View Full Version : شفتوا وض صار اليوم
السلام عليكم ورحمة الله وبركاته.
صباح الخير
كل عام والجميع بخير وصحة وعافية
وحجي ولا عريس إن شاءالله.
حبيت
بس
أقول وليه بكل صباح العيد أشوف هالموقف الطريف.
ما أدري
لكن كل ما أرجع من صلاة العيد
وبطريقي للبيت
أشوف مليون واحد منحاش منه خروفه
وتشوف الخروف شردان منهم وبين الشوارع
وبين الحواري
بنت الغربي
05-03-2001, 03:44 PM
لووووول
العنوان غلط إسمه وش صار اليوم مو وض
العنوان غلط إسمه وش صار اليوم مو وض
العنوان غلط إسمه وش صار اليوم مو وض
العنوان غلط إسمه وش صار اليوم مو وض
العنوان غلط إسمه وش صار اليوم مو وض
سسسسسسسسسوري
لووووووول
بنت الغربي
05-03-2001, 04:08 PM
وض ههههههههههههه
معليه يا area كلنى نغلط :)
بنت الغربي
05-03-2001, 04:10 PM
ooooooops i mean arae
اقولك كلنا نغلط
عمروبن كلثوم
05-03-2001, 04:17 PM
^1
تصدق يافهد اني ماعمري شفت هالموقف :(
لي أكثر من ثلاث سنين ماحظرت عيد , بس العيد اللي طاف ؟!
حتى اليوم ماقعدت الا الساعه وحده الظهر :(
يااخي العيد بايخ وروتين ممل ؟! كل يوم تقعد الصبح تطلع برى البيت ألا عيال الحاره وراك بالصواريخ وقف وقف :(
تعايد الناس , عيدك مبارك حجي وعريس ؟! روتين !!
يمر من عندك واحد راكب ددتسن منزله!! ولا بس نظاره أم عشره حتى السلام مايقطه ؟! وش عاد انت وددتسنك راكب كورلا !!:)
ترجع للبيت ألا عيال الحاره يكملون على ثوبك بالتقطيع :( بالصواريخ وقف وقف سلم نفسك !! :(
العيد اللي طاف حظرته لأني كنت برى السعوديه ؟!
هناك يجيك ولد صغير يقول عموه عموه أنطيني عيديه !! لاحظ ألأسلوب!! مهو أنت أنت عطني عيديه ولا بالصاروخ :(
هناك تعيد نجوى والصاروخ الموجه رشا !! الوجيه السفره مهو راعي الددتسن أبو عشره .
هناك العيد مختلف , السنه ذي بغيت اسافر بس تراجعت لأني صراحه طفشان ومالي خلق على شي حتى رشا !!
صراحه العيد هو حالة ملل بالنسبه لي ؟!
صح نسيت عيدك مبارك !!
أنت حجي وانا عريس ؟!
تحياتي وهعاتي هع :) .
والله ضحكتني
يابو رشا من قلب والله ضحكتني.
تقول يجيك راكبلك ددسن ونظارة أم عشرة وشايف نفسه.
والله أخذت ساعة وأنا أضحك لإني أتخيل الحاجات هذه
ههههه
على فكرة أنا أذكر عندكم مرسيدسات وارد المنطقة الحرة.
لا وبدون مكيف
لا ياأخوك عندنا هنا الواحد يجيك فكووك تعرف شلون فكوك
يجيك مواصل ويدورله لحوق
والناس تشوفهم إلى الساعة ثمانية ثمن رقوووووود بعدها.
معليك يا خوك
تفداك سيارتي على الكامري طال عمرك.
نطلع لشرقية أمرك وبعدها نطلع.
شرايك .
على فكرة على طاري الكامري.
أول ما شريت السيارة كنت ناوي أطلع برا وأخذت معاية ثلاث أيام
تدريب على خط الرياض القصيم.
طبعا أطلع برا من جهة عرعر بس قلت أمر القرايب بعرعر.
