اسـابـق السـاعات مـشـتاق اجـيـلـك

[نايف الاول]

جيتك وانا مشتاق اعد الزمن عد
اسابق الساعات مشتاق اجيلك

فيني كثير الشوق قد وصل الحد
عين ٍ تبي شوفك والاخرى تحكي لك

واذا وصلتك منهك القلب منهد
فاعلم تراه القلب جاء يشتكي لك

يقول جمر الحب فيه امتوقد
الدم دمعه يوم ناح وبكي لك

ومثلك فلا يدري عن الحب لااشتد
اخذت كل الحب واللي بقي لك

ياعشقنا مابغاك تصبح لنا ضد
ويضيع بالتنـقيص كامل حصيلك

خنا نعيش احباب لاتصير لي ند
خني بداخل رمش عيني اشيلك

ماحبه الحاجز ولا احبه السد
ولا احب انا اسمع عنه موعد رحيلك

ولااحب انا اهواك ميت على بعد
ميت عطش وشفاي داخل صميلك

بعض الامور اتصير ماعنها بد
لاصرت مثلي مت قرب عميلك

واليوم فالتسديد افضل من الغد
والليل احسن منه ساعة مقيلك

ماجيتك الا من قسى العشق منحد
والله لاتعب لين احصل بديلك

ولا قمت انا لك ثم بعدين بقعد
لوك بعلو اجبال عزمي رقي لك

وياليت بس احيان ياليتك ترد
ان كان يكبر في عيوني جميلك

بالنطق جاوب قبل ماقول وابتد
ياواحد ٍ يقل... نادر مثيلك

يمي تقدم...خل عنك التردد
اقرب لنا... ان كان ترحم خليلك

وجيتك وانا مشتاق اعد الزمن عد
اسابق الساعات مشتاق اجيلك

نايف الاول
========

[قيس]

هلا والله

كلمات ما عليها كلام

بس قولي
ترى خليليك يسمعك؟

العشق عشق ولو كان في فيه حرق

الله يعينك على العشق
بس تبي النصيحة

أحيانا الشعور بالألم رائع
لكن في النهاية
من نريد له الود لايريده لنا
طيب ليش
قالوا تكبر
وقالوا عناد
وقالوا حاجات كثيرة
كلها ياخوي ما تخدم العشق
وتحياتي

[نايف الاول]

تسلم لي اخوي قيس...وبالفعل أحيانا الشعور بالألم رائع
لكن في النهاية...لايطول الالم....ولا مصيبه دائمه...


شكرآ على الزياره اكريمه.....


اخوك نايف الاول
===============

[المارد]

أنا ماقرأت النص

ولكن أسألك هذا توقيعك (نـــ*الأول*ئــف) قبل فترة من الزمن ؟؟؟؟؟

[نايف الاول]

كان يشرفني اخوي المارد ان تقرا النص...لكن ماعليه ملحوقه يالطيب

وانت تسال يالكريم وتقول (ولكن أسألك هذا توقيعك (نـــ*الأول*ئــف) قبل فترة من الزمن ؟؟؟؟؟ )

وردي من يوم دخلت عالم الانترنت وصفحات الشعر النبطي..وهذا توقيعي ادناه:

نايف الاول...ولا تغير....
========
المحبه شعاري والصفاء والسلام
والصداقه عزيزه نادره فالوجود

=========

عساني اجبتك اخوي المارد..اتمنى ذلك...