أنا راعي السوالف الإسلامية، لكني أموت في السيارات! عجيبة لا؟! أخاف تقولون مطاوعة ويهتمون بالسيارات! ليش لا! قل من حرم زينة الله التي أحلها لعباده

أريد رايكم، أبغي سيارة سعرها 40 ألف درهم بس! مع أفضل موصفات وجديدة يعني من الوكالة، شو تقترحون علي من السيارات؟ بس اقترحات ما أريد عروض! ومثل ما تشفون على قد الحال! لا تقولوا بي أم ولا مرسيدس ولا بنتلي!

مرحبا أخوي سردال
إنتوا الخير والبركة يالمطاوعة
لا تنسونا في دعائكم ، عسى الله يهدينا
أخوي سردال
بصراحة السيارات اللي بتحصلها بهالسعر بتكون من نوع الـ Compact وإذا إنت صاحب عائلة ، ما أعتقد إنها بتنفعك.

شرايك في سيارة من الحجم المتوسط وتكون موديل 98 أو 99 ستعملة؟

الله يهدي المسلمين إن شاء الله ...

أخوي E55

أنا طالب، وعزابي! وأحتاج السيارة حق الدراسة والروحة والجية من المدرسة والجامعة وما أريد سيارة مستعملة! ليش؟ دلع

عيل ما لك إلا نيسان صني أو تويوتا كورولا أو شفر كافالير

أو أي سيارة كورية

اظن الكامري عندكم رخيصه بالامارات ايش رايك فيها
اللي اربعه سلندر

كم سعر الكامري أربع سلندر؟

الحقيقة السني أو كورولا معروفات لكن الشفر لأنه أمريكي أنا ما أحب أستعمله!

الكامري XLi وجير عادي سعرها يزيد عن 50 ألف ويمكن أكثر من 55 ألف

عرفنا السيارات اليابانية، شو بالنسبة لسيارات الفولكس، أو سكودا؟ ما أعرف شيء عنهن، منو عنده خبرة

إذا تبي خذ لك كامري واترك كل هالخرابيط ،،
ما غير تعبي بنزين ،، وتغير زيت ،، وبس ،، والا أنت شرايك يا نسر ؟؟

والله أنا مقتنع بالكامري، خصوصا أنها واسعة وأنا متين أحب السيارات الواسعة

على العموم مشكورين وما قصرتوا، لكن خبروني عن سيارات الفلوكس وسكودا وسيات شو رايكم فيها