View Full Version : شكلي بنطرد مره ثانيه ...
بياع القلوب
17-08-2001, 06:27 AM
هلا بالجميع :)
لا ابد بس حبيت اقول للجميع الي وقف معي
شكرا
وربي يقدرني على رد الجمايل
تصدقون؟
هالموقف وضح لي كثير من الامور
من هو الصديق من الخاين
من الصادق من الكاذب
من بوجه ومن بمليون وجه
من الصريح ومن المنافق
سمعت اشياء ووصلتني اشياء وسمعت وقرأت اشياء تمنيت اني ما عرفتها للاسف صدمت ...
لكن ،
ودي اقول كلمة
ما على الذيب من ...
وبقعد علة على قلوب الي ما يرضى
عموما اشكر المشرفين على جهدهم بس اتمنى ان اخوي ( عبودي ) الي ضحي باسمه ومكانته في سوالف وسأل عني يرجع .. ما سوى مثل بعض الناس الي خبوا روسهم مثل النعام؟
كثرة الكلام مالها داعي ....
عموما وعدونا المشرفين ان عبودي يرجع هلايام ووعد الحر دين عليه ..
لكم تحياتي
صمت الكلام
17-08-2001, 06:34 AM
تذكر بياع لمن قلت لك اني اجرب اسوي توقيع وبسويلك توقيع مخربط مثل توقيعي :) طبعا هذا قبل لا تروح لابو زعبل
والله ان جهازي انترس تواقيع (اقصد تجارب) وما نسيت من هذاك الوقت :)
والحين بخليك تشوف تجربه من تجاربي .... بعد عن الشاشه اوكي
بس اذا طلعت ونجحت هني طبعا :) لانها دوم تفشل
شوف من الحين اقولك غمض بكلتا الحالات طلعت الصورة ولا لا اوكي
بياع القلوب
17-08-2001, 06:39 AM
هلا وغلا صمت الكلام
شخبارك؟
والله اسعدني جدا ان تكوني اول شخص يرد علي في اول موضوع لي بعد عودتي :)
فعلا اذكر التواقيع
لكن ما توقعت انك جهزتي لي توقيع :)
حقيقي رائع حدا وتشكري على هذا الجهد الرائع
سأجعله توقيعي لكن لو يتصغر شوي عشان ما ياخذ مساحه وذاكره يكون اروع وبعدها اعمله توقيعي الدائم :)
وش رايك ؟
شكرا لك كل الشكر يا أصيله :)
صمت الكلام
17-08-2001, 06:42 AM
بياع كانت تجربه ومن زمان والله محتفظه فيه
احتفظ فيه بالجهاز بس تراه يفشل هني
اوكي
بياع القلوب
17-08-2001, 06:45 AM
اقول صغريه وبحطه توقيع
هذا اخر كلام عندي :)
بالعكس لا يفشل ولا شيء
يكفي تعبك وجهدك عشان تسوي هالتوقيع :)
اتفقنا ؟؟
صمت الكلام
17-08-2001, 06:51 AM
الله يستر
اقول بياع انا بكمل تجارب بقسم التجارب وبعطيك النتيجه اشوفني خبصت
ابو الفياصل
17-08-2001, 06:59 AM
وإن شاء الله ماتشوف شر ولا يوقفونك بدون سبب مثل (عبودي1)
للي موقفينه الإخوان بس ليش ما ادري.؟؟؟؟؟؟؟
لله يعين وأهم شي سلامتك
تحيات ابو فيصل
):):):):):)
صمت الكلام
17-08-2001, 07:01 AM
انا حنتحر
كانت غير وصارت ....
بشيلها اوكي وبحاول ارجعها مثل ما كانت واصغرها
بياع القلوب
17-08-2001, 07:04 AM
صمت الكلام ؟؟
هذا انا قاعد انتظر الصورة :)
شكلي تعبتك
مايسوى عليك اهداء
طلعت اغلى من بيع السوق :)
بياع القلوب
17-08-2001, 07:05 AM
هلا ابو الفياصل
تسلم اخوي :) ويسلمك
لا تخاف محد بيوقف احد بدون سبب :)
وعموما اخونا عبودي بيرجع قريب :)
تحياتي لك
الدكتور ريان
17-08-2001, 07:08 AM
اشتقت اقول هذة الكلمة من زمان ..
