View Full Version : لحقوا العرس بيخلص...... الدعوه عامه.......
عذوبة
17-08-2001, 08:06 AM
بسم الله الرحمن الرحيم...
تتشرف عائله السيد متكبر أبو الكبرياء و عائله السيد عزيز النفس محبوب بين الناس.....
بدعوتكم لحضور حفل زفاف عشاق النجره و ذلك من الساعه الثامنه صباحا حتى الساعه الثانيه ليلا....
و ذلك في قاعه الغدر في مدينه النسيان و الخيانه في شارع الظلام الكائن في قلب الأنسان.....
و الدعوه عامه....
ملاحظه.... يرجى عدم اصطحاب عزيزي النفس......
و الرجاء اصطحاب عشر حبات طماطم و ذلك دفاعا عن النفس....
و بحضوركم تكتمل الضرابه و تزداد اللكمات.....
و عذوبه غير مسؤوله عن فقدان عقولكم......
هههههههههههه.....
بياع القلوب
17-08-2001, 08:09 AM
طيب الطقاقه على مين ؟
ههههه حلوة جدا الدعوة ياعذوبة
ولك تحياتي
رهيبة ..
القصة حلوة ..
يا عذوبة ( إيش هالفن )
تستاهلين كل خير ..
أبغى أحضر .. بس من غير ضرب..
تسلم يدك ..أختي .
فديتج ..
يعسوب
17-08-2001, 08:12 AM
بس خسارة ما اقدر احضر
الشروط ما تنطبق علي .. :)
مناسبلة ثانية بس شروطها تكون تنفع
عذوبة
17-08-2001, 08:18 AM
إنت بس تعال و خل كل شي علي....أفأ عليك بس....
لا تنسى الساعه 8 لين الساعه 2...
أنتظرك........
عذوبة
17-08-2001, 08:19 AM
و الله مشكورة لا فن و لا شي.....
و الله إنت الفنانه حبيبتي....
الله لا يحرمني من ردودج قولي آمين.....
عذوبة
17-08-2001, 08:20 AM
مو مشكله تعال متفرج بس....
شجع الناس ....
شكلهم يخبل و خم يتضاربون....
هههههههه...
بس مو تنحاش؟؟؟؟
يعسوب
17-08-2001, 08:33 AM
اخاف من الظلام بس انا ما عرف قاعة لغدر هذي وينها بالزبط
لا تقولي بمدينة النسيان لاني كمان ما عرفها ..
لاحول الله يا ربي ضعنا :)
وبصراحة بيني وبينك اخاف من الظلام ممكن اجيب معايه شمعه؟؟
حسينكو
17-08-2001, 09:19 AM
مرحبا عذوبة
كيفك اختي
وانتو بعد لكم وحشة
.........
كل هالصفات في هالعرس
يالله
لازم نحضر ... ونشوف الاشيا الحلوة اللي في العرس
بس على الله ما تكون الطقاقة اسمها مقرفة بنت جيفة
و المطرب اسمه معفن الخايس
بس سؤال ... كيف يكون لبسنا لما نحب نحضر
لازم طبعا نستعد .. أنا ما احب اروح محل أنا مو متأكد منه ...ولازم اتخذ كل التدابير
وما قلتي اش الوجبة ... احسن تطلع فسيخ نيّ
يالله هو جذي والا جذال .. ح نبات في المستشفى .. يا من الاكل أو من الطق
حســـــــين
عذوبة
17-08-2001, 09:20 AM
شمعه لا.....
ما فينا تطيح عنك و يحترق المكان.....
ههههههههه....
بعدين تنور مدينه الظلام......
عذوبة
17-08-2001, 09:23 AM
انت بس تعال و بتشوف اللي يرضيك....
اقول البس ملابس متطررة....
و الاكل اكل الطماط اللي بيفرونه.....
ههههههه....
شكرا على المشاركه.....
