مســــــــــــــــــلّمات!!

[wildorchid]

يتحدثون كثيرا عن المسّلمات..
وماهي الا نوع من الاستسلام..نعم..انها كذلك..
لان المسّلمات قليله..ولكنا اوسعنا نطاقها..
وجعلناها تمتد الى كل مايحيط بنا..
وسيله للتنصل من المسئوليه..وللهرب من التفكير..
واذا نظرنا اليها بتجرد نجد ان المسّلم به يعني
أن المنطق يمليها علينا..ولكن هل فكرنا في حقيقة
أن التسلسل المنطقي وتحليل المواقف والأحداث تختلف
من شخص لآخر؟من مجتمع عن غيره؟
اذن لا يوجد مايسمى بالمسّلمات الا في عقول الضعاف..
- يستثنى من ذلك العزه الآلهيه ----

وبسّ

[click]

***********Nothing written in stone****************

[heartking]

I don't know what are you talking aobut

[wildorchid]

True

[wildorchid]

أنا أحكي عن المسّلمات..
بمعنى..يصادفك كثير من الأمور اللي ينقال لك فيها
" ولكن هذا من المسّلم به"
مع انه احيانا مايعجبك ولا يناسب تفكيرك ولا يناسبك كشخص..
زي بعض العادات والتقاليد..
عشان يقدرون يسكتونك..وماتلقى عليهم حجه!!!
مع انه مافيه شيء مايمكن ان الواحد يتناقش فيه ويسأل
عن اسبابه....ولكنهم زي ماقلت يحبون يضيقون عليك
الخناق..ولما ماتسكت..يتهمونك بالخروج عن المألوف
وانك من اتباع "خالف تعرف"..وفي نفس الوقت يناقضون انفسهم
بقولهم" لكل قاعده شواذ" طيب ليش ماهالشاذ يكون هو الصح
ويكون هو القاعده......

وبس!

[القط الوردي]

يا عليكي علوم ..
من المسلمات ان ابنا الذوات من الفاشلين يدخلون
الكليات العـسكرية , وكليات الطب , والهـندسة .
من المسلمات لاتـحكى مديرك بالعمل وهو يحكي غلط انك
تقوله والله انك صادق وكلامك مظبوط وتقوله ابشر
طال عمــرك ,من المسلمات ان البنت اللي تدافع عن
رأيها وعن نفسها امام المجتمع يقولون عنها ماتستحي.
من المسلمات ان الانسان او الانسانة اللي يدعو الى
العلم الرقي والتقدم ونبذ الرجعية يقولون عنه
عـلماني ...
والله موضوع رهيب ممكن اسويله موضوع مستقل مثل موضوع
عــســل كـم وكـم ..:)
وش قلتي أوركـيد قدرت أوصل للي مافهــم المسلمات
وش هي المســلمات .........طيب قوللي لي شكرا :):)[تم تعديل الموضوع بواسطة القط الوردي يوم 23-07-2000 في 03:34 PM]

[wildorchid]

اهيء اهيء
والله انك جيت على الجرح..
الغريب ان احنا صرنا ماعاد نستنكرها ابدا..وصارت
مثل هالاشياء من المسلّمات اللي مانقدر نخالفها..
وتعرف وش اكثر شيء يغيظ؟
ان عيال الذوات يبون ياخذون كل شيء مره وحده..
يعني مو كفايه بريستيج كمان ينافسون الغير على
شيء يمكن يكون حلمهم؟بينما لهم مجرد اسم ويعني اني :)
لكن صدقني..
هذي المسّلمات لابد ماتتغير..ولابد مايجي يوم ونوقف مثل
هذي الأمور..لانها بصراحه ماتودينا اي مكان...وراح
نظل مكانك سر..
والبنت اللي ماتستحي اليوم بكره كل الناس تتمنى قربها
وتتمنى كلمه منها...وبكره تشـــــــــوف :):):):)
لكن مشكلتنا ان احنا محتاجين وقت..والله العالم متى راح نتغير
لكن اكيد راح نتغير...............

[ma3gool]

ومن المسلمات اننا راح نفقدك في سوالف..:(
الا اذا شئرتي علينا بين الفينة والفينه..:)

[القط الوردي]

أوركـيـد:)
تعجبني لغـة الـتحـدي
والاصرار وخاصة في العلم..
ومن المـسـلمات انك بأذن
الله راح تردين على كثير وبقوة:)
وفـقك الله .

[wildorchid]

انشالله..الله يسهّل..ادعوا لي :):)

[wildorchid]

الله يسلمك..

صدقني..لو التفت حولك راح تلقى ان كثير من الأمور محتاجه
ان احنا نعيد وضعها في نصابها ونعطيها معناها الحقيقي..
وأكثر من كذا ان نعطي أنفسنا المجال ان احنا نفكر في كل شيء
قبل لا ننفذه واحنا ماحنا عارفين أو ماحنا مقتنعين باللي نسويه..
أشياء كثيره تفرض عليك من باب المسّلمات..ولكنها ماراح تستمر
على الأقل بالنسبه لي ولكل شخص يرفض القيود على عقله أو تفكيره
من غير وجود مايبررها..
عن جد أحنا ملينا هالروتين والخرابيط المسّاة بالمفروض والواجب
من غير ما تكون لها معنى حقيقي أو قيمه حقيقيه....
ياخساره..مهما قلنا راح نتغير..يجي من بينا من يسحبنا
لتحت....
بس زي ماقلت لك.....
لو عندك طموح وأمل وحلم كبير....ماراح تسمح لأي كائن من كان
أنه يحرمك من انك تكون انت..أنك تحظى على احترام الجميع
وان كانوا يرمونك بحجاره قدام الناس..الا انهم يصفقون لك
اعجابا في داخلهم..وفيما بين أنفسهم,,,,

وبس!