حمد الله على السلامة ...وماتشوف شر ..
والله يرجع لنا عبودي ونرجع كما كنا ...
الطارق
17-08-2001, 07:09 AM
حياك الله بياع القلوب مرة أخى :):)
بس وش بلاكم هذي الأيام طيحين في بعض !!!!!!!
:):):)
تحياتي :)
بياع القلوب
17-08-2001, 07:13 AM
هلا اخوي ريان
شخبارك؟
اي والله حتى انا مشتاق اسمع عموووووري :) من زمن محد قالتي اياها :):):) هههههههههه
فعلا ياخي من زمان ما شفنا هذيك المواضيع
والله يجمعنا على الخير :)
تحياتي
سعودية
17-08-2001, 07:13 AM
نورت سوالف من جديد ولو اننا ما فقدنا غير الإسم ..
والله يوفقك في دنياك ودينك ويحفظك من كل شر ..
لكن تعرف وش اكثر شيء قاهرني والله ..
لا باط كبدي بعد ..
ووصلتني اشياء وسمعت وقرأت اشياء
هذي الجملة قهرتني من كل قلبي والله العظيم ..
بس الواحد يتعلم من ها الدنيا ..
الحمدلله اللي رجعت بالسلامة للمنتدى وللسعودية ...
لكن اخوي الله يخليك لا عاد تخبصنا مرة ثانية وتروح تطاير في لندن:)
وإن شاء الله يرجع عبودي بعد من غير شر ..
تحياتي لك :)
بياع القلوب
17-08-2001, 07:16 AM
هلا اخوي الطارق
الله يسلمك بس ياخي
والله من الطفش قمنا نطيح في بعض :)
لا تشيل هم ترانا اخوان مهما صار من خلاف :)
تحياتي
بياع القلوب
17-08-2001, 07:26 AM
هلا سعودية
والله سوالف منوره بكم يا اوفياء :)
وان شاء الله بكون عند حسن ظنكم
لكن
وربي اني ما ظلمت احد
وفعلا وصلني اشياء وقرأت بنفسي اشياء بالمنتدى ( وغير المنتدى ) خلاني احس اني فعلا انغدرت من الي كنت افكر انهم اقرب الناس لي ....
لا وآخر اشاعه يقولون اني اكذب وماني مريض ( حسبي الله عليهم ) احد يكذب بالمرض؟ هو المرض لعبة عندكم عشان نكذب فيها ؟ ما يخافون الله في افتراءهم ؟ ....
وغيره من الافتراءات والمكايد
لكن ربنا فوق عالم الغيب ما يخلي احد ....
معليش اختي سعودية بس هي كلمات حبيت اقولها من قهري ...
وابشري ماراح اسافر الا ما اقول لك :)
وبقول لك من احين يمكن بعد شهر ارجع لندن بس كذا عشان اكمل طيران - ما شبعت ملاحق طيور وعصافير :)
لك تحياتي
أسير الليل
17-08-2001, 07:29 AM
حيالله بياع القلوب..
صباح الورد والفل..
الحمد لله على السلامه..
عزيزي..أزمه وعدت..ولا تنبش اللي راح..
بس تصدق أرتاح بياع من السهر..
