اهلين اخوي RED Chevy
يا هلا بك
---
المفروض اني احط صور سيارتي
بس وش المشكله
سالتني وش المشكله ؟
انا اقولك وش المشكله
يوم الأربعاء الي راح
كنت في شارع التحليه الصباح الساعه 7.30 باخذ كوفي وبروح للكليه
واقف بالاشاره
جا جنبي وقف كامري لونه ازرق موديل 2001 تقريبا
اشر بيده وفتحت الشباك حقي قلت يمكنه محتاج مساعده او شي
فتحت الشباك قلت له سم
قال لي انا لابس ساعه حقت العاب ممكن تقولي الساعه كم ( من كلامه وطريقة حركة يده بصمت بالعشره انه سكررررررران )
قلت له يابوي خلك بحالك في شي تبيني ساعدك فيه قال وش يعني ترد الرجاجيل
قلت يابن الحال لاني اردك ولا شي بس توكل
قال لي انت ناوي حرش
قلت له انت ناوي حرش امش وراي
المهم مشى وراي لين حصلت مكان اوقف فيه
نزل هو واخوياه
وانا نزلت وجم شباب اعرفهم وقفو معاي
المهم كلمه من هنا
كلمه من هناك
انتهى الوضع وكل واحد راح في حال سبيله
رحت للكليه اخذت محاظرتي
وانا راجع
طريق رجعتي لازم امر من شارع التحليه
الكلام هذا الساعه 10الا ربع
واقف اول واحد بالاشاره
فجأة وبدون اي مقدمات
جاني من الشارع الي قبالي نفس الكامرلاي وقف بسرعه
نزلو من الكامري اربع شباب كل واحد معاه عجره اكبر من طولي
والي معاه سكينه
والي معاه صاطور
وعينك يا حبيبي ما تشوف الا النور
دووووووووووووف دووووووووووووف
بالقزاز الي قدام
والقزاز الجانبي
يعني بالعربي كل قزاز السياره راح غلطه
ما صدقو خبر
ركبو سيارتهم وهربو
السالفه هذه ما اخذت حتى اقل من دقيقه
وانا توني ما استوعبت وش السالفه
ومن دوريه لدرويه
ومن قسم الشرطه
طلعت بالاخير عطوني ورقة تقرير شرطه وديتها للوكاله مع السياره وقالو بيصلحها التأمين + 500 ريال قيمة التحمل
وبخصوص الكامري
قالو عطنا رقم جوالك اذا حصلناهم دقينا عليك
وطبعاً ردد يا ليل ما اطولك
كل ما اشوف كامري لونها ازرق عيوني تصير كذا
والله يعين
على فكره من الاضرار الي جت للسياره ان الشبك الامامي النيكل تكسر
وقطعة نيكل على النور الخلفي تكسرت
طلبت القطع هذه من العربه
ويبيلها 10 ايام لين توصل من الامارات
اول ما تطلع السياره وتصير كامله
بتتصور وبنزل الصور في المنتدى
وتامرون شي
سلامتكم