قلب ينبض
26-01-2002, 01:46 PM
السلام عليكم
يقلون الشكوى لغير الله مذله وانا اليوم يا جماعة الخير ودي اشتكي عليكم قلبي الصغير الكبير ....
قلبي هذا يسبب لي الالم والتعب من عطفه واحساسه بالناس و نسيانه لحالي ...
اضرب لكم مثل فيه زميل معرفتي فيه ما تتعدى السلام يشتغل في المشروع اللي اشتغل فيه المهم مر علي الاخ قال لي يا بو قلب ينبض تعال ابيك بسالفة وعلى طول فزيت من مكاني وتبعته المهم قال لي معك فلوس وبدون اي تردد قلت له ابشر كم تبي مع اني ما اعرف وش الانسان هذا وما سبق لي وتعاملت معه المهم طلعت كل اللي في جيبي وسلمته له مع اني حاط في اعتباري ان المبلغ هذا صار في حكم الدين المعدوم مع اني والله احوج بكل هلله لاني امر بضروف صعبه ، وامثله غير هذا كثيره ....
اش اسوي ما اعرف اعتذر ولا اكذب على انسان قصدني ونخاني في شي وانا املكه حتى ولو كنت محتاجه. ولو حاولت اعتذر على طول يبان علي اني اتهرب من المساعده وانا ما حب اكون في صورة ما ارتضيها لنفسي. غير كذا اتخيل نفسي مكان الانسان اللي محتاج واتصور وش تكون حالتي لو ردني انسان قصدته او طلبت مساعدته في اي امر وردني ... اكيد شعور مؤلم مصحوب بخيبة امل .......
مادري عندي احساس عميق بالمسئولية عن الاخرين وهذا بدون شك يخلق نوع من محبة الناس واحترامهم لي لكن كل هذا على حساب نفسي. يزيد في الملي اني اتعرض لانتقادات من اصدقائي بسبب هذا القلب اللي ينبض باستمرار .....
اخر المتمه انا راضي بحالي رغم المي و اشوف ان سعادة قلبي اللي ينبض جزء من سعادة الناس من حولي. والله انا اسئل ان يديم عليكم الفرح و السعاده.
وسلامتكم.
يقلون الشكوى لغير الله مذله وانا اليوم يا جماعة الخير ودي اشتكي عليكم قلبي الصغير الكبير ....
قلبي هذا يسبب لي الالم والتعب من عطفه واحساسه بالناس و نسيانه لحالي ...
اضرب لكم مثل فيه زميل معرفتي فيه ما تتعدى السلام يشتغل في المشروع اللي اشتغل فيه المهم مر علي الاخ قال لي يا بو قلب ينبض تعال ابيك بسالفة وعلى طول فزيت من مكاني وتبعته المهم قال لي معك فلوس وبدون اي تردد قلت له ابشر كم تبي مع اني ما اعرف وش الانسان هذا وما سبق لي وتعاملت معه المهم طلعت كل اللي في جيبي وسلمته له مع اني حاط في اعتباري ان المبلغ هذا صار في حكم الدين المعدوم مع اني والله احوج بكل هلله لاني امر بضروف صعبه ، وامثله غير هذا كثيره ....
اش اسوي ما اعرف اعتذر ولا اكذب على انسان قصدني ونخاني في شي وانا املكه حتى ولو كنت محتاجه. ولو حاولت اعتذر على طول يبان علي اني اتهرب من المساعده وانا ما حب اكون في صورة ما ارتضيها لنفسي. غير كذا اتخيل نفسي مكان الانسان اللي محتاج واتصور وش تكون حالتي لو ردني انسان قصدته او طلبت مساعدته في اي امر وردني ... اكيد شعور مؤلم مصحوب بخيبة امل .......
مادري عندي احساس عميق بالمسئولية عن الاخرين وهذا بدون شك يخلق نوع من محبة الناس واحترامهم لي لكن كل هذا على حساب نفسي. يزيد في الملي اني اتعرض لانتقادات من اصدقائي بسبب هذا القلب اللي ينبض باستمرار .....
اخر المتمه انا راضي بحالي رغم المي و اشوف ان سعادة قلبي اللي ينبض جزء من سعادة الناس من حولي. والله انا اسئل ان يديم عليكم الفرح و السعاده.
وسلامتكم.