ام ترثى ابنها

[بدوي]

ام ترثي ابنها(نواف) الذي توفي في حادث سياره رحمه الله واسكنه فسيح جناته
يالله يامنزل تبارك والاعراف………………………يافارج الضيقه عزيز الجلالي
تجبر عزا قلبي على فقد نواف………………………وتمدني بالصبر لفراق غالي
جاني خبر نواف معدوم الاوصاف………………………يوم الربوع وقلت عزي لحالي
اصغر اخوانه جا يخبر بما شاف……………………… والدمع من العين على الخد سالي
بعد العشا قلبي من الهم ينلاف………………………والموقف اللي صار فوق احتمالي
قلت اخبروني عسى ماصابه خلاف………………………قالوا بسرعه لو سمحتي تعالي
نشدت وينه قالوا انه بالاسعاف………………………ويمكن لشوفه مايجيلك مجالي
ويوم فجعوني صار بالقلب خفخاف…………………اركض وصاب العقل مثل الهبالي
ورحت لحبيب القلب والدمع ذراف……………………وحلو النبا له صورة في خيال
لقيت نور العين ملحوف بلحاف………………………واللي هناك يقدمون العزا لي
ويوم الخميس محمل فوق الاكتاف………………………للمقبره شالوه جمع الرجالي
ولولاي اخاف الله لاعدي بمشراف………………………واني لاشق الجيب مماجرى لي
لكن عساه بجنت الخلد ينشاف………………………ويغفر له المعبود منش الخيالى


نقلا عن منتدى اخر



.

[رمال نجد]

سبقتني بها
والله كنت ناوي انزلها
وصلتني على البريد
:(
خيرها في غيرها

[سعودية]

الله يرحمه برحمته ويصبر امه ويخلف عليها يا رب ..

لكن يا خوي الله يرحم والديك لا عاد تنقل مثل كذا اشعار تتكلم عن نواف :(

الله يرحم غاليها ويدخله فسيح جناته وإن شاء الله من اهل الجنة ..

تحياتي لك ..