يلا عشان ما حدا يحكي انه مش فاهم شو بحكي ترجمتلكوا كم كلمة وشوية مصطلحات

تَطْلي = مربى << انا بستخدم مربى بس اغلب الناس بتحكي عنه تطلي

بَنْكيت = رصيف الشارع.

البيارة= المزرعة.

شِمينت: نوع من انواع اللبن "مفردة من مخلفات العدو الصهيوني"

كِكْسة = كيكة << ما بعرف من وين جايبينها فلذلك بستخدم كلمة كيكة

الكوربة = راس الشارع = لفة آخر الشارع

ضاوي = فاقد =لادع=فيوزاته ضاربه= ما بفهم اشي

بشكير = منشفة صغيرة اللي بنشف فيها وجهنا

فرشة = معناتها فراش بس احنا بندلعها فرشة

ابطيني =ودِف=مفجوع.... يعني بياكل اكل ما شاء الله

زغير =زغنون= صغير او زغيرة للمؤنث

مخدة = وسادة

زرفيل = قفل الباب

عشرطعش : يقصد فيها الكثرة من الشئ ..

تخت = سرير

تِم = فم
رمزون = إشارة مرور ضوئية ( كلمة عبرية في الاساس)

كِلنس = مناديل ورقية

سطل = جردل = دلو

هوّاية = مروحة

نونة=يعني شوي

روق يا ضاوي=يعني وحد الله يا مجنون

على بلاطة=يعني من الآخر

كوشي=يعني اسود........ يعني خال يا ابداااع

شكشوكه = (اكله ) بندوره وبيض
مبعترة وتلفظ امبعترة = برضو اكله بس هالمرة بطاطا وبيض

مَقْلَمة = علبة الأقلام اللي بكون شايلها طالب المدرسة

فورسة = فسحة اللي في نص الحصص في المدرسة(سااعة الانتظار)

كنتين = كافتيريا المدرسة

صف = فصل المدرسة

طشه = يعني فسحة او طلعة علي البر او علي البحر المهم طلعة من البيت

اجنص = " جديد من النايلون " .. (New)


حنفية = " صنبور " ...

مي = ميه = ماء


قزاز = " زجاج " ...

سَقّاطة = " حصّالة " ...

قدّاحة = " ولاعة " ...

منقرز = " محتاج الى سيجارة "

نِتْخَرّف = ندردش مع بعض

ام العبد و ابو العبد = اسم فلسطيني قح

قُح = ع الاخر = أصيل

(فعصو) فعص في بطن الشاب = خبط في بطنه

جلدة راسه خميله = عبيط او ( بفهمش بسرعه )

خميلة = تخينه= سميكة بالعربي

بدكاش اوما بدَك = يعني لا تريد
بدكيش او ما بدِك = لا تريدي

شاكوش=مطرقة

قرفان = واحد مش طايق حالو بالمرة.


بوزك = وجهك


قِشاط = اللى بيكون على البنطلون لتثبيته على الخاصرة


طنجره = بالمصرى حله هاى اللى بيكون فيها الطبيخ اسمها طنجره

حبيبى يا حج = حبيبى يا قلق = حبيبى يا لوز = حبيبى يا حوت ... بتنقال بين الاصحاب فقطططططططط يعني ما بتروح تحكي لابوك مثلا حبيبي يا قلق


شقفه = حته قطعه وتقال عن البنت اللي زي القمر


يع = يعنى قرفان من اشى

جُربان أو جُربانه = شراب (عند المصريين)

