جبنا لكم الموضوع من جديد بس يبيله نا س ******* تفهم *******

[أقشر]

هذا الموضوع حديث بين شخصين هم ( هاني صنيتان & عقلة الأصبع )في احد المواقع العربيه
وكنت ابيكم تعرفون الناس قد ايش مجنونه وعقولها طايره في العلالي بس بخفة دم منقطعة النظير

-----------------------------------------------------
عقلة الاصبع:
كم الساعة عندكم
------------------
هاني صنيتان :
بعد صلاه الفجر مباشرة يعني ثمان الا عشر
-------------------------------------------------------
عقلة الاصبع:
عندكم ثلج ؟
------------------
هاني صنيتان :
طعوس ياولد تقول الثمامه على غفلة ، لية تبي عندكم عرس ؟
-------------------------------------------------------
عقلة الاصبع:
لا .. بس حنا ما عندنا
ثلجنا اكله ابو داوود
-------------------------------------------------------
هاني صنيتان :
ابو داوود اكل الخضر واليابس تقول ثريم عابس ....... ما خلا شي ...... لا والا اخوه سامي ياحليلة ما عندة الا سف وبلع على طول .... ياحليلة
-------------------------------------------------------
عقلة الاصبع:
والا ولده اللي ياكل الكور !
مافيه كورة الا اكلها .!!..
-------------------------------------------------------
هاني صنيتان :
ايهههه هذي الدنيا .... الله يخارجنا انشالله
لا ما سمعت باللي راضوه بثمانية مليار يومنه زعل وانا اذا زعلت راضاني الله يغفرلة ويرحمة بخمسه ريال وبوسة ،،،،،

اقول الا وش رايك توني مسوي دلة مهيلة على كيف كيفك تطير العماس وتعدل الراس ، وتميرات توني جايبها تجي ونتقهوا ونسولف وامر الله من سعة
-------------------------------------------------------
عقلة الاصبع:
ايه .. يالدنيا .. الله يرحم اموات المسلمين
ويلحقهم اللي في بالي ..
صب فنجال يارجال ..
قرب القدوع ..
ورى قهوتكم مهيله .. حط مسمار يبرد الكبد ..
تمر كلورادوا .. هاه
والله تطورتوا .. يا احفاد صلاح الدين ..
بس التمر فيه سوس ..
قم قرب السطل ..
خلنا نتروش
...
ياعالم تروشوا
----------------------------------------------------
هاني صنيتان:
اجل توك تبي تصلي ؟
-----------------------------------------------------
عقلة الاصبع:
الله يالدنيا
يابو صنيتان انت كبرت والكبر شين
اخاف تصير مثل ابو داوود بس ..
ما مر عليكم فدغون ها الايام ؟
يقولون انه صار يبيص مع الباصات الصفر !!
ورى ماعاد تصبلي قهوه ؟
صب قهوة ياشيخ ؟؟
لاارنك على بوزك بالفنجال !!
انت وفناجيلك ..
----------------------------------------------------------
هاني صنيتان:
ابشر والله من يصب لك فنجال ، بس لو تاخذ الدلة وتصب انت تراه احسن لاني من الناس اللي اذا بديت اسولف والدلة معي نسيت اللي حولي واسفهليت في الحكي ،،،،
فخذها وصب لنفسك وصبلي ،،،،،،
--------------------------------------------------------------------------------
عقلة الاصبع:
والله ناس ماتستحي
يعني تذلني علشان فنجال !!
يالله ماعلينا !!
وش اخبار البلاك روك !!
رحت لها والا للحين
شكلك من جنبها !!
رح لها ترى فيها علوم زينه !!
يقولون حبيبي العازمي ومستور والرياحي والطقه كلهم عندهم امسيه هناك ..
لاتنسى تصور الحفله !!
------------------
هاني صنيتان:
البلاك روك وينها عن جودة قبلها والا بعدها ،
على العموم انا طالع الحين ابي اشوف هي على اي مفرق واجي انشالله واقول لك
--------------------------------------------------------------------------------
عقلة الاصبع:
لاتنسى تاخذ معك دربيل !!
------------------

*******************************خلص الكلام الي بينهم ********************************
شفتو قد ايش عالم رايقه وراقيه فوق فوق فوق


http://www.swalif.net/swalif1/ubb/frown.gif<----------------- توقيعي المحترم جدا

[حنون]

ايه الحين الواحد يقدر يفهم شوي بس

وانت ما عندك شي يالقشر غير هالسالفه والا الهواش معنا

طلع نكت من اللي مخبيهم بمخباتك الفوقاني

واذا كنت تبي الكل يشاركك في مواضيعك لازم تحسن الحلاقه قصدي تعسل العلاقه اووووه تغسل البلاطه

شف انا تعبت معاك كلامي كله غلط خذ من ذا على ذا يطلع ذاك اللي انتى تبي تعرفه

حنــــــــــــــــــــــــــ زين عطيناك وجه وفهمنا شوي من موضوعك ـــــــــــــــــــــــــــون

[الجمل]

الغريب ان حنون مدهر اشتراكات ........كل ما جيت موضوع الا وهو زي الجني المستخف. اثقل ياجني لايجيك اجن منك http://www.swalif.net/swalif1/ubb/smile.gif

------------------
ماشاء الله تبارك الله

[ماجد]

والله انك امتحان ياذل الأشقر نبي نكت مو سوالف علان وبطان

واذا كل واحد بيجي وعلى باله ضريف وبيقعد شغال كوبي في سوالف الاوادم

ويعيدها لنا لا والله ماربحنا

على العموم يااخوي ياالأشقر عطنا نكت ولا شي غير النكت

------------------
ان كنت ريحا فقد لاقيت اعصارا

[Vampire]

يوه يوه يوه يوه
ياناس .........

أقشر شغال أف بي أي وحنا ماندري
http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif http://www.swalif.net/swalif1/ubb/smile.gif

------------------
ســـامر الليـــــــل

[شاهين]

إلى الجني المستخف : حوّل

[الأشقر]

يا ماجد في فرق بين الأشقر واقشر
خف علينا شوي
وهذا اقشر من وين طلع لنا بعد
يالله صباح خير http://www.swalif.net/swalif1/ubb/smile.gif
اقشر تراني امزح معاك لا اكثر ولا اقل http://www.swalif.net/swalif1/ubb/smile.gif
-----------------------
يلعب علي يحسبني من ملاعيبه
ما يدري اني على الخبلان لعّابي