان مضبووط وبعدين طلعت المشاكل ....
انقطاع بطء في المتصفح والخ ومن كثر ماكلم الاستقبال حفظوا اليوزر نيم حقي صرت اعاني منهم
وخبركم عارفين انه اذا المشكله من عندهم حطوا العله فيك والفسام انا موضوعي طويل جدا لكن انا الات استخدم جيل مجاني يوم تجريبي بكلام من المدير واشرف منهم على اليوزر ان ما ضبط لين بكره راح استرد فلووسي فا بغيت الكل يشاركنا الموضوع ويكتب عن مزايا وخدمات وسرعة مزود الخدمه لديه ............... :mad1:

السلام عليكم....


اول شئ الحمد لله انا جيل ماشية معية 100 100
بس ترى احياً كذا شركة تضبط مع واحد وما تضبط مع الثاني......((دائم تصير))

اما بالنسبة لنصيحتي لك توجه على طووووووووووول على سعودي نت...
يعني زود 70 ريال على اشتراكك وخذ من عندهم اشتراك 256 يعني قيمته 270 ريال
اما سرعة 128 فا قيمتها 128 و 64 ماني قابلك :-)


مشكلتها انهم لازم تتشرك معاهم 3 شهور اقل شئ عشان اول مرة...


غير كذا عندك نسما.....جيدة بس برامج المشاركة ماهي شغاله معاهم...


وفيه اول نت و جيل((طبعاً ماتبغاها))




انت قرر وقلي....:-)

مشكوووووووووور يا خوي wrx
انا كمشترك مع جيبل 3 اشهر بسرعة 128 وتعرف انه الدوان لود يوصل لين 23 30 29 شفت كيف سرعة 250 لكن هاليومين المشاكل كاثره بس طمنوني باخر اتصال انه كان الخطاء من اعداتهم بالنسبه لليوزر نيم تبعي فا انا اليوم بشبك النت 24 ساعه وبشوف ان ضبط مشينا معهم وقالي المشرف انه يوم يصير عطل في المدينه حقت عبد العزيز اثرت واجد على مشتركين وانهم غيروا السيرفات وجابوا فنين من برا وضبط ورجع والمشكله ماني المستخدم الوحيد المتضرر في غيري كذا واحد فا نشوف لين بكره وين توصل معهم
انا افكر اكملهم يعطوني 256 تجريبي وابدل السرعه يمكن تروح المشكله لا نه اول ما في انقطاع ابدا

احم احم ترى حنا في اي بي هههههه المهم اخوي جاني اتصال من جيل نت من المشرف حقهم ويقول مبروووووووووووك التحديثات كلها اكتملت ماراح يصير تقطيع خبرك انا كلمت مديرهم وصار بيني وبينه كلام حاد شوي لين ماراح واصر عليهم انهم يخلصوني مشاكلي كلها ايه هذا الكلام جيل نت نشوف ان شاء الله وش بيصير وراح اقولك اول باول ويش يصير معي جود باي

السلام عليكم .

أنا بالذات مايحق لي أتكلم بهذا الموضوع لأن تجربتي فيه حوالي اسبوع ويومين .

لكن أبقول وش صار معي عند سعودي نت .

أول مرة رحت لهم السبت القبل الماضي , وقلت ابي يوزر نيم . وطبعا كنت مسجل طلب من الانترنت .
المهم لما دفعت حق 3 شهور 256 . فورا ارسل بيانات الاشتراك على جوالي وقالي تقدر تدخل الانترنت من الحين :smart: .

وطبعا انا جبت الاشتراك قبل المودم :shy: !! لأني توقعت انهم يتأخرون مثل شركة الاتصالات . على فكرة شركة الاتصالات انتظرتها اقل من اسبوع وجات قبل الموعد -يعني ماقصروا- !!

المهم اليوم الي بعدها "الأحد" وبعد ماشريت المودم . رحت البيت أجرب الاتصال .
أول مرة قلت خلني أحاول بنفسي ولا ماضبطت دقينا على الدعم الفني .