ليدن = علكة

شاف = اللي بيحطو فيه المي


يجاكر = يعاند

ورق دوالي: ورق عنب

اسكومية:يعني ايس كريم

هلأ = هسا = الحين = هلقيت=الان

مطعوج= من الفعل انطعج والمصدر تاعو انطعاج وهو الشيء المعوج

فشكة= بيت الرصاصة الفارغه...والبعض يطلقه على الرصاصه نفسها بعد ما تطلق

ازعق عليه= نادي عليه

بَعْكِش = فتش = دوِّر= ابحث

بسكليت = يعني دراجة

هو لسة ضايل كلمات كتير بس بكمل في حلقة مقبلة ان شاء الله

الله يعطيك العافيه سباي على هالترجمه المفيده لبعض كلاماتكم الحلوه

بس هالعباره البيارة= المزرعة يبيلها قعده مقعده

فكرهـ جوووهنميه منك ياسيبووو << فيش بدليه هوون



عندنا التطلي = المهلبيه << انا بستخدم مهلبيه ومابحب كلمة تطلي



بس أحنا بنسميه زرفال



أما هذي قووووويه ..

أحنا بنسمي الصرف الصحي ( بيــارهـ ) وانتووو بكرامه ..






هذي الكلمه متداوله بس في بيتنا ولنفس المعنى ... بس ماكنت بعرف إن فيه حدا بيحكي هيك




إحنا بنسميه قِدر






البوز عندنا لما بنقول ضارب بوز = يعني معصب

والبوز بالمصري يعني الفم


بتعرف سيبوووو ..

على هيك عملنا قااااموس

شكرا لك اخي كريم على الترجمة المفيدة للالفاظ الفلسطينية سوف استخدمها متى التقيت مع فلسطينيين موجودين عندنا

كلمة واحدة تشبه الفاظنا وهي البشكير يعني فوطة نحن كذلك نقولو بشكير

merci beaucoup karim

الله يعافيك حبيب قلبي .... عيونك الحلوين يا ليث انت وحبيبي يا حج

البَيّارَة هيك تلفظ اتأكد انها نفس كلمتكوا ولا لا

انتي متلي روووووز ما بحب الكلمة وكل العائلة عندنا بتحكي مربى
اما المهلبية فبنحكي عنها المهلبية


اها مشان هيك ابو محمد انصدم من الكلمة هههههههههه
لا هي تلفظ هيك بيّارة بتشديد الياء


واحنا بنستخدم نفس المصطلح ومرات بنسخدم جملة لاوي بوزك او مبوِّز وتلفظ امبوِّز برضو بمعنى معصب

شو رأيكم كل واحد يكتبلو كم كلمة هيك على كم جملة بنعمل قاموس رسمي

وهاي شوية كلمات كتبتهم على ورقة عشان ما انساهم

دشِّرني =حل عني= اتركني.... ودشّرو = حل عنو = اتركو وهكذا
دخيل الله : تعبير والمقصود به هو الاستغاثة بالله .. ودخيلك يعني انا داخل عليك وطالب الحماية او المعونه منك
كحتوت = بخيل << بنستخدم كلمة بخيل اكتر بس برضو كحتوت متداولة
صحيح انسيت اقلكم انه القشاط او الزنّار = الحزام بس شكلي كنت مسطّل هههههههههه
الطورية : أداة للزراعة والحفر
الكريك: أداة للحفر
مصاري = نقود
معمول = كعك العيد
السْكّمْبلة = الطاولة الصغير لكن ذات ارجل طويلة نوعا ما ...بتنفع تحط عليها صينية الشاي لمن تكون قاعد مع اصحابك
الشحَّاطة = علبة الكبريت واعتقد في ناس بتستخدمها بمعنى شبشب
أواعي = ملابس
جِلِف = دمو ثقيل = غلييييظ = ما بيضحك للرغيف السخن .... = كلها مصطلحات تعني انه ثقيل الظل

يقطع أهلك = دعاء على المُخاطب بهلاك أهله وتقال لمن يكون الواحد معصب على حدا تاني وقاعد بفِش غِلوو
انقلع = غور = اقلب وجهك

العفو فوزية
نصيحة جيبي دفتر لانه هالكلمات كتيرة هههههههههههه

دوغيا فوزية

احنا كمان بننطقها بتشديد الياء ... بس المعنى مختلف ..



واحنا بنقول نفس هاي الكلمات ..