حسينكو
17-08-2001, 10:09 AM
لا خفت أنا
شكلج ناوية لي على نية قشره
أنا أروح أنام احسن لي
بلا طماط بالا وجع راس
أخاف يفرّوا طماطية على ويهي ... وأنا مو ناقص ... خاصة اني بروح كاشخ ... اش بقول لراعي التكسي اللي بيرجعني البيت لما يشوف ويهي مغسول بطماط؟
ديمة2020
17-08-2001, 10:25 AM
الله ياعذوبة أنا أحب هالنوعية من الاعراس
ولايهمج حبيبتى أنا بكون عونا هناك
وعلشان خاطرك باقوم بالعرس وأشرف علية
علشان كل واحد ياخذ المقسوم بعدل .
عذوبة
17-08-2001, 11:13 AM
الأخ الفاضل حسينكو لازم تحضر ما شي رقاد بتفوت عليك يوم مثل هذا ما يصير العرس بدونك و لا شي....
الأخت الغاليه ديمه 2020 يا مرحبا بج زين إنج بتحضرين حصلت اللي بيصب القهوه حق المعازيم....هههههههه....
و حياكم الله جميعا......
بو عجب
17-08-2001, 04:11 PM
لوسمحتي طنط عذوبه ممكن عندي سؤال؟؟
عادي أجيب بيض بدل الطماطم
هاااااا
أرجو من طنط عذوبة ترد على الزنمه بو عجب
عذوبة
17-08-2001, 07:38 PM
و الله كله تمام اللي بتيبه بيمشي....
أقوووول و الله فكره حلوة لو نخيها بيض بدل الطمام....
الله.... أخخخخخ أتخيل شكلكمو انتو تضاربون....
الله ربشه و الله......
هههههههههه......
بو عجب
18-08-2001, 01:07 AM
شكراً طنط عذوبه بجيب بيض وبعد لاتنسين الزنوبه خذي درزن زنوبات
بس مين العريس والعروسه عشان أعرفهم ؟؟؟؟؟ظ
لاتنسين طنط عذوبه جاوبي...
مع تحيات بو عجب
عذوبة
18-08-2001, 01:44 AM
و الله المعاريس ما دري علمي علمك......هههههه...
بس أقووول ترى الحفله الحين بتخلص....
باقي نص ساعه بالضبط.....
لا تفوتكم.....
عطرالندى
18-08-2001, 01:51 AM
راح أدش العرس وأبارك وأطلع مثل أحد الأخوه
والموضوع يبين الحقيقه في هالدنيا هالأيام
ويجب المثابره بحضور هالعرس وياليت للنفس
العزيزه مكانه هالأيام
تحياتي:):):):):):)
bnt_elnoor
18-08-2001, 01:51 AM
ممممممممممممم ... اختي عذوبه
اخاف اضيع الطريق ..وما اوصل في الوقت المناسب ..
ووو واخاف انكم تخلصوون علي العشا ..
وو اخاف اطقوني ..اذا في حماية بجازف حتى لو ضيعت الطريق
:):):):):)
مشكورة اختيه صراحه رووعه طريقة اعلانج عن العرس ..
وتحياتي لج يالغاليه :)
اختج بنت النور
الا ما قلتيلي وين العرس اخاف مو في الامارات ؟؟:(
عذوبة
18-08-2001, 02:05 AM
فعلا يا عزيزتي ياليت لو لعزيز النفس مكانه في هالأيام....
و لكن لحظه.... أبد و الله ماشي طلعه....
تدخلين يعني تدخلين.......
العشا علي و الله.....
تحياتي لج....
و توقيعج جدا جميل........
عذوبة
18-08-2001, 02:07 AM
راجعي الموضوع بتعرفين العرس وين....
اطمني حبيبتي في الأمارات .....
بس وين بالتحديد... إنت دوري و أسألي و إنشالله ما توهين....
و لا تخافين في عشا......
اطمني......
بو عجب
18-08-2001, 02:58 PM
ااااااااايييييي تعبنا هذا العرس كسرو ظهري بس أنا ماشفت عذوبه في العرس لأ ني كنت بعطيها بيضة على راسها بس مالقيتها وين منخشه بس كان العرس حلو :):):):)