تحياتي عزيزي
صمت الكلام
17-08-2001, 07:30 AM
http://jroo7.8m.com/images/0002.gif
بياع شكلي بشتريلك الهديه من السوق احسن :)
بياع القلوب
17-08-2001, 07:31 AM
هلا اخوي اسير
تسلم اخوي
والله ما ابي انبش اي شيء بس لما تسمع وتشوف ناس يقطعون من لحمك وانت حي وش تسوي؟
عموما فعلا ارتاح بياع من السهر :) بس شكلي برحع له ثاني
مقدر اني ابعد عنكم :)
لك تحياتي
بياع القلوب
17-08-2001, 07:35 AM
هلا صمت الكلام
هذا صارت اكبر من الاوليه :):)
هههههههه
والله تعبتي نفسك :) صدقيني حلوه
انا بحاول اصغرها بنفسي اذا قدرت ، مع اني ما اغرف اسوي الاشياء هذي :)
بس صدقيني تعبك بحد ذاته واهتمامك اكبر هدية عندي
وتسلمي :)
صمت الكلام
17-08-2001, 07:38 AM
بياع والله تستاهل الخير كله بس شسوي كل ما جيت اعدل اعميها:)
والله لو تجي تشوف شو اسوي بتقول هذي مجنونه يعني اعدل الشي مده طويله ولمن ابي اعطيه الشكل النهائي اعميه :)
يالله يا شاطر حاول معاها :)
وتمسي على خير ان شالله انا يمكن استسلم الحين:)
بياع القلوب
17-08-2001, 07:42 AM
هلا صمت
يعطيك ألف عافيه والله
ولا يهمك اعتبريها وصلت :)
طيب ، وبحاول فيها بكره وبقول لك النتيجه ( الله يستر ) الشغله فيها تحدي :)
بس بكون قدها ان شاء الله :)
لك تحياتي
عذوبة
17-08-2001, 07:44 AM
يا مليون هلا و غلا برجعتك....
و إن شالله ما تقطعنا مرة ثانيه.......
و الله و لك وحشه.......
صمت الكلام
17-08-2001, 07:47 AM
http://jroo7.8m.com/images/0003.gif
بياع القلوب
17-08-2001, 07:49 AM
هلا عذوبه
جعل المهلي ما يولي :)
وتسلمي اختي الفاضلة
وانشاء الله ماراح اقطعكم ابد الا للشديد القوي
وانتم ايضا لكم وحشه :)
تحياتي
بياع القلوب
17-08-2001, 07:53 AM
هلا صمت الكلام
ابصراحه احيي فيكي روح الاصرار :)
بس برضه بحاول انا فيها
واذا انا ما قدرت حاولي لي بكره
وتصبحين على ألف خير مع انه بدري والله http://www.swalif.net/sforum1/images/icons/icon11.gif
واشكر لك جهدك :)
تحياتي
رمال نجد
17-08-2001, 08:51 AM
لا والله هالمرة الطرد منتظرتك ::)
عزيزي انا ما سويت شي
ابد
وان شاء الله نرجع لكن قبل لا اكتب حرف اعرف السبب الي وقفوني عشانه :
حسينكو
17-08-2001, 09:10 AM
مرحبا اخوي
بياع
كيفك
وحمد الله على السلامة
... ونتمنى عودة عبودي .. بسرعة
حســــــين
نجمة المساء
17-08-2001, 10:38 AM
السلام عليكم
الف الحمدلله على السلامع بياع ونورت سوالف اخوى
رجعت وارجعت الانوار معاك ....
طول بالك اخوى وخل الكلام اللى ما يعجبك ورى ظهرك
وكما تدين تدان صح ولا غلط .
تحياتى اخوى عامر ،
البحاري
17-08-2001, 11:38 AM
صباح الخير.. بياع القلوب
جمعة مباركة ..
وحياك الله من جديد .. واسمك علامة مميزة في منتدانا :):)
وان شاء الله كما عدت .. يعود عبودي1 لنا:)
تحياتي :)
قلت لك و اللا لا :) ؟؟؟
الف حمد لله على رجوع اسمك اخي العزيز عامر ...
و عسى المنتدى دايما عامر بوجودك :)
و اشكر جزيل الشكر كل من ساهم برجوعك بدون حصر ...
و اخيرا اشرقت الشمس يا ولدي :):):)
بس والله انا كنت حاسه فيها بترجع :)
تحياتي ,,,, :):):)
ســامــر
17-08-2001, 02:04 PM
اهلا اخوي بياع.............مساء الخير.....
