السلام عليكم

كيف حالكم شباب...

انا الحمد لله رجعت من دبي وحبيت ارد على استفسارات الاخوه اللي كانوا يسألون بس اني ما اذكر مين اللي كان يسأل ..

فا اللي كان عنده استفسار يا ليت لو يسأل الحين ..


الاخ M.A.M ..

ابشرك ان شاء الله انقبلت في الجامعه على حسب كلامهم ..

وحبيت اوفيلك بوعدي بخصوص نصحك في سماعات كويسه ..

عموما انت ما قلت لي ايش المبلغ اللي ودك تحطه ؟؟

لان حصلت سماعات مو طبيعيه من شركه MB Quart وهي معروفه انها من اغلى ماركات السماعات ..

ولكن انا حصلت سيت على نظام 2 way بسعر 800 ريال يشمل 2 ميد رينج و2 تويتر و 2 كروس اوفر .. وهي المانيه الصنع .

فا ما ادري اذا كان السعر اوكي ولا لا ..

وايضا حصلت ماركه Focal الفرنسيه .. وعندهم اسعار جيده ايضا .

طبعا MB Quart و Focal افضل سماعات عندهم يمكن افضل من CDT اللي عندي ...



وابشرك شريت لي مسجل Alpine CDA-7998R



http://www.crutchfield.com/cgi-bin/...7998#morephotos

والصراحه مسجل جبار جدا جدا حتى ما فيه امبلي فاير داخل نهائيا .. حتى فيه مخرج ضوئي Optical للحصول على انقى صوت ..

كلفني كثير الصراحه لانه ياباني اصلي .. حوالي 2500 ريال ..


ارجوا من الاخوه اللي عندهم اسئله يسألون ..


وارجوا من الاخوه اللي يبون شيء من دبي ايضا يسألون لاني يمكن اشتغل شوي بزنس خفيف ..


تحياتي ........ :banana: :banana:

السلام عليكم ورحمة الله وبركاته

كيف حالك أخوي DDesigns , مشكور على موضوعك بس عندي كم سؤال .


عندنا سيارة بغيت أركب لي سمعات بحيث يطلع الصوت حلو أو حاب أكون ال Bass قوي اشوي فكم سماعة أو Subwoofer تنصح أني أركب أو بغيت أغير المسجل وكون Mp3 palyback يعني واحد معقول ما يكون سعره مرتفع لأني حاط ميزانية تقريباً 2600 ريال أو أذا اتطلب الأمر أنزيد المبلغ .

مشكور

مبرووووك عليك أخوي المسجل الجديد

ما ادري هل وجدت مسجلات سيدي mp3 بــ500 أو 400

ياليت لو تذكر الموديل بالظبط وكذلك صورة





وشكراً

حياك الله اخوي ...

طيب انت لازم تتطور حبه حبه وليس كل شيء دفعه وحده ..

انت ايش سيارتك وهل فيها سيدي ؟؟

واذا حبيت تغير المسجل هل تستطيع ان تستغني عن السيدي لانه سوف يوفر عليك الكثير وايضا سوف يعطيك الكثير من الميزات ؟؟

ايش حجم المسجل اللي عندك ؟؟

بمبلغ 2600 تستطيع ان تاتي بشيء جيد وممتاز نوعا ما ..


يعني مثلا تاخذ لك مسجل DEH-P7550 من بايونير بسعر 900 درهم مثل ما سويت انا حق سياره خالي .

والباقي تصرفه على سماعات ومضخم.

ملاحظه سعر المسجل 7550 في السعوديه مع تخفيضات رمضان حوالي 1060 ريال .


انصحك بان تجعل فلوس تطوير BASS آخر شيء لانها هي اكثر شيء تاخذ فلوس ..


انت لازم تحدد كم سماعه عندك في السياره ؟؟

وهل تريد ان تجعل شغلك كله في مضخم واحد ولا 2 ؟؟



تحياتي ..... :cool: :cool:

مرحبا اخوي A.W.T ..

