طبيعه بتطير طبنات العقل ..

أكثر شي بيعجبني منظر البحيرات والأشجار ..

وبحيرة طبريا شكلها بيجنن ..


طيب ليه اليهود بيجففوا هالبحيرات


حتى الصحراء عندكم باين انها باردهـ .. مو صحارينا


بجد طبيعه رائعه جداً جداً ...


ثانكس عالصور سباااي


استمتعت هنـــــــا ..


روزي

ردك هو اللي بيطير طبنات (ضبنات) العقل

فعلا بحيرة طبريا بتجنن بس عمري ما شفتها لكن الوالِد حكالي عنها كتير

جففوا بحيرة الحولة فقط... لانها واقعة على الحدود الفلسطينية السورية فما بدهم السوريين يستفيدوا منها ومنها بيستفيدوا من الماء في مشاريع تانية واستخدام اراضيها للزراعة

اسعدني مرورك وردك الحلو

أنت الأروع عزيزي الضبع

تعال بنشربك كاسة شاي من مَيّتْها = مائها
الله يعينكم ويشيل عنكم هالغبار
شاكر لك مرورك الكريم

بجد صور خطيره لفلسطين..

الحقيقه أول مره بعرف ان فيها طبيعه حلوه بهالشكل..

تعرف اللي يصير بفلسطين بيخلي الواحد ينسى يفكر بطبيعه أو غيره..

انا اللي قهرني الحرم الابراهيمي اللي صار كنيسه

مشكور عالصور..خليتنا نعرف شي كثييير عن طبيعة فلسطين...

فلسطين حلوة كتير ندوووووووووي فيها كل اقاليم الدنيا مع صغر مساحتها
اللي بتشوفيه ع التلفزيون صور الدمار فقط اما على الواقع فهي جنة..... طبعا كل هالخيرات صارت بإيد اليهود

بس حابب اعدّلك شغله.... الحرم الابراهيمي جزء منه صار كنيس وليس كنيسة ( الكنيس مكان يتعبد فيه اليهود اما الكنيسة فأكيد زي ما بتعرفي المكان اللي بيتعبدوا فيه المسيحيين )

شاكر لك مرورك خيّتي وانا في الخدمة

ثانكس عالتعديل ... أنا بسمعها طبنات وطلعت ( ضبنات ) ..

على هيك إنت هلأ مو عايش بفلسطين

شوفوا كيف اليهود .. يبغون هم يستفيدوا وغيرهم لا ..

حسبي الله عليهم


ثانكس مرهـ ثانيه سبااي

سبحان الله مااروع هالارض المباركه وكأنها نسج من خيال والارض تحكي بجمالها الرنان .. جنه لا اله الا الله .. الملاحظ البحيرات زاخره وكثيره ماشاء الله تبارك الرحمن حتى البيوت القديمه شامخه واشجار الزيتون الرائعه .. فعلاً صور عيشتني جو .. تسلم سباااااااااااي

اجمل تحيه

روزي بتلفظ ع الجهتين
لا انا عايش بفلسطين بس ما بنقدر نتنقل من منطقة لمنطقة تانية
العفو روووزه اسعدني مرورك كمان مرة

ابداع ما بقدر على هيك تعلقيات انا ....

سلمت اناملك على هالتعليق الحلوووووووو فقد أفرحني كثيرا

العفو حبيبي

ويسلمو على المرور

مشكور على توضيح الفرق بين الكلمتين...

بس اممم عندي اسئله كثيره عن فلسطين بس أخاف اثقل عليك


وبعد هيك تطعميني قتله

العفو ندووووووي

إسألي اللي بدك اياه أنا حاضر و لا تخافي ما بتثقلي عليه بالعكس

وما تخافي لا قتلة ولا غيره انتوا بتستخدموا نفس الكلمة لنفس المعنى !!؟

أحنا ما بنستخدم هالكلمه بس بنعرف معناها...

كريم إن شاء الله ماتزعجك أسألتي..

