أسئله محرجه (اقلطوا)

[مها]

الجو مطر وعواصف وثلج( ايه هين) الا شمس تخلي الكافر يسلم لما تسييح دميجته
المكان غرفة انتظار عند دكتور
حشي مسلسل الموجودات في الغرفه عدد من النساء انا من ظمنهم
5 سعوديات ووحده جنسيه أخرى (ياربي داريه ممنوع ذكر الجنسيات مدري ليه أحس المراقب يطل علي)
جاء حظي الردي جنب عجيز طبعا عاد بدينا الاسئله
منتي بنته وش يقاالكم وش غداكم معرسة ليه ماعرستي (يا كرهي لهل السؤال)
لازم يعني تحرجونايعني وش اقولها:(
وآنا قلبي يقرقع ودي اسمعي البنيه اللي جنبي وش تقول في الموبايل(حاسدتها أبوي عيى يطلع لي)
داريه بتقولون أنها لقافه بس أبو طبيع ما يخلي طبعه
ألا الجنسية الأخرى تبي تسولف تسال عن الدكتور وأنا أجاوبها بسرعة ماهب عادتي لاني احب السوالف(الا تحبين اللقافه) بس يا كافي ماكله غضارة ثوم من الصبح وكل ما حكت قامت تطير الريحه واتلطم بطرحتي مافي فايده ثاني اكسيد الكربون انتشر(الغضارة هي عبارة عن شيء مثل الكورة لكن اقسمها نصيين وحط في النصف الأول مويه والثاني لبن هذي الغضارة)
ماذا سالت العجيز بعد
ماذا حل بالفتاة التي تتكلم بالموبايل
ماذا حدث لثاني اكسيد الكربون
وللقصه بقيه في الحلقه المقبله
بس نجي للسؤال اللي يجي طاير و يطق (بتسبدي )
وش اكثر سؤال احرجك؟؟؟؟؟

[بياع القلوب]

احرج سؤال مر علي

وحده حلوة مره جتني وسألتني كم الساعه ؟؟






طبعا احرجت جدا ليش؟؟؟



لأني ما البس ساعه ....

موقف حقيقي

وتحياتي الاخت مها :)

[ma3gool]

هلا اخت مها..:) موضوعك رهييب وتتطاير منه ريحة الثوم...:) امزح..:) يالقف العجز عندنا ياربيه!!!لا والاشين لين قاموا يطالعون بتمعن!!!
اما احرج سؤال مر علي..ممم ما اتذكره الحين(من كثر الاسئله اللي مرت علي) بس بحاول اتذكره وارد عليس...:)

[ناظج]

هلا بك مها

يازين سوالفك يالملقوفه:) قصدي مها , ياشيخه وينك عن سوالف من
زمان , والله انك تحفة , بعدين لازم الفضايح خليها مستورة وبلا لقافة...(امزح):)

بعدين اقولك,......,بعدين اقولك:)

تحياتي لك اختي خفيفة الظل مها...:)

ناظج

[khalid99]

رهيبه يامهاوي:) ( على وزن رهيبه ياتسالي ):)


على الرغم من لقافة شيابنا وعجايزنا الا انها فطريه

مافيها لف ودوران الي على قلوبهم على السنتهم


احرج سؤال مر على مرة في عرس وزحمة عالم

واحد من شيابنا سألني : ماجالك عيال ؟؟:(

قلت يجيب الله خير ياعم ( بدون نفس )

قال ليش ماتحلل ؟؟:(:( ( ودي اقوم اطبق بحلقه )

قلت الله كريم ياعم (عمى يعمي 000 العدو )

وقبل مايوجه سؤاله الثالث فاجاءته بسؤال مضاد

وش اخبار الغنم والسوق :)؟

وعلى ماقالوا اخواننا اللبنانيون ( سيرة وانفتحت):)

وقفلنا على موضوعنا

[الغربال]

جميل جدا يا مها واتمنى لك التوفيق وبعدين اكثري من هذي الأسئله والحلقات المحرجه .
ههههههههههههه جميل جدا الواحد محتاج يتونس شوي خاصه من ها الساحه السياسيه الي تصدع الراس .
لكن السؤال المحرج حقيقه الذي لم استطع الأجابه عليه ووالدي هو من سألني اياه فقال :
اول ليله لك في الزواج اش راح تسوي ؟؟؟؟؟؟؟؟؟
طبعا الجواب معروف لكن الحياء هو ما منعني .
وتقبلو التحيات

[طيبة]

أنا عن نفسي أكثر سؤال ضايقني ..
ثاني أكسيد الكربون :) ...
لإن أرتفاع نسبته في الهواء ...
سبب الثقب في طبقة الأوزون ...
مما أدى إلى زيادة الأمراض وخاصة سرطان الجلد:) ...

