الســـــيارة !!!

[بياع القلوب]

السيـــارة

يـا موتر عشرين مرة موديك

يم الحراج وما حصل لك مبيعة

نشبت في حلقي وانا ناشبن فيك

ضيقتهـا ضاقت عليك الوسيعة

يا ليت من يشريك والا طلبنيك

أحط لي عند النشــامى صنيعة



رد الموتر على الشاعر وكأن بلسان حاله يقول



غير لي الماتور والقير واشفيك

واربع تواير بالتوازن رفيعة

يا كثر ماني ماشي في مشاهيك

أروح للدكان وأرجع سريعة

[سردال]

موديل كم السيارة؟! :)

حلوة القصيدة أخوي بياع وما عندي تعليق :)

[شاهيناز]

مسكيه السياره اكيد مش(((((( بـــــورش))))))

لان لسانها طويل اكيد سياره هنديه.....

[بياع القلوب]

هلا سردال
موديل الف وتسعمايه وخشبه :)
وتسلم يالغالي





هلا شاهيناز
:):):)
ههههها
اي والله هنديه - وترادد بعد هالسياره ( شين وقوي عين ) :)
تحياتي

[أبو علي909]

....................وما زلت مصر حتى آخر قطرة من دمي

أرجـــــــــــــــــــــــــــــــــــــــــــــــــــــوك

[E55]

غير لي الماتور والقير واشفيك

والله مشكلة من عطا وجه لربيعه

مثل ما إنت ما تبيني أنا بعد ما أبيك

يا من خلاني أكره العالم جميعه

مع تحيات الشاعر لومينا فس فس :):)

[aziz2000]

أكيد سيارتك زبون دائم لشوارع الخضرية .. ;)
سلم لي عليها .. تصلحها من هنا .. تخترب من أول شارع في الخضرية .. ;)
تحياتي بياع ..:)

[بياع القلوب]

هلا اخي بو علي
حياك الله
ولا يهمك :) أنت آمر بس :)
تحياتي



اي 55
والله لو انها بي ام ويمكن :)
تحياتي



هو اخي عزيز
هي زين اذا كانت زبون بالخضريه
بس الخضريه مسويه حق سيارتي كرت أحمر - خروج نهائي
لأنهم يأسوا منها :)
تحياتي