هاي بعرف معناهاا





برضووو بنحكيهاا ولنفس المعنى كمان





فهمتهااا من أولهاااا





نفس المعنى بنحكيه




المعمول بنحكيه للكعك اللي محشي بالتمر ... مابعرف كعك العيد عندكم اللي محشي بالتمر ؟؟

جِلِف = دمو ثقيل = غلييييظ = ما بيضحك للرغيف السخن .... = كلها مصطلحات تعني


نفس المعنى كمااااان


الله يعطيك العافيه على هالقاموس ..

اه محشي تمر مطحون وبنسميها عجوه

الله يعافيكِ ويبارك فيكِ
ننتظر قواميسكم يا شطّار

ايه واحنا كمان بنحكي عنه عجوهـ

المشكله صعبه اجيب مصطلحات ..

لأن كل منطقه لها لهجه مختلفه فصعب أعممها عالكل ..

لكن راح أحاول ..

انتي هاتي اللي عندك شو بدك في الباقي ....
كل واحد يجيب قواميس منطقته

اوكي ياحضرة الإمبراااتووور << فيش بدليات هون

بتحكوها فيش صوووح ولاغلطانه ..


نرجع للموضوع ..

كل ماجت كلمه على بالي بقولها حتى لو مو منطقتنا أوكي


هب لي = اعطيني ( وهذي تبع أهل الجنوب عندنا )

اديني = أعطيني ( وهذي تبع أهل الغربيه عندنا )

زنبيل = باغه =كيس

غثيث = دمه ثقيل

تبطي عظم = لو تموت مابتحصل اللي تبغاهـ

دريشه = شباك = طاقه = نافذهـ

قوطي = علبه ( زي علبة التونه )

حرامي = الفيش اللي فيه ثلاث افياش << ترجمها ماعرفت اشرحها

أتروش = اتسبح = يعني أخذت دوش

قطوهـ = بسه = هرهـ

ديرهـ = قريتك اللي ترجع منها

قراطيس = الغلاف اللي بتكون على الحلويات أو أي شي مغلف ..

بيزهـ = اللي بنمسك بها القدر لما يكون عالنار ..

مصفوق = واحد انضرب وتكفخ


وإذا تذكرت غيرها راح إرجع ..

وين ابداع والضبع يكملووو عني

صح بنحكيها فِش عامله زي لفظ كلمة fish بالانقلِش

واحنا مرات بنحكيها اديني او اعطيني


هادي جديدة عليه


اها منيح انك ترجمتيها هاد احنا بنقول مثلا "والله لو تقف شجرة ما رح اعطيك... او ما رح تاخد او ما رح تعمل ... وهكذا )


احنا بنستخدم بس كلمة شباك لكن بتذكر سِتي = جدتي كانت تحكي مرات عن الشباك طاقة


هههههههههههههه
قصدك مقبس الكهربا او الفيشة ؟؟
ولا الإبريز اللي بتدخل فيها الفيشة ضيعتينا معك هههههههههههههههه


هادي عارفها احنا بنحكي عنها اتحمم او أخدت دوش بس في فرق بسيط بين الاثنين انه اتحمم عندما يعني دوش طويل يعني بتاخد فترة اما الدوش ما بياخد الا دقايق

هادي عارفها كمان عندنا بس بنستخدم كلمة بسه


عندنا بنسميه جلاتين ويلفظ إجْلاتين للمفرد اما الجمع جَلاتين عادي

يعطيك العافية على هالقاموس الحلوووووو
شو رأيكم نغير اسم الموضوع للهجات وقواميس او شغله من هالنوع ؟؟؟؟؟؟؟

والله الموضوع صار حلوو ..

إبداااع بو محمد فوزيااا وينكم يلا شاركونااا

الحرامي

اممم

بتعرف لما بيكون عندك في الجدار إبريز مابيدخل فيه غير فيش واحد ..

وإنت تبغى تشبك أكثر من فيش .. فشوو بتعمل ؟؟

بتجيب فيش مقسوم لثلاث أفياش أو لفيشين وبتشبكه فيه وبعدين بتشبك الأفياش اللي بدك ..