تصدق راحت إجازتي كلها هناك عزايم
يعني تخيل عشر أيام غداء وعشاء يالللللله مليت وبعدالعشاء نطلع
لخط الرصد وإلا النخيل وإلا طريق الجديدة (أول موقف جانبي على يدك اليسار 300متر وتشوف ضونا شاب طال عمرك. ولا نطلع لأرض الخبراء.
أقولك على طاري الكامري.
وقبل ماتنتهي إجازتي إلا كنت ناوي أسافر فيها برا كنت جاي من المطار وعلى الخط كنت أمشي 160ك.م.س ولا يطلعلي هاك الكلب تكرم
ويكرم من يقرا إلا ناصي (قاصد ) السيارة إلا وطب ويروح الوجه
كله طال عمرك. والله وشحنها بالبسامي.
وأرجع بالطيارة وأصلحها بالوكالة بحدود 10000 عشرة ألاف ريال.
بس عندي عرعر ورجالها يسوون مال قاروون
ويقولون من شرب من مي عرعر ما ينساها
وش رايك بالكلام هذا
طال عمرك.
وعلى فكرة
إنت حجي وأناعريس
إيه لا تغلط.
ــــــــــــــــــــــــ
بنت الغربي تشكرين على لطفك.
عمروبن كلثوم
05-03-2001, 06:17 PM
^1
الفكوك مهم عندكم لا والله الفكوك اللي عندنا ؟! يارجال شكلك ماشفتهم ؟! تخيل وانا اخوك احسن ؟!
نطلع وين ماتبي براسك ؟! قدام (تراي فاصل الريوس من زمان):)
نطلع للبنان وش رايك أعرفك على خوالي اللبنانيين ؟! والله تستانس وناسه أحسن من هالقعده هاهع :).
لبنان وهل خلق الله كلبنان ألا كان عرعر ؟!
تقول صدمت بالكامري وهي جديده شكل خوياك من العياش ؟! ( عليكم عيون يالله دخلك ؟! شكلك منهم ؟!
تسلم والله وعرعر ماهو مدح بها اهلها اهل طيب ؟!
وش سالفة أنا حجي وانت عريس ؟!
ياخوي أنا امس مزوجك أربعه ؟! يخرب بيتك وتبي خامسه بعد مايجوز؟!
خللي وحده بس واللي يرحم والديك :( .
هع هع هع هععععععععععع :)
تحياتي وهعاتي هعععععع
هلا والله بالغالي.
أقول ماني من العياش ولا أعرفهم واللللللللللله
وأول مرة أسمعهم منك.
يا عمي خل نروح لديار حافظ قصدي لديار بشار
وهناك نستانس
ديرة تعرفها ولا ديرة ما تعرفها.
أقول وش رايك بدبي دار الحي.
على كيفك ذا المهرجان الحين صاير.
وإلا أقولك وش رايك بالبحرين.
إذا كنت عسكري بالحرس، ومامعاك رخصة إلا رخصة هلأيام
ماعليك ياخوك أطلعك أطلعك ولد عمي على الجسر.
أقول
حنا السنيد طال عمرك.
عمروبن كلثوم
05-03-2001, 06:51 PM
^1
تسلم والله نروح لدبي ديرة ألأحباب , حافظ خله يولي هو وولده أبو التسعات ؟!
بس نسيت ؟؟
انا بنتحر :(
ماعرفت !! روح أقرا ردي عليك بساحة ألأصدقاء
على موضوع بطاقات التعارف , للأسف مااقدر أروح :(
وتسلم والله , وعلى فكره ليش تطلع علي اشاعات أنا شكلي شكل واحد بحريسان ؟! هزلت ؟!
أقول فهد بيت سليمان المانع ألأخير خطأ وهو كذا .
بالما كتبت أغلى المبادي وألأحلام *** لا واخساره يالكتابه على الما .
وتحياتي بنتحر مع السلامه ياصديقي العزيز :(
ولكم باك ؟؟!!(والله مااعرف معناها ؟!) .
