مواقف واقعيه ..(طريفه و محرجه)

[بنت العين]

في المول...

كنت انا و الاهل سايرين السوق...وضعت عنهم
ثرني امشي ورا عايله هب اهليه...المهم رحت ادور اهليه
و كان المكان زحمه و كنت خايفه....تميت امشي و جان اسمع حد يقولي..(من شاف زينج غصب يحتار)...و كمل اللي وياه( معذور من يتعب عيونه بدربج)...خفت مرره..و مشيت سرعه..قال واحد منهم( ياللي تطالعني و جنك ما تطالعني نظرتك حبيبي تكفا كررها)..و انا اصلا مااعرف حتى عددهم كم...دخلت تكرمون الحمام و تميت داخل اكثر من ربع ساعه قلت بيملون و بيروحون..يوم طلعت كانوا بويهي..وهنيه عاد كملت المفاجئه...طلع اللي يلاحقني اخوي و واحد من الاهل و ربيعهم....اتفاجئت..لا هم عرفوني من الهيئه و لا انا عرفتهم من الصوت...واخوي لين الحين ما يدري ..:)

في السوبرماركت

كنت قاعده احاسب..... وجان ييني واحد فقير..مديت ايدي فالشنطه و عطيته..وانا كل بالي اني عطيته عشرين(و رقه وحده)
ثرني عطيته 500 ..20 و 500 عندنا تقريبا نفس اللون ...عاد انا توهقت :( ازقره و اقول له انا بالغلط عطيتك 500 و كان قصدي 20
قلت لا والله ما اسويها..رزق وياه من الله ...بس المشكله الحين منو يدفع الحساب....و شوفوا محاسن الصدف..سمعت صوت اختي و ريلهاوسرت لها و قلتلها اللي صار...و دفعت عني :) ...لو انتو مكاني شو بتسوون؟

[المسلمي]

الموووووووووووقف الأول بدون تعليق :):) ،،

اما التاني لو مكانك ما اخليه يروح بالـ500 لاني في حاجتها اكتر منو :):) ،،

بس صراحه مواقف تجنن :) ،،

مع تحياتي ،، المسلمي ،،

[بنت العين]

هذي اول مره ترد علي

و هذا بحد ذاته اسعدني

بالنسبه للموقف تعرف كان ايام العيد...قلت خله يستانس

هو و اهله ب500

اتريا تعليقك على الموقف الاول:)


:) شبيه الريح :)

[المسلمي]

هذي اول مره ترد علي

و هذا بحد ذاته اسعدني

احرجتيني صراحه بكلامك اللي فوق :):):) ،،

ولو ادري انك بتسعدي بردي كان رديت على كل مواضيعك ،،

وبالنسبة للموقف الأول لو اني منك لارحت البيت سمعته كلمتين يحبهم القلب << اخوك طبعاً :):):) ،،

مع تحياتي ،، المسلمي ،،

[بنت العين]

سوري على الاحراج...............:)

بالنسبه لاخويه...فكرت اقوله::

بس خفت اني احرجه....و هو طيب

و دايم ياخذني معاه بالسياره(نتحوط).... يعني مصلحه *_+ :)






اشكر تواصلك ...:) فعلا اسعدني *_*

:) شبيه الريح :)

[ابو الفياصل]

هااااااااااااااهههاهاهاهاهاهاهاها

والله موقف رووووعه..

بس لو اني منك
كان ايش اسوي..

اروح للفقير هذا واقول له يابو الشباب انت فقير صح؟
بيقول لي طبعاً ايه
ابي اقول له طيب انا مو عطيتك فلوس؟
بيقول لي بلى ابي اقول له وانا حر فيها اعطيك او لا
بيقول لي طبعاً ابي اقول له وانا غلطت عطيتط 500 بدل 20 فرجعها لي وانا اعطيك بدل الـ 500 اعطيك 50 وإن شاء الله ربي يهديه ويرجعها..

لوووووووول

[بروكسي]

لا عادي


ولا موقف محرج فيهم


بالعكس موقف قاهر

تروح الـ 500 جذي :(

عاد مادري جم تسوى بالعملة الكويتية

لوول

[سمرا]

حلوه وايد
لو انا مكانج كان عطيتهم كف على بوزهم
واسكتهم
بس في النهايه هذا كلام وانا اعرف ما بقدر اسويه:)
xonickxo@hotmail.com

[المسلمي]

مشكووووووووووره يالغالية :):):):) ،،

[شاهيناز]

بنت العين ..من قرائتي للقصه

لاحظت انتي واخوج محتاجين لفحص نضر

...........:)

[Sunny2000]

هههههههههههههههههههههههههههههههههه

أما موقفك مع اخوك .. يييييييييييه ... لو يدري اش بيسوي!!

بينحرججججججججججج

والثاني حلو بعد .. وزين ان اختك كانت موجوده ..

محظوظ الرجال .. رزق من الله :):):):):)

[moon cat]

طبعا تتكلمن عن مركز ألى فتحوه في ألعين نفس ألى في أبوظبي في الكاسر ولا اكبر :) موقف حصلي كنت فى أحد ألصيدليات أشتري دوي جتلي بنت من أياهم ؟ هذيله ألى كل أخر ألشهر منقبات يسئلون ألناس هيه خير ولله أنا من ألكويت وألوالد مريض ياريت ركبت ألكذبه صح ‍! :) وبغيت منك خدمه عموما تعرفون ألحريم وشغلات ألمسكنه ‍‍‍هاي قلتلها ألزين فلوسي فى ألشقه تعالي معاي بنروح ألشقه بنعطيش ألفلوس وألبنت ألسوريه تضحك ‍!خافت ألمهم قلت ألزين خلش هنيه حروح أشوف أذا فى ألسياره شي عموما أنا طلعت من من ألباب ألاولي شرعت من ألباب ألثاني ‍‍‍!!!!! هاهاها خافت لجيب حد من ألشرطه ماعلينا للأسف كثير من بنات ألبلد يعملون هذه ألاشياء وسمعت واحد أيقول لحقت من ألى هذيله ولا أحصل عندهم شبح ‍‍‍!!!!!! ولي يعيش ياما يشوف

[شعنونة سوالف]

بالنسبه للموقف الاولى كنت تصرفت نفس تصرف اخي لو كنت انا من يلاحق شاب مع احد صديقاتي :)

والموقف الثانيه الصدقه عمرها ماتنقص مال :)

تحياتي :)