بدي اعرف يعني هلأ فلسطين مو كلها قصف ومجازر <<الاعلام بيفرجينا هيك دائماً

يعني اسم الله عليك..تدخل النت وتروح تسبح ودائماً طاشش مع اصحابك وعم تدرس

بالجامعه..

كيف بيصير هاالإشي كله؟؟؟؟

لا طبعا مو كلها قصف اغلب الاحداث اللي بتصير بتكون عمليات محدودة وفي مناطق محدودة ( يعني مثلا توغل محدود على اطراف القطاع هاد اللي في الغالب بيصير) بس طبعا الرعب بيعم خصوصا لو كان هناك أنباء بإجتياح لانه بتصير مواجهات مسلحة بيروح فيها كتير ناس
طبعا تقريبا ما بيمر كم يوم الا وفي عملية اغتيال او شغله من هالنوع حياتنا هيك ندووووي وتعودنا على هيك ......
وبعدين أغلب الاحداث اللي بتصير بفلسطين بتحصل بغزه (لك الله يا غزه مأساه فعلا ما يحصل فيها والكل عم يتفرج)

بدخل النت من البيت عادي بتفكروا عايشيين في العصر الحجري بالعاكس الشغلة الوحيدة اللي استفدنا منها من اليهود (قبل الحصار) انه كل التكنلوجيا اللي عندهم بتنتقل بوسيلة او باخرى عندنا طبعا مش محتاج احكي انه ما يسمى بإسرائيل متفوق على جميع الدول العربية في مجال الاتصالات والتكنولوجيا : طبعا ما بحكي هالكلام من فراغ لانه جربنا البضائع المصرية (في الحصار) وللاسف سييييييييييييييييييييئه جدا مقارنةً باللي كانت تستورد من الجانب الاسرائيلي
وتروح تسبح في عندنا بحر << احلى كف
لا جد عادي حتى لو كان الوضع مش مستتب ممكن نروح البحر عادي تعودنا
ودائماً طاشش مع اصحابك حسستيني اني داشر

أي اسئلة أخرى feel free to ask

مو في العصر الحجري هههه


لأ..بس الاعلام ما بيفرجينا هيك إشي


أنا كنت مفكره كل فلسطين قتل ومجازر ومابيصح للواحد يضل طاشش


كنت متخيله الواحد بيخرج من البيت ومابيتوقع انه راجع مره تاااانيه


بس هيك كنت مفكره

وصانكيو أوي أوي على التوضيح

صح كلام ندوووي ..

كنت بفكر إنكم عايشين رعب ومو عايشين حياتكم ..

وكنت بفكر إن الفلسطينيين الجامعيين .. بيدرسوا برى فلسطين ..


ثانكس عالتوضيح سباي

ندووووي,روزي
يو ار مور ذان ويلكم



صح كتير طلاب بيطلعوا يدرسوا برى خصوصا في دول اوروبا وأمريكا وكندا
لكن كتيييييييييييييييييييير من فلسطينين الخارج بيجوا يدرسوا عندنا خصوصا اللي بيكونوا مستقرين بدول الخليج اعتقد لغلاء سعر الساعه الدراسية هناك مقارنة بسعر الساعه عندنا وربما في اسباب تانية ما بعرف عنها
مشكورين على المرور

ودمتم في حفظ الرحمن

وكيف ببلد وصفها الله في محكم تنزيله بالمباركة

صور جدا رائعة أخي سباي الله يبارك لكم في بلدكم

تسلم على هذا الاخيار الموفق للصور أخي سباي

صور جميلة بزااااف وطبيعة خلابة سبحان الله

شكرا لك اخي سباي ربي يحفظك

صورة الشلالات روعة

مرورك هو اللي رائع ... ويبارك لكم في بلدكم ويحفظه من أي غاصب
شكرا على المرور والرد

اسعدني ردك اختي فوزية لا حرمنا الله منكِ
تقبلي تحياتي