مسدد
16-05-2003, 01:52 PM
الحقيقة ذهابي إلى دبي يحول الأبناء عندي إلى طقم (سعادين) :banana: عافاكم الله ، وتظهر عليهم علامات النبوغ مبكرا :glasses: فتبدر منهم حركات full option :confused: وكنا اليوم في مكان اسمه الواحة سنتر ، فأخذنا (شلة حسب الله) علشان نختار خزانة للمنزل ، ابني الحبيب ما يمر على خزانة إلا ويفتحها ، خابر فيها شي مثل ما تعود في البيت ، المشكلة لما يسكر الخزانة يسكرها بطريقة تصدر دوي محترم وكأنه قاعد يشيك على قوة الخزانة ، ضربة وضربتين على اليد فهم من خلالها أن هذا تصرف مخالف مخل بالآداب العامة.
ونحن نمر على أطقم الغرف اكتشفت أن الحبيب ما خلى لوحة أسعار إلا وحركها من مكانها:eek: وحاس بي حوسة هالولد ، وبدأت افقد أعصابي :mad: رحت شلته فقام يعمل حركات ويرفس ويركل :corsair: قلت ما عليش ، رحت نزلته ، ولفيت وشي عنه ثلاث ثواني ورجعت اطالعه فإذا هو راكض عني بأقصى ما تستطيع رجله بس يريد مرة ثانية يحرك لوح الأسعار ، قلت لأخت تجيبه ما لقته ركضت أمه وراه وأنا حاسس بحرج شديد من حركاته ، بعدها أم العيال جابته ، لفينا وما لقينا اللي تبيه أم العيال ، ونحن طالعين قالت "شرايك نوديهم على قاعة الألعاب يلعبون" مشينا إلى القاعة وهي بصراحة جميلة فيها بيوت وزحليقات بلاستيكية حق الأطفال ، قلت للبنت "يالله اسحبي أخوك وروحي العبي" قالت "أخاف" ... طبعا لها تجربة سابقة لانها في هذي القاعة صاحت صياح من الخوف لانها اعتقدت انا هربنا منها ونحن كنا اصلا جالسين نطالعها وكانت تبص يمين وشمال وقدام ووراء ولا تشوفنا ، العتب على النظر ، قلت لها يالله نحن بنطالعكم ، قالت "لاع" وأخوها البطل ما كذب خبر وانطلق على أول زحليقة ، فصادفه صبي أطول منه واكبر منه (يعني ما يلبس حفاظات زي ابني) ، ولدي قليل الأدب شاف هالصبي قدامه راح زنطة من حلجه ، يد من الحلج ويد من علباه (المشكلة كيف وصل حلج الولد ما أدري :damp:) ، واركض صوبه وافك الصبي الثاني منه اللي انطلق إلى والده واعطي ولدي واحد كراتيه على الحفاظ ، واركبه على الزحليقه وانا اقوله "عيب عليك فشلتنا" وهو بعد يتهندق ويتحرطم ولا اعرف كلمه من اللي يقولها.
وبعدها اسمع ام العيال تقول "خل ولدك يبوس الولد" واسحب هذا الحمش وياي لين الصبي الثاني اللي حبيته على راسه وقلت لولدي "حبه" ، رفض طبعا وفشلني.
قصص اليهال حلوه ، بس هذي من المواقف العجيبة اللي مرت علي في هذي الرحلة غير سحب الغترة في وسط الأسواق والتصفيع ، بديت أحس تعب والدينا علينا.
ونحن نمر على أطقم الغرف اكتشفت أن الحبيب ما خلى لوحة أسعار إلا وحركها من مكانها:eek: وحاس بي حوسة هالولد ، وبدأت افقد أعصابي :mad: رحت شلته فقام يعمل حركات ويرفس ويركل :corsair: قلت ما عليش ، رحت نزلته ، ولفيت وشي عنه ثلاث ثواني ورجعت اطالعه فإذا هو راكض عني بأقصى ما تستطيع رجله بس يريد مرة ثانية يحرك لوح الأسعار ، قلت لأخت تجيبه ما لقته ركضت أمه وراه وأنا حاسس بحرج شديد من حركاته ، بعدها أم العيال جابته ، لفينا وما لقينا اللي تبيه أم العيال ، ونحن طالعين قالت "شرايك نوديهم على قاعة الألعاب يلعبون" مشينا إلى القاعة وهي بصراحة جميلة فيها بيوت وزحليقات بلاستيكية حق الأطفال ، قلت للبنت "يالله اسحبي أخوك وروحي العبي" قالت "أخاف" ... طبعا لها تجربة سابقة لانها في هذي القاعة صاحت صياح من الخوف لانها اعتقدت انا هربنا منها ونحن كنا اصلا جالسين نطالعها وكانت تبص يمين وشمال وقدام ووراء ولا تشوفنا ، العتب على النظر ، قلت لها يالله نحن بنطالعكم ، قالت "لاع" وأخوها البطل ما كذب خبر وانطلق على أول زحليقة ، فصادفه صبي أطول منه واكبر منه (يعني ما يلبس حفاظات زي ابني) ، ولدي قليل الأدب شاف هالصبي قدامه راح زنطة من حلجه ، يد من الحلج ويد من علباه (المشكلة كيف وصل حلج الولد ما أدري :damp:) ، واركض صوبه وافك الصبي الثاني منه اللي انطلق إلى والده واعطي ولدي واحد كراتيه على الحفاظ ، واركبه على الزحليقه وانا اقوله "عيب عليك فشلتنا" وهو بعد يتهندق ويتحرطم ولا اعرف كلمه من اللي يقولها.
وبعدها اسمع ام العيال تقول "خل ولدك يبوس الولد" واسحب هذا الحمش وياي لين الصبي الثاني اللي حبيته على راسه وقلت لولدي "حبه" ، رفض طبعا وفشلني.
قصص اليهال حلوه ، بس هذي من المواقف العجيبة اللي مرت علي في هذي الرحلة غير سحب الغترة في وسط الأسواق والتصفيع ، بديت أحس تعب والدينا علينا.