هعععععععععع
والله يا خوك أنا حاس إن فيه خطأ بالبيت
بس هذا اللي قريته
وعندي ديوانه سليمان
طبعاالشباب مجمعينه.
وتسلم، وباخذ تصحيحك إتفقنا.
بالنسبة لي
ولا مرة شفت
يمكن هذا بفريجكم بس
لول لول لول
عمروبن كلثوم
05-03-2001, 10:05 PM
^1
أخوي فهد أنت دمجت قصيدتين لسليمان مع بعض ؟!
البيتين اللي أنت كاتبهن هن كذا ...
والله مصيبه يازمن شوف ألأحكام *** بالهم نرضى مارضى الهم فينا
بألامنا وأمالنانبني أحـــلام *** وأيامنا تمطر مواجع علــينا
والبيت اللي يقول ...
بالما كتبت اغلى المبادي وألأحلام *** لا واخساره يالكتابه على الما
من قصيده ثانيه
واللي يقول مطلعها ...
تسعين ليله فسرت حفنة أعوام *** جربت سلمى والف شكرا لسلمى
وأنا كان عندي لسليمان ديوانين واحد تصوير والثاني مطبوع وبلفهن علي واحد :) .
ولكم باك على قولة خوالي
باااااااي
هععععععع
إيه ياخوك مانتبهت للخطا إلا بعدين
لا غيرت التوقيع كله
حطيت أغنية عبدالله السالم
وغيرت فيها
ريح الجنوب
وحطيت
ريح الشمال
aldossary
06-03-2001, 11:08 PM
ذكرتني الله يذكرك بالشهاده
مره في عيد الاضحى الماضي
شرينا ضحيه ويوم سمينا وقطعنا راسها وتقوم وتركظ في الشارع وانا الحقها
عاد اخوكم غبي انا الحقها من خلفها وهي تركظ قدام (امام)
جا اخوي على السياره وحدها من قدام.
بس والله شكلي يضحك وانا الحق خروف من غير رقبه
:):):):):):):):):):):):)
بويك ون
07-03-2001, 02:14 AM
السلام عليكم ورحمة الله وبركاته
أسف تأخرت بالرد عليك لأني ناطر الخبر منك صدتم الخروف ولا لا :):):)
أحلى يا ريح الشمال :):):):):):)
وش رايك باللي يقول :-
حايل أنا أقول أحسن منطقة بالشمال
وهي أغنية لفهد السعيد
السلام عليكم ورحمة الله وبركاته.
هلا بويك ون.
الله يسلمك.
بس الخروف مو بلنا الخروف لأنوذر مان.
بس ولو معاية كاميرا ذيك الساعة .
كان صورتها وأرسلتها للبرنامج الأمريكي.
ولا برنامج جاسم العثمان اللي أعلن عنه ولا شفناه.
وشكرا لك يا أخي.
لحظة سمعت السامرية اللي تقول.
سـلام يـاحايل سـلام
أنا نويت القـاهرة
حنيت من خل الدوام
وحجز تذاكر طائـرة
لدياربهاعادل إمام
وليلى علوي ساهرة
(أو شطر ثاني يقول ....ويسرا تسلي خاطرة.)
تخالطن عـج وغمـام
والناس ماهي فاكرة
سهران والعالم نيام
وهاك الجزازةالدايرة
سـلام ياحـايل سـلام
أنـا نـويت السامرة
......................................
إلى إبن زايد
الدوسري,
شلون هل السليل.
بس تصدق موقفك يغطي على الموقف اللي شفته.
أما ذي. خروف بدون راس.
بصراحة ...
:) الله يعينك على هذا الموقف اللي يتكرر ...
ههااههههههه ... بصراحة هالعنوز يغمضون ,,,
و يكسرون الخاطر ... وحليلهم ...
عمرو بن كلثوم----> حلوة الابيات اللي كتبتها ...