بخصوص مسجلات MP3 فا انا حصلت DEH-7550 بسعر 900 درهم ..

يعني فيه تحته الموديل القديم DEH-7450 يمكن سعره 800 درهم او ما شابه .


ولكن يوجد واحد من بايونير يشغل MP3 وهو ارخص واحد وهو DEH-5550 حيث اعتقد ان سعره 550 درهم اذا ما كنت غلطان ..


طبعا هذا ما يخص البايونير فقط ..

يوجد ماركات اخرى كثيره يمكن تكون ارخص من 500 درهم ..


الخبر الاكيد راح يكون لما استقر بعد شهر ان شاء الله ....

أخخخخ الرجال مستعجل وكنت منتظر عودتك

مشكور أخوي

أنا عندي مكسيما أو بدون سيدي بس ترى عادي أستغني عن السيدي أو تدري خلها على مسجلتها الأصلية بس خايف ما تشتغل عليه السماعات الجديدة
أو أنا حاب أكون فيه سماعتين أو سبووفير واحد وتويترات ما أدري كم واحد أحط أو أيش الماركات الي أحطها

أو ممكن أتقولي محلات في السعودية أسعارهم أوكي لأن في البحرين أسعارهم تعبانة

سامحني تعبتك معاي

الاخ a7medo

هههههههه ترى انا غلطت في كلامي اولا حيث قلت لك تستطيع ان تستغني عن السيدي !!!!!

انا قصد هل تستطيع ان تستغني عن الكاسيت يعني يصير في السياره عندك بس سيدي فقط لا غير يعني مثل اللي عندي .

انت كم موديل سيارتك ؟؟

لان اكيد حجم المسجل هو من النوع DIN-2 يعني مثل مقاس الجسم والسوبر بان ( كبير ) ..

فهل تستطيع ان تاخذ مسجل من مقاس السيارات العاديه الصغيره امثال هوندا او كامري وبقيه الفراغ يتم ترهيمه ..

انت عطني الموديل علشان اوريك كيف شكل السياره راح يكون من الداخل لو غيرت المسجل ..


اما بخصوص كميه السماعات فا لا تشيل هم لان الشغله هي ليست على الكميه بل على الجوده يعني انا بسيارتي ما في الا سب ووفر واحد بس ولكن لو تجيب 6 وففرات بايونير ما يقدرون يصمدون قدامه .


مثل ما قلت لك نبدي بالمسجل بعدين المضخم وبعدين السماعات .

واخر شيء السب وففر .


السؤال الان هل تستغني عن الكاسيت ؟؟

بخصوص الماركات في السعوديه او البحرين فا تستطيع انك تحصل مسجلات جيده في السعوديه والبحرين ولكن سماعات او مصخمات فا جدا جدا صعبه .

حيث المتوفر فقط بايونير و سوني و كين وود و JVC .

بسم الله الرحمن الرحيم

هلا اخ DDesign

ولد عمي عنده VW New Beatle

موديل 2002 فيه كاسيت و6 سي دي

و حاب يطور النظام الصوتي

فشرايك هل يغير المسجل ولا يركب واحد جديد ؟

على فكره اذا رايك لازم يغيره

فهو يبغى شي فيه على الاقل 6 سي دي بس LOAD

مو شنطه غهل ممكن نلاقي هالمسجل لكن من شركه محترمه مثل
بايونير او alpine ?

