السلام عليكم ورحمة الله وبركاته...........
كثر الحديث في الاونه الاخيره عن قيادة المرأة للسياره داخل طبقات المجتمع السعودي بين مؤيد ومعارض للفكره ولكل منهم اسبابه..ولكن هل تعلمون ان هناك فوائد خفيه لقيادة المرأه للسياره قد يجهلها البعض..........ومنها:::


1- أن ذلك يضفي على الحركة المرورية لمسات سحرية وجمال اخّاذ.

2- كذلك قيادة المرأة للسيارة يحجم بل يمنع مشكلة تهور الشباب
وقطع الاشارات المرورية فسيحرص الشباب كل الحرص على ان لا تفوته!
اشارةحمراء لعل الله ان يرزقه(( ببنت الحلال )).

3- سعـــــودة محلات البنـــــشر بنسبة 1000%100 لان الشباب كل
واحـــد بيفتح له بنشر وبينتظر تبنشر سيارة وحده من البنات عشان
يصلحها وهذا غير الشباب اللي بتلقاهم على الخطوط منتشرين تقل جراد
كل واحد بعفريتته ومفك الكفرات.

4- بيكثر التقديم على وظايف المرور وخاصة ابو سبيته اللي يجلس عند
الاشارات يعني زين اذا مالقيت المرور يشترطون شهادة الطب للى يبون
وظايف عندهم من كثر الطلبات عليهم.

5- سعودة محطات البنزين يعني بدل الهنود بتلقون اللي يشتغلون فيها
كلهم سعوديين بس في المقابل افلقوني لو اصحاب المحطات بيكسبون
ريال واحد يعني تجي البنت تقول لاابو الشباب صب بنزين بعشره ريال
طبعا ابو الشباب بيحط لى البنزين في التانكي وبيفتح فمه ويناظر
بالبنت ماايدري الا هو معبي تانكي السياره لللاخر يعني FULL وطبعا
يوم بيجي يحاسبها بتعطيه عشره ريال مثل ماقالت له عب وياليته ياخذ
العشره ريال بعد الا يطمر ويحلف عليها ماتدفع ريال ويقول هالمره
خليها علينا.

6- توفير فواتير التلفونات يعني ام صويلح اللي كانت تتصل على ام
دحيم وتجلس تكلمها بالساعات بيصير التلفون مال امه داعي يعني ام
صويلح بتمر ام دحيم والا بتقابلها في شارع وكلن بسيارتها وهاتك
سواليف وهروج وهذا طبعا له عيوب يعني طبعا وهم يتكلمون بالخط
بيقفلونه وبتصير زحمه ماهيب طبيعيه بس افلقني لو احد فتح فمه وقال
لهم حركو السيارات زين ان ماباشرو عليهم ببارد والا بعشاء وهن
بسياراتهن وبيقولون لهم خذوووو راحتكم على الاخر اصلا حنا ماورانا
شي وين الابطال اللي الواحد ثواني يوقف سيارته مايدري الا مليون
واحد يقوله حرررك من هنا والا والله 0000 بس ايييييييييييه هين هذول
بنات من بيكلمهم.

وعلى فكرة فائدة قيادة السيارة لا تقتصر على المراة ( الانسة) بل
حتى (المدام) المتزوجة ومن ذلك.......

7- انه اذا حصلت خصومة بين الرجل وزوجته واحتد الامر وعلت الاصوات
وامتدت الايادي( وصفقها وصفقته) واحمرت الاعين وتطاير الشرر منها
وارغى وازبد كل منهما... عندها ستقول الزوجة لزوجها ( ودني لهلي)
وسيقول الزوج( ماني مودي) وستستمر المشكلة ولكن لو كان للزوجة
سيارة فستخرج رغما عن زوجها وستقول له ( اروح ورجلك فوق رقبتك)

8- كذالك من فوئد سياقة الزوجة هو انها تساعد في احضار الاولاد من
المدرسة وكذالك يمكن للمرأة ( الزوجة) ان تسهم كما اسلفت في مصروف
البيت وبذالك بان تمارس مهنة( الشيّاب ) اي تحميل الركاب .. وهنا
اوصي المرأة بإقتناء الهايلكس الغمارتين وإذا لزم الامر (( دينا))
لتحميل الطوب ونفل العفش والرملا والخرسانة .

بصراحه انا مقتنع جدااااا بالفوائد هذي
وابشوف رااااايكم بالموضوع من يأيد ومن يعارض؟؟؟؟

مساء الأنوار .. حسونه الشرس

بصراحة .. اقتراحات حلوووووووه . وعملية ..

انا مقتنع معاااك

تحياتي لك ..

والله انا كنت مجهز لك رد زي مايقولون اخواننا المصريين

" انما ايه "

بس يوم قريت موضوعك تأكدت انك انسان واعي

ومنت من الي مع الريح راحوا

كنهم ذباب اكرمكم الله وين الشين يدورونه

واذا قلت لهم شي قالوا "الله يقطعك يالرجعي "

ويقولون " الناس طلعوا للقمر وانتم توكم تخلون حريمكم يتغطون "


الله يسلمك ويعطيك العافية

وكثر الله من امثالك

والله اذا كان كذا انا موااااااافق على قيادة المراة وخلاص غيرت رائي وصرت موافق
على الاقل اخوي يحصل وظيفه في المرور والا في بنشر

مشكور اخوي على الموضوع واعتقد انه ما يحتاج رد او وجهة نظر

اخوي البحاري مشكوووور جدا على وجهة نظرك

مشكور ياابو عبد الملك وياكثرهم والله :(

مشكور ثرثار صامت على رايك السديد