فارس مشاعر
22-09-2000, 06:19 AM
بشرونا بالصحافة عن علاج جديد …………….…ينعش الابدان و يرجع الشايب ولد
صانعينه بواشنطن و مفعوله اكيد ………...…جعل من جابه يوسع له بقبره و اللحد
قلت فرصة شايبي له زمن ما يستفيد ………...من كبر سنه يعاني و روح بلا جسد
له سنين منعزل لا شقي و لا سعيد …………… كل ما شاف العجيز تثاوب ثم رقد
ما بيده حيله و انتهى منه الرصيد ……………... العظام مهلهله و العروق بها سدد
بندقه ما عاد تنفع و لا تقدر تصيد ……….… و السلاح اللي معه الفشق فيها فسد
قلت ابر بوالدي و انفعه حتى يعيد …………… ماضي الأمجاد و يصبح بعيشه رغـد
إشتريت اربع قوارير بالفين او يزيد …………… الحبوب اللي تخلي من الثعلب اسد
يوم اخذ منها تنافض رجع كنه وليد ……..… و من نشاطه قام يركض و يصدم بالعمد
شهر كامل ما تشوفه من بعيد لبعيد ……..… منهمك هو و العجيز كل ما ينزل صعد
و بعد مده قال ودي اسافر للصعيد ……………….. من مصر ناوي افيز لعمال جدد
غاب عدة ايام و جانا معه شيء فريد ……..… بنت شمحوطة و بيضاء و مركوزة نهد
عمرها تسعة عشر عام ينقص او يزيد …….… اسمها فيفي و ابوها حج عبدالصمد
هام فيها ابوي و الحكي ما عاد يفيد ………..… حلق اللحية و عن ربعه قفا و ابتعد
صار خاتم في يديها و يفعل ما تريد ………… و اصبحت تتحكم فينا مثل شيخ البلد
اسلبته المال و العقل و الري السديد …….…. و بالمقالب و الحيل عيشتنا في نكد
طلق ام عياله اللي لها ساس جويد ……..… قال طسي يا عجوز المشاكل و العقد
من يذوق الكيك ما يرجع يذوق العصيد …...… و انتي العيشه معك مثل حبل المسد
هانت العشرة و خان عسى عمره مديد ……… باعنا بأبخس ثمن و راح عنا ما نشد
اعرف اني سبة اللي حصل و الله شهيد …... جيت اكحل عين محروم و اعماها الرمد
اثر بعض البر وسواس شيطان مريد …………...يفسد الاخلاق و يضيع الوالد و الولد
صانعينه بواشنطن و مفعوله اكيد ………...…جعل من جابه يوسع له بقبره و اللحد
قلت فرصة شايبي له زمن ما يستفيد ………...من كبر سنه يعاني و روح بلا جسد
له سنين منعزل لا شقي و لا سعيد …………… كل ما شاف العجيز تثاوب ثم رقد
ما بيده حيله و انتهى منه الرصيد ……………... العظام مهلهله و العروق بها سدد
بندقه ما عاد تنفع و لا تقدر تصيد ……….… و السلاح اللي معه الفشق فيها فسد
قلت ابر بوالدي و انفعه حتى يعيد …………… ماضي الأمجاد و يصبح بعيشه رغـد
إشتريت اربع قوارير بالفين او يزيد …………… الحبوب اللي تخلي من الثعلب اسد
يوم اخذ منها تنافض رجع كنه وليد ……..… و من نشاطه قام يركض و يصدم بالعمد
شهر كامل ما تشوفه من بعيد لبعيد ……..… منهمك هو و العجيز كل ما ينزل صعد
و بعد مده قال ودي اسافر للصعيد ……………….. من مصر ناوي افيز لعمال جدد
غاب عدة ايام و جانا معه شيء فريد ……..… بنت شمحوطة و بيضاء و مركوزة نهد
عمرها تسعة عشر عام ينقص او يزيد …….… اسمها فيفي و ابوها حج عبدالصمد
هام فيها ابوي و الحكي ما عاد يفيد ………..… حلق اللحية و عن ربعه قفا و ابتعد
صار خاتم في يديها و يفعل ما تريد ………… و اصبحت تتحكم فينا مثل شيخ البلد
اسلبته المال و العقل و الري السديد …….…. و بالمقالب و الحيل عيشتنا في نكد
طلق ام عياله اللي لها ساس جويد ……..… قال طسي يا عجوز المشاكل و العقد
من يذوق الكيك ما يرجع يذوق العصيد …...… و انتي العيشه معك مثل حبل المسد
هانت العشرة و خان عسى عمره مديد ……… باعنا بأبخس ثمن و راح عنا ما نشد
اعرف اني سبة اللي حصل و الله شهيد …... جيت اكحل عين محروم و اعماها الرمد
اثر بعض البر وسواس شيطان مريد …………...يفسد الاخلاق و يضيع الوالد و الولد