و مايهمه السعر

شكراً مقدماً

نسيت اقول هو من الشرقيه و ممكن يشتري المسجل من الامارات مو مشكله

نوصيك يالغالي

اووخ عفوا الموديل 2000

مبرووووووووووووووووووووووووووك اخوي DDesigns
والله يوفقك ان شاء الله
وياخي وينك من زمان اشتقنا لمواضيعك وردودك والله :p
ومبروووووووووووووووووووووووك ثانية للمسجل الالباين اللي صراحة ماشاء الله دايماً اشوف المحترفين في امريكا ومواقع الساوندسيستم مركبين مثله .. وماشاء الله باعتقادي كذا السيستم اكتمل عندك لاني اذكرماكان ينقصك الا المسجل وباقي السيارة اللي تتحمل هذا السيستم واتوقع ان شاء الله تحصل في دبي سيارات ارخص من السعودية . واعذرني اخوي على تأخري بالرد وكان المفروض اكون انا اول واحد يرد عليك لكن ظروف الامتحانات الله يخلصنا منها على خير ان شاء الله .. لذلك هذي الاسبوعين يمكن مااخش نت او يمكن اخش اوقات قليلة لكن بعد ماتخلص ان شاء الله يصير خير ويمكن اروح لدبي .
وبالنسبة لنصيحتك والسماعات اللي حصلتها فاعتقد ان السعر كويس قياسا على مدحك للسماعات خصوصا انك تقول يمكن توصل لمستوى سماعاتك ال CDT او افضل .. سؤالي هو : انا ابشيل سماعاتي اللي ورا وابكتفي في الامامية علشان الصورة المسرحية مثل مانصحتني لكن هل الصوت ورا بيكون مسموع كويس لاني احب الصوت يكون مسموع في الامام والخلف ومستوى الصوت في المسجل واطي .. خلني اوضح لك اكثر .. يعني يكون الصوت مسموع بنقاوة ووضوح في جميع طبقات الصوت ومستوى الصوت واطي .. مثل ماتسمع في اندية البلياردو او المطاعم الفخمة لوووووووووول التشبيه يضحك شوي
وان شاء الله انا ناوي اشتريها لاني اموت في ال SQ وابستغني عن سماعات البايونير الغبية لكن اي افضل اخوي الفرنسية FOCAL ولا الالمانية ال MB QUART ؟؟ وياليت اخوي تعطيني رقم الموديلات حقتها لاني اشتهيت اشوف السماعات وان شاء الله انا ناوي اركب سب ووفر بعد الاختبارات بس بيكون بسيط ومؤقت
الى ان اخلص من تحسين الصوت عندي والوصول الى اكبر قدر من ال SQ وبعدين نطور السب ووفر
وسؤالي الاخير : انا اذا اشتريت السماعات القطع من هذي الماركات اللي قلت لي بيكون مكونات الصوت عندي : 1- امبليفاير بايونير 944
2- 2 ميد رينج و2 تويتر و 2 كروس اوفر من احد الماركتين اللي تقول
3- مسجل ال JVC اللي تعرفه وقلت لك عنه 4- سب ووفر مؤقت من بايونير
بكذا يكون ناقصني MIDBASS على مااعتقد مثل ماهو عندك .. فهل يوجد ميدباس في دبي ؟ وهل هي ضرورية لتكتمل جودة الصوت عندي ؟
وفي النهاية اخوي احب اشكرك على اهتمامك ووفاءك بوعدك
ومشكور وماقصرت وبالتوفيق ان شاء الله
واسف على الاطالة
تحياتي وتقديري لك
تحياتي للجميع

مشعل....


أنت خلاص بتروح الامارات؟؟


أنت خلصت من الكلية؟؟

ايش احسن سيدي شينجر يشغل ام بي ثري؟والسعر؟

ما في مشكلة حبيبي نستغني عن الكاسيت بس بكون سيدي بس عاد أبيه Mp3 Playback والمسجل الي أبيه أكون صغير مع أني عندي مساحة كبيرة والسيارة مكسيما موديل 99 .

السلام عليكم ..

اخوي GMC ..

طبعا شيء اكيد ان مسجلات بايونير او الباين افضل من مسجل اي وكاله موجوده ..

وطبعا انا انصحه انه يغير المسجل لانه لو يبي يطور راح يحتاج اسلاك RCA علشان يشغل مضخمات في المستقبل وهذه المنافذ ليست موجوده في مسجلات الوكاله ..