<< مو عارفه تشرح ..


تدري شكلي بصورهـ وأنزل الصورهـ


والله الموضوع شيق

على فكرة صار حلو بمشاركتك اللي اكتر من رائعة

خلص عرفته ... كنت شاكك فيه من الاول
احنا بنسميه إشْتِكَر أو مثلث الكهربا

جاري تحضير بعض الكلمات ....... صرت وانا بحكي مع أهلي أدقق في الكلمات عشان اجمعلي كم كلمة

تسلم لي والله ..

بس فكرتك خرندعيه

كويس إنك عرفته ... مع إني شاكه بشرحي لأني مابوصل المعلومه بسرعه ..

<< بتعرف حالها

وأنا كمان راح أحضر لي كم كلمه ..

خرندعية ؟؟؟ ههههههههههه شو يعني ؟؟
لا كان شرحك في المرة التانية واضح
خديلك هالكلمات الجديدة هههههههههههههههه
معصلق = مزرقن = مو راضي يفتح وهي في الاساس تقال للقفل لمن يكون مو راضي يفتح .... وبتنحكي كمان عن الشخص لمن يكون مخو متل القفل او مو مقتنع بكلامك او ما بدو يسمع الكلام او يتفاهم
نِتْفِة = نفس معنى نونه = يعني شوي
مواسرجي = السباك تبع المجاري وحنفيات المي
افتح مخك وطقطق دنيك = ركز معي الله لايسيئك
تلقيحه = واحد رامي حالو علينا
صُك ع الموضوع = يعني سكر على الموضوع
برتقان = برتقال هههههههههههههه
إنجاص = كمثرى والمفرد إنجاصه
زِبدية = صحن مصنوع من الفخار
قصّافة = يعني قلاّمة الأظافر
مستهلسك او مستوطي حيطتك = يعني مش معبرك او مقلل من قيمتك
بِتمِز = يعني بتغيظ يقال انت بتمز الواحد يا زلمة = يعني انت بتغيظ الواحد يا رجل
ريحة = يعني عطر
بنكش راس= بمزح او المعنى الاقرب بتمسخر يعني مثلا بنكش راس عليك = يعني بتمسخر عليك بقصد المزاح (طبعا بين الاصحاب لانه الكلمة ثقيلة شوي ما بنفع تقول لأبوك بنكش راس عليك بلكي طردك من الدار ههههههههههههه )
بلكي = بركي = بلكِن = بركِن =بلكَضن = بركَضن .... كلهن بنفس المعنى اعتقد اقرب كلمة الهن لعل

والله قامووس رهيب ..


طيب خد هالكم كلمه ..

زفر =يعني أكل مليان دهن ..

مبرطم أو مخنفر أو متكرن = زعلان ..

قول قسم = احلف بالله ..

غرشه = قارورهـ

صفقني الهواء = يعني أخذت برد


هذول اللي على بالي الحين ..

شكلي بركز في حكي أهلي عشان أجيبها هناا

ما بنستخدم هالكلمة بس بعرف معناها ... اعتقد المصريين بيحكوها برضو
بس في كلمة عندنا قريبة بس مو بنفس المعنى بنستخدم كلمة زِنِخ للريحة اللي بتسببها اللحمة او البيض او السمك .... وهكذا وبتنحكي عن الشخص البارد ايضا كلمة زنخ... مثلا نقول فلان زنخ اي انه بارد لا يطاق

كلمات جديدة لنج
صحيح لنج = يعني جديد برضو ههههههههه


هادي واضحه

احنا بنحكي عنها قزازه او قنيّة وفي ناس بتحكي عنها قنينة

اهااا قريبة علينا هاد احنا بنقول لفحني الهوا او اخدت برد
على فكرة لهجتكم قريبة كتير علينا

ولا زال القاموس يكبر

ايه بعرف كلمة زنخ ..

وإن شاء الله يكبر هالقاموس ويتربى في عز سوالف

والله موضوع حلو واستفدت منه الشي الكثير ..

