المبتسم
24-04-2001, 02:51 PM
بسم الله الرحمن الرحيم..
في بداية المطاف(ولا السعي؟؟ ) اود ان اعلمكم ان هذا الموضوع ( خيال × خيال) .. اووووووو بس ..
المهم اني بانقل لكم ذا الحوار الي سار مع البعوض
هذا الموضوع اشغلني كثير .. افكر فيه الليل والنهار والصبح والمساء.. ومن اهم ما اشغلني هو حركة البعوضه عندما تغني عند الأذن بالله وش تقصد بذا الحركة؟؟ ولا حظوا ان هالغناء ما يطلع اكثر شي الا في الليل!!! وش قصدها ؟؟ هل هو قصد شريف او غير شريف ؟؟ تتجه اصابع الإتهام نحو البعوضة بسبب هذه الحركة التي ليس لها من تفسير إلا تفسير واحد الا وهو :
انها تبي تثبت وجودها .. ليش ؟؟ لأنها ذليلة .. لاحظوا في اماكن البعوض اللي تتجمع فيها .. لاحظوا في معاملتنا لها تلقونا قبلنا مصمخين بهم على هالجدران .. ولا مبخوخات .. يعني ان سلمن من ذا ما سلمن من ذاك..
وبعد ما اثبتت وجودها الواضح على الصحف ووسائل الإعلام بحيث انكم تلاحظون ان اكثر الدعايات تجي في اليوم هي دعاية بف باف وريد .. ارادت البعوضة ان تلفت لها الأنظار فحصلت على ذلك .. اما الآن بماذا تفكر البعوضة يا ترى ؟؟ هل تفكر في الإنتقام ؟؟
نعم والله اني جبتها ولا ليش هي الوحيدة اللي ساهمت في نقل مرض (حمى الوادي المتصدع) ، وليش هي الحشرة الوحيدة اللي نشري الناموسيات علشانها
؟؟ وليش هي الحشرة الوحيدة اللي المطر وهو المطر ما نحبه عشانها؟؟ ووو ... إلخ
كل هذا رد اعتبار وانتقام من طرف البعوضة للأنسان ..
ولنوضح للسادة القراء مدى خبث البعوضة ومكرها نجري هذا الحوار مع بعوضة مبلشتني في تالي اليل .. والله اني مانام الظهر علشان انام الليل وفوق ذاك اسهرتني الله يغثها .. فاااا إلى الحوار:
المكان: غرفتي ( قلك عندي غرفه خاصه ) .. الوقت : الساعة سبع وربع المغرب..
انا : السلام عليكم ..
البعوضة : وعليكم السلام ..
انا: ممكن نجري معك حوار ؟؟
البعوضة : بسرعة ولا يكثر وراي اشغال وبيض يبي من يرعاه ..
انا: لو سمحتي البطاقة الشخصية؟؟
البعوضة :بعوضة من خلق الله ..
انا : طيب ممكن بس الحالة الإجتماعية ؟؟
البعوضة : اقولك ابروح اشوف بيضي وتقولي الحالة الإجتماعية؟؟
انا: معليش مرتبكة شوي منك العذر والسموحة.. طيب وش احسن فلم عندك؟؟
البعوضة:دراكولا ..
انا : وش السبب؟؟
البعوضة: الشخصية هذي قدوتي في الحياة ..
انا: طيب وش هوايتك؟؟
البعوضه: دق المزمار.. وجمع الطوابع
انا: طيب وش رايك فيني؟؟
البعوضة : دمك ما ينفع ابد ابد ابد ..
انا : ليه؟؟
البعوضة: يا اخي خفييييييف بقوة وقليل الدسم .. ابي لي دمن خاااااثر ..
انا : اشوى ..( ايه قابلني دمي خفيف )
البعوضة : وشو؟؟
انا : لا ابد ..
انا: طيب الأغنية المفضلة؟؟
البعوضة : صراحه تطربني مقطوعة وينننننن زززن وزززز ويزززنننن..للفنان الكبير ( ناموس البقيق)..
انا:طيب بيت شعر اعجبك؟؟؟
البعوضة:بيت في الفخر لشاعر بني نمس :-
حنا البعوض مسهرين الخلايق*** ما نوقع الا فوق خضر العروقي ..
انا : ياسلااااام .. طيب بيت اعجبك قايله آدمي ؟؟
البعوضه: ما جاز لي الا شطر هو:
إن البعووووضة تدمي مقلة الأسد ..
انا: منتي سهله والله ..
البعوضة (وهي حاطه رجل على رجل) : اجل .. وش تحسبنا؟؟
انا في خاطري: ( اسعد الله بفليييت)
انا: طيب يقال ان فيه بعوضة طاح وجهها يوم قالت للنخلة "توقعي ابطير قالت لها النخلة والله مادريت عنك انك علي" ما رايك في هذه المقولة؟؟ وهل هي صحيحة؟؟
البعوضة (نزلت رجلها) :كل هذي مجرد إشاعات فقط لا غير .. وما يخفىعليك كلام الناس بمجرد ان الواحد يصير مشهووور خلاص يبدون يفترون عليه ..
انا: طيب كلمة اخيرة ودتك تقولينها؟؟
البعوضة( رجعت رجلها) : صراحه احب اطمن جميع عشاقي ان الخبر اللي هز العالم العربي مع اواسط آسيا وهو ان رجلي انكسرت .. انها وبفضل من الله جبرت وعادت كما كانت واحسن..
انا(في خاطري) : وانا قول وراها من الصبح وهي تنسف رجليها؟؟
انا:وفي النهاية نشكرك على هذا اللقاء .. ونتمنى انك قضيتي معنا وقت ممتع..