المهم أكلم الهاوي جروب ويعلمني كيف ادخل على المودم واحط الاعدادات .
وطبعا ماقصر علمني كيف ودلني على موقع بوابة الانترنت الرقمية و .....
وبعد تفحيط وجهد جهيد ماضبطت معي , كان دايم Down !

المهم اكلم الدعم الفني : ويرد علي واحد .
فلان الفلاني شركة سعودي نت .
- ياهلا ياهلا .
تفضل أخوي .
- أخوي انا توني جبت اشتراك وما عرفت اسوي اعداات المودم .
طيب أخوي , انت عرفت المودم
-نعم .
ودخلت اليوزر نيم .
-نعم.
هات اليوزر نيم .
-اليوزر : كذا كذا كذا كذا @ 256 ....
أخي انت مشترك جديد .؟
-ايه ولحد الحين ما اشتغل .
طيب اخي وشنوع المودم ...
.
.
.
وجلس معي خطوة بخطوة لحد ما اكتشفت وين الخطأ .
وضبط معي الاشتراك . ودخلت الانترنت .

بس اليوم الثاني الساعه وحده ظهرا انقطع الاتصال بالنترنت .
أول ماكلمت سعودي نت , قالو لي اليوزر شغال ومافيه أي خطأ .
لكن كلم شركة الاتصالات . الصيانة .

المهم ما ادري وش صار وسحبت عليهم . ماكلمت أحد . :shy:
وجلست هالمشكلة معي من يوم الاثنين الى يوم الخميس وهي انه ما اقدر اتصل بالانترنت من الساعه 1 الظهر الى بعد المغرب .

المهم اتصلت يوم الخميس ب 904 - صيانة الهاتف - وقالوا لي بنراجعك خلال 42 ساعه .
وفعلا يوم الجمعه العصر يمر علي الفني ويشوف خط التلفون . ويغير مكانه وبعدها قالي ميه ميه .

رحت اجرب الاتصال لقيته شغال على قولته 100\100 .

ومن ذاك الوقت الى الان والدي اس ال الحمدلله ماشي معي تمام التمام . ولا شفت تقصير من مقدم الخدمة - واخص بالذكر الدعم الفني :knight: - ولا أي اهمال من شركة الاتصالات .

وانشاء الله تظل الأمور كذا .

يوه ^^ أنا كتبت كل هذا , ومعليش الاطالة .

مشكووووووووووووووووور مستر كيادي
انا النت ميه ميه عندي من ناحية الاتصال تصور انا 128 انزل بسرعة 256 لكن الظاهر المشكله من عندهم ومن كثر مانا زاعجهم يتصلون علي كل ساعه سا عتين يشيكون معاي الهاتف انا اموري طيبه والاتصالات الفني يوم يجي يركب قالي انه الاتصال والدي اس ال عندك فل لا نه ساكن منطقه لسه داخلها الدي اس ال ونا اول واحد يركب يعني ما في حد غيري مركب دي اس ال الا استنجتنه منهم انه لو في شي من الاتصالات ماكان شبك لمدة اسبوعين مثل االحلاوه وبعدين يضرب وبعدين اكداو لي جيل نت انه الخراب من عندهم من اعدادا ت اليوزر نيم حقي ونشوف التجربه لين بكره ون شاء الله خير

رجعنا انا الان كلمت الاتصالات وبكره بيرسلون لي فني من باب الاحتياط نشوف وش فيه البكسيه مع انا اشتكي اني مقدر استخدم التلفون ونا شابك النت لا نه يوشوش وكذا ونستنى لين بكره

سعودي نت :banana:



وبالتوفيق انشاء الله انا شكلي بعد باتصل اشوف اش صاير مع جيل اليومين هذي


انا لو يدوني اشتراك تجريبي ويتحسن خط الـ800 تبعهم كان اشتركت معاهم من غير تفكير


يوووووووو اخ بس لو يشتركون بإكسترانت... :think:


على العموم بالتفويق,,,

انا لي اكثر من سنة مشترك مع نسما

و الحمدلله كل شيء ماشي عادي

يعني ماني حاس انه في شيء مميز و لا في شيء سيئ

مع العلم ان سرعتي 128

و الداون لود يوصل عندي لحد 16.6

و الحمدلله