اهلا بك .....نورت سوالف ووحشتنااااااااا كثيييييير........
ولاتقطعنا مره ثانية............
تحياتي...ياعامر
بياع القلوب
17-08-2001, 03:52 PM
هلا عبودي
والله ما عاد يهمني
بس كونهم الى احين محد رد عليك؟
غريبه ؟
اكيد اليوم احد بيرد :)
ومنتظرينك :)
تحياتي
بياع القلوب
17-08-2001, 03:55 PM
هلا اخوي حسين
الله يسلمك أخوي من الشر
ومنتظرين عودة جميع الغائبين
لك تحياتي
بياع القلوب
17-08-2001, 04:12 PM
هلا بنجمة سوالف
هلا بك والله اسعدني وجودك :)
برغم مشاغلك الا انك جئتي للتهنئة :)
وسوالف منورة بالاصدقاء الاوفياء
ولا تنسي اني قلت من فترة انك رمز من رموز الوفاء في سوالف :)
تحياتي لك
بياع القلوب
17-08-2001, 04:19 PM
هلا اخوي البحاري
شكرا اخي على المشاركه :)
واخجلتم تواضعنا
عموما هذا نحن عدنا
وننتظر عبودي البقية :)
تحياتي
بياع القلوب
17-08-2001, 04:22 PM
هلا ماما توته :)
شخبارك؟
ادري والله قلتي لي بس تعرفين ان الانسان عجول بطبعه :)
اهم شيء رجعنا الى قواعدنا سالمين :)
وربي يخليكم لي كلكم ولا يحرمني منكم
تحياتي
بياع القلوب
17-08-2001, 04:23 PM
هلا سامر
الله يسلمك اخوي
وابشر ماراح اغيب ولا اقطع
والله ماكان بكيفي بس شو انسوي؟ :)
تحياتي لك يا اصيل :)
ابو سعود
17-08-2001, 04:54 PM
اهلا اخي بياع القلوب
معليش جاي متاخر بس اليوم الخطيب طول في صلاة الجمعه
اهلا بك وعزيزي الغالي والحمد لله على رجعت الاسم والا بياع موجود معنا وما غاب
تحياتي لك اخي وفي انتظار مواضيعك التي طالما اتحفتنا بها
بياع القلوب
17-08-2001, 04:58 PM
هلا اخي بو سعود
حياك الله :)
بالعكس انت موجود معنا دايم :)
وابشر بالمواضيع الحلوة :)
تحياتي
البراء
17-08-2001, 05:57 PM
السلام عليكم ورحمة الله وبركاته
أولاً أهنىء نفسي وبقية أعضاء سوالف الاصدقاء على عودتك بيننا أخاً عزيزاً علينا .
أخي الكريم
بإذن الله لن يكون هناك ايقاف آخر وستستمر إن شاء الله كاتباً مميزاً في هذا المنتدى .
نسأل الله تعالى أن يعجل بعودة أخينا عبودي1 سريعاً لتكتمل الفرحة بكم .
أخوكم في الله البراء
نجمة المساء
17-08-2001, 06:06 PM
عامر رجعت ورجعت خلق الله معاك
ايييييييوه يا عم اشعليك
بياع القلوب
17-08-2001, 07:34 PM
هلا اخوي البراء
حياك الله واشكر لك كلماتك وتشجيعك وترحيبك
واتمنى ان ابقى بينكم اطول فترة ممكنه
ولك كل تقديري :)
بياع القلوب
17-08-2001, 07:37 PM
هلا نجمة الوفاء :)
الحمد لله
بقول لك شيء....
الي مجلسه طيب الناس حوله طيبين ...
لكن شوفي الي مجلسه وكلامه لا تمت للرجولة بصلة ؟ محد حوله ... ولا يبونه ومصيرة الانقنور لست :)
عموما انا اسعدني حضور الطيبين جميعا سواء بالمشاركه او حتى القراءة :) ادام الله علينا جميعا المحبة والاخاء ...