عموما هل يستطيع ان يستغني عن الكاسيت ؟؟

لاني انصحه انه ياخذ سيدي فقط بدون كاسيت ويكون سيدي واحد من قدام مثل كذا :










طبعا اقدر ادبر له المسجل اللي يحتاجه بس هو خليه يحدد لي النوع اللي يبيه وهل يبي بايونير ولا Alpine ؟؟

وكم وده يدفع ؟؟ يعني عندك بين 600 درهم الى 2500 درهم وهو يختار اللي يبيه وراح ينبسط اكيد ..

==============================

مرحبا اخوي M.A.M ..

آميــــــــــــــــــن ان شاء الله ..

والله مسجل روعه بس الواحد يخاف عليه لانه يتحرك كثير وفيه مواطير واجد ..

اما بخصوص سماعات MB Quart فا هي افضل من CDT لو اخذت اغلى شيء عندهم واللي هي تسوى اكثر من 14000 ريال هههههههه لوووول ..

اما Focal فا ايضا لو اخذت اغلى شيء عندهم يمكن حوالي 2500 او 3000 ريال راح يكونون افضل من CDT في حاله لو كانت CDT جديده فقط .

يعني بعد استعامالها لمده اطول راح تكون CDT افضل لانك كما تعلم ان الماركات المحترمه تحتاج الى عمليه Break-in لمده ساعات طويله حتى تعمل بكامل جودتها ..


عموما اعتقد ان اللي شفتهم ب 800 درهم هم هذولي :

http://www.mbquart.com/2003/en_US/p...1&model=DSE+216

وفيه شفت Focal 3 way افخم شيء عندهم حوالي 2400 ريال اعتقد

وحده من هذول :

http://www.focal-fr.com/gb/car/archives/index.htm

وكان فيه ارخص من 2000 ريال بس ما انتبهت لاني كنت مستعجل ..



لما تشتري 2 way فا كل شيء راح يشتغل اوكي ولن تحتاج الى Midbass ولكن لو بغيت صوت افضل تحط Midbass ..

لانك تعرف ان السماعات اذا صارت تشغل شويت BASS تصير توشوش شوي .. فا انت تحط Midbass علشان هو يشغل Bass المتوسط .



اما بخصوص سيستمي فا نعم هو انتهى بنسبه 99% يعني باقي بس رولات عازله للصوت وسياره جديده وخلاص ...

بس انا تقريبا افكر اني ابيع سماعاتي CDT واخذ التويتر نوع معين والMidrange نوع معين ثاني لان صراحه Tweeter اللي موجود في CDT حقتي ما يناسب اذني ..

انا مو قصدي انه مو صافي او مو حلو لا بالعكس هو ممتاز وعالي جدا جدا بس انا احسب النعومه اكثر ..

فا انا مخطط اني اشتري هذي التويتر :




http://www.caraudiomag.com/testreports/0210cae_morel


وهي قيمتها شوي غاليه يعني بين 350 دولار الى 400 دولار ..

ولكن افكر في طريقه تمكنني في الحصول عليها بسعر 200 الى 250 دولار ..

لان هذه التويتر اسرائيليه الصنع للاسف ولو طلبتها من اسرائيل على طول راح يكون كل شيء ارخص .. بس الواحد يخاف يمسكونه يطلب من هناك . لان الصراحه فيه فرق حوالي 200 دولار ..


اما Midrange فا راح آخذ هذا :



http://www.madisound.com/seas/L0010.html

وهو بعد غالي حوالي 400 دولار الاثنين .



اخخخخخخخخ والله الواحد تعب وهو يصرف على السيستم الحين صرت دفعت حوالي 21000 ريال ..


=============================

هلا اخوي NFS ..

كيف حالك ...

انا الحمد لله اليوم كان لي اخر يوم في الكليه واخر اختبار ..

ادعوا لي شباب انجح لاني الصراحه ما حليت زين وزفت كثير والصراحه حرام اعيد السنه على ماده وحده ..


اخوي انا خلاص سجلت ودفعت فلوس وراح ادرس في الامارات بعد شهر تقريبا ..


اقولك انت ما سمعت السيستم حقي ( صح ) !!