تحياتي وتقديري ...

طيبــــــــــــــــــــ http://www.static.123greetings.com/thumbs/flwr_love/1011-12-03-1042.gif ـــــــــــــــــــــــــة

[القط الوردي]

أول شــيء أبي أرحـب
فيـك ولو أنها متأخره
لكـن أقبليها وان ماقبلتيها
شوفي أحد جنبك يقبلها وان مالقيتي
أحد جــنبــك يقبلها ..أممممممممم
والله مدري عســل كيف كان يقولـها :)

أما أحــرج ســؤال فـهو :
انت منـتظـر وش ليش ماتتزوج ؟
مثل سـؤالك :)

[ساهر الليل]

غيرت اسم الدلع لانهم صاروا يقلدوني :)

روووووعةالكاتب ( <=== ممثله مصريه )

من جد والله انتي رووعه انتي و رهيبه ودمك كوكتيل ( ما كنه ثقيل الكوكتيل .. خوش مدح والله ) ( اقصد من حلاه يعني )

- المهم عاد يكفي مزح
( صرت جد الحين <=== باركولي ) موضوعك حلو ( ودي اقول

حلو مثلك .. بس مستحي وخايف تزعل .. اجل ما ني قايلها )

خليني اجاوبك الحين يوم اني شبعت هذره احرج سؤال وانا عمك

هن سؤالين خليني اقولهن تكفين

س1 / ليش متأخر ؟؟؟ ( هذي الصبح ) ( اكيد سهران غبي اللي يسألني )
س2 / ليش ما تعرس ؟؟؟ ( والله مافيني شي يا جماعه )

بس هذولي الاسئله اللي ما احبهن

وبعدين الله جابك وانا عمك

انا ماقلتلك قبل انتبهي من البس :) هذا هو فوقي شوفيه

هذا اللي اقولك اكحشيه على طول :) شفتي كيف يقول عطرك

مو غريب ؟؟؟:( والله انه صادق ) هو وش عرفه بالعطور هذا ما عمره

تعطر بحياته غير من كولونيا ( خرشه ) يبخون عليه بعد عشا ولا شي

وبعدين شوفي كيف الذكاء عنده ظظ .. الظاء هذي علامة استفهام بدون شفت :) عجزان اضغط شفت .

يبي يعلمك البس انه مو متزوج :) ( مثلي )

بس هو السبب عنده غير السبب عندي
انا ماني لاقي احد يصلح وهو محد لاقيه يصلح :)
( طيب ليش ما تحلل )
هاهاهاهاهاها ( ياويلي من البس )


وانا عمك موضوعك رهيب خلك على كذا حتى اقول يلعن ابو كذا :)



تحياتي مهويه :)

[القط الوردي]

الحقوني الحقوني الحقوني
موتني من الضحك موتني هذا
الســاهر والله اني اضحك من
قلبــي :)

اخص انت وجــهـك :)
أقول لاتسمي البنت مهـويه
منشان هالاسم يذكرني بموضوع
غاث كبدي أسمه مئويه.

ولا بعدين يقولون عليـها مهـويه
يعني مرفعـه يعني مهستره :):)
دور لها أسم دلـع ملـكي :)
أقول سلطان موعدنا الليله
لاناموا الناس نهدر لحالنا :)

[المعاند]

مها هلا بكٍ ...
اممممممم تخيلت الموقف اللي حكيته كأنه قدامي ويش ها المقدرة الرهيبة يحفظكٍ الله ( داري تخافين من الحسد مبين عليك) ذكرت الله

اما عن السوؤال المحرج
كثيرررررررررررررررررررررر بالحيل
لكن اللي اتذكره دايم هو :- ياخوي ليه ماتزوجت للحين تراك كبرت لاتحسب نفسك بعد شباب :( ( اقوم انا بعدها القط وجهي )
بيني وبينك هم معهم حق لكن ليه الاحرااااااااج يعني ماابي اتزوج
ويش التبرير لهم غير الاجابة..اني اضحك ضحكة الاحراج بنفس شينة وبعدها اقول والله ماجاني النصيب بعد ...
وودي انا اسأل الحين ليه فيه ناس تحب الاسئلة المحرجة لالا:( لالا والمشكلة انهم يعرفون انها محرجة هاه ماعلينا:(
القصد يحرجونا

وتحيتي لموضوعكٍ الجديد الرائع ...