البعوضة : العفو ..
--------------------------------------
في بداية المطاف(ولا السعي؟؟ ) اود ان اعلمكم ان هذا الموضوع ( خيال × خيال) .. اووووووو بس ..
المهم اني بانقل لكم ذا الحوار الي سار مع البعوض
هذا الموضوع اشغلني كثير .. افكر فيه الليل والنهار والصبح والمساء.. ومن اهم ما اشغلني هو حركة البعوضه عندما تغني عند الأذن بالله وش تقصد بذا الحركة؟؟ ولا حظوا ان هالغناء ما يطلع اكثر شي الا في الليل!!! وش قصدها ؟؟ هل هو قصد شريف او غير شريف ؟؟ تتجه اصابع الإتهام نحو البعوضة بسبب هذه الحركة التي ليس لها من تفسير إلا تفسير واحد الا وهو :
انها تبي تثبت وجودها .. ليش ؟؟ لأنها ذليلة .. لاحظوا في اماكن البعوض اللي تتجمع فيها .. لاحظوا في معاملتنا لها تلقونا قبلنا مصمخين بهم على هالجدران .. ولا مبخوخات .. يعني ان سلمن من ذا ما سلمن من ذاك..
وبعد ما اثبتت وجودها الواضح على الصحف ووسائل الإعلام بحيث انكم تلاحظون ان اكثر الدعايات تجي في اليوم هي دعاية بف باف وريد .. ارادت البعوضة ان تلفت لها الأنظار فحصلت على ذلك .. اما الآن بماذا تفكر البعوضة يا ترى ؟؟ هل تفكر في الإنتقام ؟؟
نعم والله اني جبتها ولا ليش هي الوحيدة اللي ساهمت في نقل مرض (حمى الوادي المتصدع) ، وليش هي الحشرة الوحيدة اللي نشري الناموسيات علشانها
؟؟ وليش هي الحشرة الوحيدة اللي المطر وهو المطر ما نحبه عشانها؟؟ ووو ... إلخ
كل هذا رد اعتبار وانتقام من طرف البعوضة للأنسان ..
ولنوضح للسادة القراء مدى خبث البعوضة ومكرها نجري هذا الحوار مع بعوضة مبلشتني في تالي اليل .. والله اني مانام الظهر علشان انام الليل وفوق ذاك اسهرتني الله يغثها .. فاااا إلى الحوار:
المكان: غرفتي ( قلك عندي غرفه خاصه ) .. الوقت : الساعة سبع وربع المغرب..
انا : السلام عليكم ..
البعوضة : وعليكم السلام ..
انا: ممكن نجري معك حوار ؟؟
البعوضة : بسرعة ولا يكثر وراي اشغال وبيض يبي من يرعاه ..
انا: لو سمحتي البطاقة الشخصية؟؟
البعوضة :بعوضة من خلق الله ..
انا : طيب ممكن بس الحالة الإجتماعية ؟؟
البعوضة : اقولك ابروح اشوف بيضي وتقولي الحالة الإجتماعية؟؟
انا: معليش مرتبكة شوي منك العذر والسموحة.. طيب وش احسن فلم عندك؟؟
البعوضة:دراكولا ..
انا : وش السبب؟؟
البعوضة: الشخصية هذي قدوتي في الحياة ..
انا: طيب وش هوايتك؟؟
البعوضه: دق المزمار.. وجمع الطوابع
انا: طيب وش رايك فيني؟؟
البعوضة : دمك ما ينفع ابد ابد ابد ..
انا : ليه؟؟
البعوضة: يا اخي خفييييييف بقوة وقليل الدسم .. ابي لي دمن خاااااثر ..
انا : اشوى ..( ايه قابلني دمي خفيف )
البعوضة : وشو؟؟
انا : لا ابد ..
انا: طيب الأغنية المفضلة؟؟
البعوضة : صراحه تطربني مقطوعة وينننننن زززن وزززز ويزززنننن..للفنان الكبير ( ناموس البقيق)..
انا:طيب بيت شعر اعجبك؟؟؟
البعوضة:بيت في الفخر لشاعر بني نمس :-
حنا البعوض مسهرين الخلايق*** ما نوقع الا فوق خضر العروقي ..
انا : ياسلااااام .. طيب بيت اعجبك قايله آدمي ؟؟
البعوضه: ما جاز لي الا شطر هو:
إن البعووووضة تدمي مقلة الأسد ..
انا: منتي سهله والله ..
البعوضة (وهي حاطه رجل على رجل) : اجل .. وش تحسبنا؟؟
انا في خاطري: ( اسعد الله بفليييت)
انا: طيب يقال ان فيه بعوضة طاح وجهها يوم قالت للنخلة "توقعي ابطير قالت لها النخلة والله مادريت عنك انك علي" ما رايك في هذه المقولة؟؟ وهل هي صحيحة؟؟
البعوضة (نزلت رجلها) :كل هذي مجرد إشاعات فقط لا غير .. وما يخفىعليك كلام الناس بمجرد ان الواحد يصير مشهووور خلاص يبدون يفترون عليه ..
انا: طيب كلمة اخيرة ودتك تقولينها؟؟
البعوضة( رجعت رجلها) : صراحه احب اطمن جميع عشاقي ان الخبر اللي هز العالم العربي مع اواسط آسيا وهو ان رجلي انكسرت .. انها وبفضل من الله جبرت وعادت كما كانت واحسن..
انا(في خاطري) : وانا قول وراها من الصبح وهي تنسف رجليها؟؟
انا:وفي النهاية نشكرك على هذا اللقاء .. ونتمنى انك قضيتي معنا وقت ممتع..
البعوضة : العفو ..
--------------------------------------