كلمني اي وقت تكون فاضي علشان اوريك اللي عندي .

تحياتي ........ ;)

هلا a7medo ..

ابشر MP3 راح يكون موجود ..

طيب انت تقول تبي النوع الصغير صح ( ممتاز ) .

يعني نفس مقاس المسجل اللي حيطته قبل شوي حق beetle ..

اوكي ؟؟


طيب انت من وين علشان نقدر نلبي لك الطلب ؟؟


انا رايح حق دبي بعد 17 يوم بالضبط فا يا ليت من الشباب اللي يبون شيء من هناك يجهزون فلوسهم علشان انا راح اروح ادور لي شقه يعني كم يوم بس وراح ارجع وراح اجيب لكم كل اللي تبونه ..

وحتى لو في شباب يبون جوالات من هناك حتى لو ابو كاميرا اقدر ادخلهم السعوديه ....


فا يا اخ a7medo انا مخطط ادبر لك PIONEER DEH-5550 او DEH-7550 ..



تحياتي .......

اخوي مشعل تراني بديت ادوخ وشكلي ابصبر لين تشوف السوق مضبوط وتجرب السماعات وتسمع صوتها هذيك الساعة ان شاء الله اقرر ايش اشتري
وصراحة فرحتي ماكملت انت قلت يمكن تكون احسن وبعدين قلت بس ماتكون احسن الا اذا اشتريت احسن نوع ب 14000
خخخخخخخخخخ هذي اشتري فيها سيارة للبر وللطلعات
انا ياخوي مثل ماقلت لك ابي الصوت يكون نقي وتكون مسموعة جميع طبقات الصوت .. خلني اوضح لك بطريقة مباشرة .. انا ابغى الصوت يكون عندي احسن من اللكزس وانقى واوضح ويكون مسموع حتى لو الصوت واطي ويكون اذا زودت على الصوت واضح ونقي .
وبالنسبة للسب ووفر هل السعر اللي ابدفعه بالسب ووفر البايونير المؤقت تقريباً 500 ريال او اكثر او اقل بقليل .. هل بهذا السعر اقدر احصل سب ووفر في دبي احسن من البايونير واقوى !!
والله يوفقك وينجحك ويوفقني وينجحني وينجح الشباب كلهم
وانا هذي الايام رايح فيها فيه ايام كثير عندي اختبارين بيوم واحد وان شاء الله اتفرغ لك ولمواضيع السيستم بتاريخ 23/11/1424هـ
والله يعين الجميع ويوفقهم
وتحياتي وتقديري لك ولجميع الاعضاء

نسيت اقول لك اخوي مشعل
ارجوك رجاء لاتشتري التويترات الاسرائيلية .. كل شي ولا اسرائيل دور اي تويترات لكن من اسرائيل لا والف لا وان شاء الله بتحصل افضل منها ولا بنفس جودتها .. وليش ماترجع ل VIVA ?
وعلى فكرة ماشاء الله على NFS يقدر يسمع السيستم حقك وانا لا مايصلح تجي للرياض علشان اسمعه
وكانها ماحصلت الرياض ابسمعه في دبي ان شاء الله
ولاتحاول اخوي مشعل
انا السيستم حقك سامعه سامعه وين ماتروح سواء في الرياض ولا بالشرقية ولا بدبي بس متى .. الله اعلم
تحياتي :banana:

حياك الله اخوي M.A.M ..


ههههههه اصلا لو تاخذ اقل مستوى MB Quart او Focal راح يكونون افضل من الليكزس و البايونير والكينود ..

طبعا مستحيل احد يأخذ ام 14000 ريال لانها الصراحه تجاره واعلام فقط ويمكن الجوده في احسن منها باقل سعر ...


عموما يجب ان تعرف انه في عالم الصوتيات يوجد انواع كثيره من السماعات لا يمكن معرفه نوعها الا بعد سمعها ..

فيه سماعات واضحه جدا جدا ودقيقه في التفاصيل مثل اللي عندي .

