متلبك
14-12-1999, 10:47 PM
اختي الغاليه ام فتيت
السلم عليكم ورحمة الله وبركاته000وبعد
خطكم الشريف وصل وفرحنا بـُه00كثر الله خيركم على المقطع والغدفِه الي كزيتي لي وابشرتس ان اخبارنا تسرتس 00البقره اظنت والبيض فقش والدجاجه الرقطا راجنه 00وان دحيم العلي اعرس ونوير مخطوبه وعويش فطمناه من الرضاع وسويره رفعناه من السقاط وصويلح شرالـُه دنانه وسليم ختم المصحف وعزيز الصالح طاب من الطنان 00وسند ولد مضيوي بدا يحبي والحمد لله طاب الجحام اللي بعينـُه00وانتي صادزه حطينا عليـّه تبنه 00وحصيصه طابت القطوف اللي براسه ومنيره مشطناه بورده وام سويلم طلعت من الماجب وتممنا لسويلم والنعال الزنوبا اللي تخبرين عندنا هاك السنه رقعناه 00ومقطع الروز خبناه والدوشق غيرنا قطاعتـُه 00والسفره التسبيره علقناه بالقبه 00وحطينا بيت للرادو حق عمي والسراج زينا فتيلتـُه والزبيل مليناه حتات من نخلتنا وشرينا سحاره ولقيناه منكسره وابقولتس اني مع هالحموله غاديةٍ حوسه الطايه تخر 00والمثعب منشق والقوتاله منتسلعه وباب الروشن منكسر والموقد مسني والبريق منقشع 00والله يهديك يخيتي ام فتيت 00البزار الي كزيتيه شوي الكركم بـُه والمسمنه تقل رماد مابه ليمون 00والفتيت مسري والكليجه تقل عظامه واذا بغيتو تكزون شي كزوا شي يواجه عند الحموله معتس علم ان حمولتنا ناسٍ نقاده 00وخالتي شراهه وعمتنا حقنةٍ مايجوز لها شي مثل رقاص الساعه وحريم عمومتنا صرت انا هرجتهن 00وجذاعينهم شيبانٍ كبري يترددون على هالجصه قضوا على النعمه الله يهديهم00وانا ماودي اطول عليتس الحتسي عسى مايخلين منتس ولا من جناين قلبتس وسلمي لي على خاصة نفستس ومن يعز عليتس اخص بالسلام الرقوي وحصوص 00وقولي لهم والله ماخلان اقصر عنوتي واشوفكم الا اني عويجزه ولاصقةٍ على ظهري وضليعاتي ومارخةٍ كتوفي ورجيلاتي بالفقس ومعتس علم هالريح يعودن بين حين وحين يالله حسن الخاتمه والعمل الصالح وسلمي وانتي سالمه
اختس ام حديجان
مع السلامه
تعالو واتفرجو او سجلو توقيعكم يستاهل الموقع طحت فيه صدفه اوفيه مسابقات او هدايا فوريه لاعاد هدايا فوريه صعبه . http://proxy-mail.mailcity.lycos.com/bin/redirector.cgi?http://www.homestead.com/sosah/sosah.html
السلم عليكم ورحمة الله وبركاته000وبعد
خطكم الشريف وصل وفرحنا بـُه00كثر الله خيركم على المقطع والغدفِه الي كزيتي لي وابشرتس ان اخبارنا تسرتس 00البقره اظنت والبيض فقش والدجاجه الرقطا راجنه 00وان دحيم العلي اعرس ونوير مخطوبه وعويش فطمناه من الرضاع وسويره رفعناه من السقاط وصويلح شرالـُه دنانه وسليم ختم المصحف وعزيز الصالح طاب من الطنان 00وسند ولد مضيوي بدا يحبي والحمد لله طاب الجحام اللي بعينـُه00وانتي صادزه حطينا عليـّه تبنه 00وحصيصه طابت القطوف اللي براسه ومنيره مشطناه بورده وام سويلم طلعت من الماجب وتممنا لسويلم والنعال الزنوبا اللي تخبرين عندنا هاك السنه رقعناه 00ومقطع الروز خبناه والدوشق غيرنا قطاعتـُه 00والسفره التسبيره علقناه بالقبه 00وحطينا بيت للرادو حق عمي والسراج زينا فتيلتـُه والزبيل مليناه حتات من نخلتنا وشرينا سحاره ولقيناه منكسره وابقولتس اني مع هالحموله غاديةٍ حوسه الطايه تخر 00والمثعب منشق والقوتاله منتسلعه وباب الروشن منكسر والموقد مسني والبريق منقشع 00والله يهديك يخيتي ام فتيت 00البزار الي كزيتيه شوي الكركم بـُه والمسمنه تقل رماد مابه ليمون 00والفتيت مسري والكليجه تقل عظامه واذا بغيتو تكزون شي كزوا شي يواجه عند الحموله معتس علم ان حمولتنا ناسٍ نقاده 00وخالتي شراهه وعمتنا حقنةٍ مايجوز لها شي مثل رقاص الساعه وحريم عمومتنا صرت انا هرجتهن 00وجذاعينهم شيبانٍ كبري يترددون على هالجصه قضوا على النعمه الله يهديهم00وانا ماودي اطول عليتس الحتسي عسى مايخلين منتس ولا من جناين قلبتس وسلمي لي على خاصة نفستس ومن يعز عليتس اخص بالسلام الرقوي وحصوص 00وقولي لهم والله ماخلان اقصر عنوتي واشوفكم الا اني عويجزه ولاصقةٍ على ظهري وضليعاتي ومارخةٍ كتوفي ورجيلاتي بالفقس ومعتس علم هالريح يعودن بين حين وحين يالله حسن الخاتمه والعمل الصالح وسلمي وانتي سالمه
اختس ام حديجان
مع السلامه
تعالو واتفرجو او سجلو توقيعكم يستاهل الموقع طحت فيه صدفه اوفيه مسابقات او هدايا فوريه لاعاد هدايا فوريه صعبه . http://proxy-mail.mailcity.lycos.com/bin/redirector.cgi?http://www.homestead.com/sosah/sosah.html