سوالف للجميع - بما إنه الصيف جا ..

تعبان

10-06-2003, 04:52 PM

سلام على كل الحلوين والوحشين :D

كيفكم ... ؟

المهم بما إنه الإجازة الكريمة جات وملينا منها بعد

حبيت أسألكم وين رايحين بالإجازة ... ؟!!

أنا شكلي راح أعفن هني بالحر والنار :cry: ..

لأنه أختي عندها دوام في الإجازة

ما علينا ..

يلا نشوف البقية وين راح يروحوا ..

ومقدمًا للي بيروحوا : تروحوا وترجعوا بالسلامة ..

واللي راح يعفنوا مثلي بدول الخليج المولعة :( : الله يعينا جميعًا
:cry:

صوت العقل

10-06-2003, 05:04 PM

اول شيء عاش من شافك بو التعب:)

اما العطله تو الناس عليها

خل نفتك من الامتحانات :glasses:

بعدين نفكرررر بالاجازه:banana:

نواف بن أحمد

10-06-2003, 05:04 PM

بالنسبة لي عندي ترم صيفي بالجامعة.....:cry:

عمرTarga

10-06-2003, 05:04 PM

الله يعينك بالعطله هذي:D

ابو الفياصل

11-06-2003, 01:20 AM

يا شيخ خل الإمتحانات تبدأ أول بعدين يصير خير.

بالنسبه لي..

انا احتمال اروح بعثه على حساب الدوله لتركمانستان:D

تعبان

11-06-2003, 07:08 AM

هلا والله حبيبي

تعيش أيامك ..

وينك .. ؟

وين أيام القصص والسوالف وجلسة الكذابين :)

المهم ولكم باك

ويلا عاد شد حيلك بالامتحانات وارجعلنا

والله يوفقك :)

نواف :

الله يعينا :(

تارجا :

آميبن ..

بس إنت وين رايح .. ؟

بو فيصل :

ويـــــــــــه إنتوا بعدكم ما بديتوا ..

الله معاكم :D

وبالنسبة للرحلة الفاخرة ..

تكفا تكفا ودني معاك :cry:

مشكووورين شباب على المشاركة :)

حمامه

11-06-2003, 07:35 AM

و عليكم السلام و رحمة الله و بركاته

المهم الصحة و العافية وراحة البال

وأهم شي الحين أهو الأمن و الأمان ، مو مهم السفر

بحرها ،،، بغبارها ،،، برطوبتها ،،، تبقى ديرتي أحلا ديره

هذا حر ونار الدينا الله يعينا على حر و نار الآخره

:) :)

Infiniti Q45

11-06-2003, 08:15 AM

راح اروح لبنان بعد الامتحانات بفتره بسيطه

و بعدين يمكن بروح المانيا :) بس مو أكيد

عاشق الريال

11-06-2003, 10:00 AM

و عليكم السلام ومساء الخير

بصراحة أنا محتار بين الترم الصيفي أو السفر

و شكلها ما فيه سفر :cry:

على فكرة هنا في السعودية الاختبارات

راح تبدأ السبت القادم و تنتهي تقريبا 25 هذا الشهر

و لكم التحية

:D

ابو الفياصل

11-06-2003, 01:49 PM

شكلك صكيتني بعين.!

اتصل علي المسئول من الوزاره اليوم وقال انها الغيت..! بلا بشكلك:mad:

الحين وش اسوي لك..!!

جتك نيله وانت شبه لوبيز..!!:mad: :mad: :mad: :mad: :mad: :mad:

والله وفاتتني السفره..!! كنت محتاجها كثيير.. لأنها تكون دافع لي في المستقبل..!!

كله منك.. ربنا ينتئم:mad:

صوت العقل

11-06-2003, 02:18 PM

[QUOTE]رد مقتبس من حمامه

وأهم شي الحين أهو الأمن و الأمان ، مو مهم السفر

بحرها ،،، بغبارها ،،، برطوبتها ،،، تبقى ديرتي أحلا ديره

>>>>>>>>>>>>>

كلامج عدل :)

الله يحفظها لنا ....احلى ديره والله

تعبان

11-06-2003, 06:16 PM

أنا معاك أختي

بس يعني الواحد يغير جو .. ويشوف أشكال جديدة

وبعدين هو راح يرجع لبلده مو راح يتركها للأبد

ومشكووورة على المشاركة ..

Infiniti Q45 :

حظــــــــك

ما شاء الله .. لا تروح عليك الرحلة عليك بس من عيني ;)

وتروح وترجع بالسلامة

BRAA :

مساء الورد ..

وشدوا حيلكم

الله يوفقكم :)

بو فيصل :

لا لا لا لا زعلتني من كل قلبي :Sad2:

طيب وش رايك دامني السبب في لغي الرحلة ( لا تصدق بس !! :damp: )

تجي معاي ونروح لهذي .. ما أدري وش اسمها على حسابي .. ؟؟

بس مو ترميني بالفندق وتروح حضرتك تسوي بلاويك اللي بتعطيك دافع مستقبلي :OO:

لا إذا وديتك أولاً : بتسوي ريجيم ( فلوس الوالد على قد الحال !! :damp: )

ثانيًا : تصيرلي مثل مرشد سياحي و Bodygaurd :rolleyes: ( صح ال Spelling ?? :damp: :damp: )

ها وش قلت .. ؟ :confused:

تحياتي

روتي

12-06-2003, 01:03 AM

رجعتني 5 سنين للورااااء :D

ابو الفياصل

12-06-2003, 03:08 AM

والله ما عندي مانع بس اروح للدوره.

لأنه ملتقى إسلامي بخصوص البرمجه وتصميم البرامج الإسلاميه ومثل كذا..

دلع

12-06-2003, 04:41 AM

و الله السنه هذي ..... الدنيا كلها مكهربه .....

سياسياً .... و صحياً ......

يعني الاجازه حتكون ..... في ربوع بلادي ... ان شاء الله ...

تعبان

12-06-2003, 06:24 AM

هو في إيه .. ؟

بو فيصل :

موافق بس مو أكثر من ساعتين باليوم

وش قلت .. ؟

دلع :

الله يعينا ويعينكم على الحر

لكن أحسن علشان تستمري بسوالف ! :)