انا ماتحضرني الان كلمات لكن لي محاوله اني احط كذا كلمه ..

روزي اغلب الكلمات متشابهه في المملكه يمكن يكون اختلاف طفيف ..

لنا عوده ..

انا جايب لكم كم كلمه

اصفط على جنب = يعني اركن السياره وتقال بكثره من العساكر لتحرير المخالفات بسهوله ويسر

مايعتاز = وتعني مايحتاج مينح وتقال عندما يسألك احد الماره كيف حالك ..

بَحّر عنونك = ناظر او بقق عيونك

افااا = وتعني الاندهاش وماهقيتها تطلع منك وفيه لها معنى ثاني بمعنى انا معك كقول احدهم ابي المساعده ولاني بلاقي من يساعدني فيرد عليه الاخر بقوله افاااا انا عصاك اللي ماتعصاك
^
^
^
اقول ترا لها اكثر من معنى على كذا بيصير مجلد

مير = فعل مساعد لكثيرٍ من الكلمات السعوديه كقول مير الله يسلمك وتساعد الكلمه هنا ياجعل الله يسلمك .. بالعربي الكلمه لها اكثر من موضع واختصار لمعناها فعل مساعد ..

اسك مي = اسألني لاتصدقون بس

سوف اعود بكلمات ثانيه اذا الله اراد ..

تكفيني منك هالكلمات الحلوة


ههههههههههههه الكلمة اصفط ولا اصطَف ؟؟ عندنا بيحكوها صُف على جنب او اركن على جنب او اي جملة بنفس المعنى


ما فهمت عييييييييييييد


هدولا بعرفهم منيح


اها منيح انك ترجمتها هادي مرة حكتها الي روزي ففكرتها بتحكي معي هندي


إمحق يا الانقلش << بديت اخد لغة مووو

طيب هاي شوية كلمات جديدة

مخردَع وتلفظ إمخردع و إمخردعة للمؤنث = والكلمة تعني خربان او مش نافع او متهالك

أزعر ..... للكلمة العديد من المعاني .. لكل منطقة مفهوم مختلف للكلمة عن منطقة تانية .. فمنهم من يعتبرها صفة حميدة والبعض الأخر صفة سيئة ...
فعندنا معناها تقريبا شجاع ..لا يهاب من الإقدام على عمل جنوني حتى لوكانت النتجيه موته ... ولكن اذا قيلت بهذه الصيغة "يتزعرن او بيتزعرن) فمعناها يختلف وتكون بمعنى ان الذي امامك لا يحترمك ويرفع صوته عليك .... ولكلمة أزعر معنى مختلف كليا برضو عندنا وتأتي بمعنى قصير و زعرة للمؤنث وتعني قصيرة ...
للكلمة معاني تانية بس مابعرفها ....

قشّاطة = أخت المكنسة فالمكنسة تكنس الرمل والاوساخ أما القشّاطة فهمي ممسحة للبلاط وهاي صورتها


شُدّيدة = أداة مصنوعه من الخشب او الحديد مربوط فيها مغيّطه تستخدم لقذف الحصو << كنت استخدمها ايام الطفولة لرشق اليهود بالحجارة وبتنفع لصيد العصافير (ما قدرت اجيب الها صورة )

مغيّطة = مادة مطاطية

كُرباج = السّوط

هَيّو = ها هو

ع العافية = ممكن تعتبرها بديلة لكلمة مرحبا

شرد = هرب

طبلية = طاولة بس صغيرة شوي وقصيرة

قبضة = مستحقات الموظف كل شهر يعني الراتب

عارفه هالشي بس الإختلاف في طريقة اللفظ ..

شُدّيدة = أداة مصنوعه من الخشب او الحديد مربوط فيها مغيّطه تستخدم لقذف الحصو

وهي على شكل حرف الواي Y

أحنا نسميها نُبِيــلّــه ..

وأهل نجد يسمونها نُبيطـــه ..



وأحنا كمان هيك بنحكيهم ..