لسليمان المانع ... ما توقعتك ضليع في امور الشعر
.. بس ماشاء الله عليك صدمتني .. :) .. و تسلم
تـــ الحلوة ـــوتة
عمروبن كلثوم
07-03-2001, 09:48 AM
^1
أفااا يابويك ون تطيع فهد بن سعيد :(
وين راحت عرعر وين راحت مركز الكون ؟!
عرعر شعيب وعندنا مثل لبنان خوالي ؟!
عرعر وبس خذها مني , مثلي مايغشك .
وبعدين تعال يافهد أفااا يالبناخي أفااااا والله ماهقيتها منك ؟!
القصيده تقول : سلام ياعرعر سلام أنا نويت القاهره ...ألخ .
مهو حايل وش جاب لجاب عرعر وبس , والله سامريه على كيف كيفك .
<<< :( حتى انت يابروتس :(>>>
وتعالي ياتوته وش سالفة صدمتك متى ؟!
ياليتني صادمك بونش أيوالله ؟!
انا سيد الشعر أنا راويه , أنا يسموني بحارتنا ألأصمعي ؟!
أه يالقهر حتى انتم يااعز ألأحباب ضدي ؟!
لا ويقولون لي لا تنتحر !!!
والله لأنتحر والله , أخر ولم بااااك على قولت خوالي :(
التوقيع صديقكم المخلص عمرو اللبناني :(
أخر هعه هععععع :(
http://cwm.ragesofsanity.com/s/owen/egypt1.gif
عندك حق عندنا في مصر الموضوع ده بالهبل لدرجة اننا اتعودنا عليه خلاص
بويك ون
08-03-2001, 03:01 AM
لا تزعل وأنا أخوك هي أغنية سمعتها قبل مده بالصدفه
ولكن والنعم بأهل مركز الكون { أفرح يا عمرو اللبناني }
وأنا والله مالي شغل لا بحايل ولا عرعر
ولكن نعم بالأجواد من أي مكان
والله سامريه فظييييييييييعه
ولك :
يا فهد كانك حرت من صورة الزين
وأشلون أنا اللي كد لعبت بشعرها
ضميتها يا فهد بين الذراعين
وخطفت عنقن نابتن في نحرها
وإن كان تنشدني حصلتها وين
في القاهرة وبالحسن كلن ذكرها
أتمنى أنها تعجبك وتعجب الأخ الفاضل عمرو بن كلثوم
الأخ العزيز : عمرو بن كلثوم
لا تسويها وأنا أخوك وتنتحر الدنيا للحين فيها خير
ولا تستضيق وفي البلد ريح شيشة
دخن وعفر وأودع الهم نسيان
وسلامتكم
عمرو بن كلثوم
ARAE
بويك ون
أصدقاء للأبد ضد الإمبرياليه
السلام عليكم ورحمة الله وبركاته.
عمرو بن كلثوم طالع بريدك وتشوف وش مكتوب..........
إلى الأخ بويك ون.........
شكرا ياخوك على القصيدة..
وترا القصيدة ذيك بعرعر بس أنا كتبتها بحائل
ودمتم.
عمروبن كلثوم
08-03-2001, 03:04 PM
^1
خلص يابويك ماراح أنتحر دام فيها ناس مثلك ومثل فهد .
ومعا ضد ألأمبرياليه :)
فهد شفت البريد :
وأي أستفسار أسئل , أذا كان كلامي مهو واضح .
والرجال تراه مسكين والله مسكين وعلى نياته مايقصد
ولو كان يقصد كان عبدته ألأصنام , ماجابنا محزمات العصايب عبث .
بس المشكله انه رجال هععع :)
لا لا ماعليك والله مايقصد .
أنا بالمنتدى من زمان واعرف طيبت قلبه .
طبعا تعرف منهو الرجال .
حنا لابغينا نتكلم عم أي واحد نقول الرجال ,
مره كان عندنا مصري له عشرين سنه , يقول
أنا ليه هنا عشرين سنه بعرف كل حاجه من كلامكم ماعدا حاجتين ؟
قلنا وشن ؟
قال : الرجال والحاجه ؟!:)
مع التحيهععععع :)
ولكم باااك ,