View Full Version : ماذا تفعل لو حدث لك هذا (1)
السلام عليكم ورحمة الله وبركاته
شاركوني بآرائكم
ونشوف من العصبي ومن الهادئ
لو انك اوقفت سيارتك في موقف ما وجا واحد من ورائك واوقف سيارته وبذلك اغلق عليك المخرج وكنت تريد الخروج سريعا
فماذا تفعل؟؟؟
موضوع تجريبي يا يستمر يا ينقطع
وهذا بيكون بفضل مشاركاتكم
تذكرني بمشكلة حصلت في إمارة رأس الخيمة من فنرة
سبب المشكلة هو الموقف اللي ذكرته ، ونتج عن هالموقف عدد لا بأس به من الجرحى في مستشفى صقر في رأس الخيمة
بعد أن تحول الموقف هذا إلى معركة شبه قبلية ... تصور ؟
يا هلا بـ E55
لا حول ولا قوة الا بالله
يبين انهم كانوا كبريت على اقل شئ اشتعلوا
وجرحى ، ايش صار؟؟؟؟؟
وشكرا للمشاركة
ريانة
22-10-2000, 08:08 PM
بالنسبة للمشكلة اللي طرحتها......:(
ماعندي سيارة
واللي يوقف ورى سيارتي(ان شاء الله ) ارشة بالدم:)
الركن الهادئ
22-10-2000, 08:38 PM
بالنســبه لي لاأرش بالدم ولاحـاجه
أنتظـره ليــــن ما يرجع واتفاهم معه بس ماأتركه الا بعد
ماأحرجه وخليــــه يحـرم يسوي نفس الحركه مره ثانيه.
هـــــاذي الأعصـــــــاب والا بــــلاش...
اهلين ريانه
الحمدلله ان الفكره حازت على رضاك
بل بل عاد اشدعوه ترشينه بالدم
الركن الهادئ
على اسمك هادئ
حتى في استعجالك هادئ
عندك برووووود في الدم
لووووووووووووول
وتتفاهم معاه اشلون واشلون بتحرجه؟؟؟؟؟؟؟
وشكرا لكم على التواصل
Huda76
22-10-2000, 10:30 PM
هلا والله جاسم
الموقف هذا صار لي مرة واحدة .. يعني صكوا على سيارتي وأنا صج توهقت .. بس ما انتظرت أصحاب السيارات يجون .. لا .. قعدت أحرك السيارة جدام وريوس ولا مليون مرة لحد ما طلعت السيارة بسلاااااااام ..
بس أعتقد لو اني انحطيت بوضع اني لو شنو أسوي مو ممكن أقدر أطلع السيارة .. الأكيد اني راح أنتظر !!
العصبية موجودة فيني .. ما أنكر .. بس أحاول اني أتحكم بنفسي وما أفقد أعصابي ..
بس تعرف جاسم .. أكو ناس والله اذا يصكون على سياراتهم يتصلون بالمرور ..
تحياتي
شذى الورد
22-10-2000, 10:42 PM
مراحب استاذى
بسيطة ليش مصعبينهااللة يعافى البتان ياكثرهم عندنااوقف تاكسى
واحط كمامة الاوكسجبن(اكيد عارفين السبب)
رفيق دوس على الموتر وانطلق اسهل الحلول عارفين ليش هذة اجابتى
بحر مسكين ماعندة سيارة
همس السحر
22-10-2000, 11:04 PM
جاسم
يا كثر ما صار لي هالموقف
بس طبعًا انا ما اسكت لازم اييب راعي السيارة لو من تحت القاع
ما اطيق الانتظار و العطلة عالفاضي بس طبعًا ما اتهاوش :) :)
الأخ جاسم
السالفة اللي ذكرتها لك كتبوا عنها في جريدة الإتحاد
بدأت بنفس الموقف اللي ذكرته لكن الفرق ان في نفس وقت وصول السيارة الثانية
كان صاحب السيارة الأولى يريد يرجع ، أعتقد إن صاحب السيارة الثانية ما انتبه له
المهم ،لما انتبه للسيارة الأولى شاف صاحب السيارة يأشر بإيده بإشارات غير لائقة
نزل من سيارته ، بدأت بمشادة كلامية ، تحولت لإشتباك بالأيدي وبعدها (( إذا إنت رجال ... إلحقني ))
في الطريق ، صاحب السيارة الأولى اتصل بأصدقاءه وطلب منهم يتجهزون للمعركة :)
وفعلاً أول ما وصلوا شاف صاحب السيارة الثانية أصدقاء الأول يحاولون الهجوم عليه حتى قبل لا ينزل من سيارته
ساعتها طبق المثل اللي يقول ( الشردة نص المريلة ) وهرب ، لكنه هرب ليعود مع مجموعة من أصدقاءه .. وبأسلحتهم
وسياراتهم لنفس المكان اللي كان يتواجد فيه صاحب السيارة الأولى واصدقاءه وبدأت المعركة وانتهت بدخول أكثر من 6 على ما أذكر
للمستشفى ، منهم 2 بحالة خطرة
والمضحك المبكي في الموضوع ، ان المتسببين في هذي المشكلة ما صار لهم شي !!!
آسف جداً للإطالة .... لكن هذا اللي صار وبشكل مختصر بعد :)
دكتور / مجنون
23-10-2000, 01:06 AM
بالنسبه لي انا بسيطه .. اتصل على المرور و يسحبون سيارته على الحجز ... و لا دم و لا عظم ... :)
مدردش متقاعد
23-10-2000, 03:15 AM
أنا بسوي نفس دوكتور/مجنون
بتصل في المرور ة يا دار ما دخلك شر!
القط الوردي
23-10-2000, 03:22 AM
اجـــلس على كبوت سيــارتي
الى مايجــي :):)
هلا جاسم
اما انا
ما دام سيارتي
جيب اكبدشن صعد الرصيف ولا تشيل
واذا اختربيت السياره
عندي غيرها
يا هلا بالجميع وشكرا لتواصلكم
هدى 76
يا صج انك هادئة جدا اشلون قدرتي طلعين السياره وهي بين سيارتين واقفه
لووووووول
اكيد عندك طرق سحرية
تنتظرين عجل انتي هادئة وحليمة جدا جدا
فمبروك
بحر
لا حل موفق يعني تنازلت عن حقك واخذت الامور بروية وتاني
اي صج انك ما تحب المشاكل
بتان بتختنق عجل روح مشي افضل لك
همس السحر
اشلون
لو هو رايح عمله ودوامه تسع ساعات
ايش بتسوييييين
وانتي ما تحبين المشاكل ايضا فهنيئا
E55
ولو
ما طولت ولا شئ
مساكين والله طلعوا متهورين جدا
وهو هرب وراح لكن رد وما سكت
دكتور/مجنون
ومدردش متقاعد
اذا انتم عقلاء واخذتوا حقكم بالقانون
القط الوردي
والله انك فاضي
لو كان بيتاخر يمكن ساعات بتنتظره
انك بارد وانك حليم وهادئ فهنيئا لك
بندق
لا كان جدامك منزل
بعد بتدخل فيه
والله حاله
واشكركم جميعا