[شذى الورد]

هلا وغلا بام السعف والليف أوبس قصدى مها (هذا اختيارك)

اثاريك مو سهلة(من وين تطلع هالدرر)

احرج موقف لمارحت السوق (عزكم اللة )بنعال فردة لون والاخرى لون

من كثر ما انا مستعجل والناس (هات ضحك) اكتشفت الموضوع وهات

ركض على السيارة( وعينكم ما تشوف الا النور)الا انا فى البيت

تحياتى للجميع بحر

[مها]

بياع القوب امممم ابي بس اعرف وشلون عرفت انها زينه سوعال بريئ
____________________________________________________________
معقول شفت عجزنا وش لقفهم اثر احنا ماخذينها ورائه
تراني احتري احرج موقف لك
____________________________________________________________
ناظج الله مير يسلمك ويخليك اما عن اللقافه يخوي عجزت اني اتداوى منها
يلا قول وش السؤال المحرج
____________________________________________________________
خالد 99
مشكور اخوي ومن ذوقك اثر عندكم يارجاجيل بعد اسئله مثلنا
ياشينهم بعد بس ودي اعرف هي صناعه سعوديه ولا كل الخليج نفس الاطباع
____________________________________________________________
مشكور اخوي الغربال وانشاء الله دايم تكون مبسوط
____________________________________________________________
طيبه ثاني اكسيد كربونها فيه مواد قابظه للاغشيه الانفيه تؤدي الى انحلال في الدميجه وعمى مؤقت في العين
____________________________________________________________
هلا بنك نانثر يعني اني اعرف انجلينزي
تصدق احسب انك بتقول اقبليها ولا شوفي اقرب جدار في بيتكم ثم اكمخي راسك
بغيت اسويها الا وش عطره ليمون ويخب بعد
____________________________________________________________
عمو ساهر
هلابك تسكيف الحال
اشوى انه عجبك ومشكور على مدحك في شخصنا الكريم ( كبر راسي من قدي)
قل امين يلا قلها جعل يرفع معنوياتك مثل رفع الفيصليه اجل حلوه
عجزت وانا اسال امي انا زينه وكل ماسالتها تقولي المهم الاخلاق يلا عاد فشرها كويش
الله لايبلاك:)تصدق انا فهمت مهويه مثل ماقال بنك بانثر يعني مافي راسي سنع (هو صدق انتي ودميجتك)
____________________________________________________________
المعاند هلا والله
وش حسده وانا اختك.احد يحسد على الدلاخه والخبال مير الله لايبلاك
ومشكور مره على رايك

____________________________________________________________
هلا يابحر
هههههههه ليت من شافك وا نت كاشخ يالله لاتبلانا يارب ترى الهزوه عدوه
اتخيل وانا رايحه الصبح وانا كل جزمه لون ياهي فشيله
____________________________________________________________
الاغلبيه يقولون ان السؤال المحرج ليه ماعرستي اواعرست أي والله ودك تكمخ أي حد يسالك هل السؤال
والان اعزائي المشاهدين
هل نكمل القصه او ننتقل لفصل اخر وقصة اخرى من قصص مها المهويه (عجبتني)

[ma3gool]

ايه الحين تذكرت..
اشين شي اذا كنت قاعد مع احد ورحت الله يكرمك والقارئين..للحمام ورجعت وسألني واحد ملقوووف وش سويت!!!!!!!يعني وش ارد عليه !!!ياشين اللقافه!!!

[عسل]

لا انا اللي بحرجكم ..وبقولكم .. وشهو شعوركم لا كنتم مكان ذا البزر ..؟؟؟!!! :):):):)
ووشهو تتوقعوا الكلام اللي وده يقوله ذا اللي يناظر فيه (اللي على اليسار :):):)
http://members.xoom.com/MrT999/pic/22.jpg
-----

عســــــــــ هع هع هع .. بالعافيه ـــــــــــل

[مها]

معقول حلوه مره
هههههههههههه
____________________________________________________________
عسل البزر يحلم انه في مسابقة ملكة جمال العالم
واللي على اليسار يقوله مايخالف الاحلام مهب بفلوس حدك شبه هل
الاثنين اللي مقابلهم:)

[عسل]

مها .. :)

ما اقول.. غير .. عقبالك :)

---------

عســــــــــــــ بس انا قدامي .. اثنين ثانيين ـــــــــل