فيه سماعات تكون دافئه وناعمه جدا حتى ان التشويش فيها قليل ولكنه يمكن ان تكتم بعض التفاصيل الدقيقه .

وفيه سماعات تكون الاثنان ..

طبعا MB Quart و Focal كلهم جيدين ..

بس تبي الصراحه انا شاك في السعر لان المفروض يكونون اغلى هههههه ...... ممممممم لا مو اغلى بس هم تقريبا نفس سعر الانتر نيت وهذا شيء غريب على ربعنا هنا في الخليج ..


بمبلغ 500 ريال تستطيع ان تاتي بافضل من البايونير من عند نفس محل MB Quart كان عنده وفررات ثقيله زي اللي عندي بسعر 700 ريال اعتقد من ماركت Audio Phan اعتقد ..

لقيت عندهم سب وفففر قوته 4000 واط يمكن وزنه اكثر من 60 كيلو لاني الصراحه ما قدرت اشيله ويمكن الصندوق ينكسر لو حطيته داخل ..


ان شاء الله اختار التويتر الممتاز باذن الله .. انا حبيت Vifa بس للاسف ما تتحمل قوه المخضم اللي عندي وتحترق على طول ..


انت حياك الله في اي وقت تعال اسمع السيستم.


=============================

الاخ Net Master

آسف اني ما رديت عليك لان الردود كانت كثيره ..

عموما لا يوجد اي Changer من شركه بايونير ويجب عليك ان تشتري مسجل الصغير حتى تستطيع ان تشغله ..

يوجد عند Alpine شانجير MP3

http://iweb.alpine-usa.com:7777/pls...ry=45&p_main=10

ولكن هو لا ينشبك على FM يعني تحتاج الى شراء مسجل Alpine و Changer Alpine ..

يعني نصيحتي لك انك تشتري مسجل صغير عادي يكون فيه الميزات كلها ..

وال Changer صراحه الناس ما ترتاح لها كل شوي توقف السياره وتفتح الشنطه وتغير السيديات لانه لو قدام مثل الكاسيت يكون افضل .

الا اذا قدرت تحط الشانجير عندك قدام ..


احتمال يكون موجود Changer يشغل MP3 من شركات اخرى مثل سوني او JVC او كينود ولكني لم اطلع عليهم ..


تحياتي ..........;) ;)

بس لما يكون عندك 12 سيدي ورى ما اتوقع انك تحتاج تغير السيدي
طيب هل في فرق في جودة الصوت بين مسجل سيدي دي و سيدي شينجر على الاف ام او سيدي شنجر على المسجل؟

بالتاكيد يوجد فرق في الجوده بين السيدي العادي و شانجير FM ولهذا قلت لك ما يصلح ..

ولكن لو اخذت شانجير مثلا Pioneer و مسجل Pioneer يعني ما في FM راح يكون ما في فرق ..


يوجد عيوب في الشانجير كثيره منها انه يهتز بسرعه مما يجعل الصوت يقطع في المطبات . طبعا يختلف التحمل من ماركه الى اخرى .

بالاضافه انه يوجد الموديلات من بايونير لا تتيح لك التقديم السريع داخل الاغنيه يعني بس من اغنيه الى اخرى .

عمليه التنقل من سيدي الى سيدي في الشانجير بطيئه يعني لو تطلع السيدي بيدك وتدخله مره ثانيه يكون اسرع .

شباب شوفوا آخر صور عدتي ::

http://www.sounddomain.com/id/ddesigns

........ قولوا ما شاء الله شباب .......

الصراحه المسجل روعه يعني لو واحد يناظر في السياره علشان يحاول يشيك في مسجل ما راح يحصل شيء لانه كل شيء مثل الشبح مخفي..

وحتى لو سرق المسجل فيه كلمه سر لو ما عرفها مستحيل يقدر يستفيد من المسجل يعني لو انا انساها يمكن اروح فيها اذا ما راسلت الشركه ..


تحياتي .......:cool: