نصائح للي يبي يطعس(للي يبي يخش في الرمل)

[الشرقاوي]

بصراحه الهدف من هذا الموضوع ان حنا نعطي نصائح لاخوانا اللي يطعسون ويحبون التطعيس عشان مايغرزون:)
واللي من ضمنهم انا :)(والله حاله عنده جيب ولا يعرف يطعس)
المهم انا ابعطي نصيحه والباقي عليكم:)

1-التنسيم (نسم الكفرات وتوكل على الله):)

[سوناتا]

وعندنا في الرياض أذكر مرة رأيت سيارة كريسيدا 95 تطعس على الرمال وتروح أماكن مايروح لها ألا سيارات الدفع الرباعي ، سبحان الله .. وحقيقة السائق يلعب دور مهم في عمليه التطعيس وبالإضافه إلى نوعيه السيارة...
وأحسن شيء يالشرقاوي إذا أردت تطعس روح جرب ولاتخاف غامر !
بس أنتبه لاتروح مكان مافيه أي أنسان يساعدك في حاله لاقدر الله غرزت ؟! ، ( بس لاتكون تقول هذا الكلام تواضع منك ) :)
- كثرة الذهاب إلى البر والرمال ُتكسب الخبرة العملية ، بالتوفيق للجميع وياليتني أملك سيارة 4×4 للرمال حقيقه متعه في الرمال فقط أما في المدينة فالسيدان في رأيي أفضل .

[S2000]

لاتطعس الا يوم خميس او جمعة :)

[GT3]

يكون احسن لو تضبطها على ضغط واحد


و بالنسبة ليوم الخميس و الجمعة


انا اقترح بروفا يوم الاربعا عشان لا تسير فضايح :)

[M5]

أهم شيء في التطعيس ، انه يتوفر العزم عند الإطارات على دورات منخفضه ...

لأنه لو حصل وانه العزم كان على دورات عاليه اللي يحصل ان الكفر يدور بسرعه ويغوض أكثر في الرمل ...

لكن اذا كان العزم قوي ويحرك الكفر ببطء ... تمشي السياره في الرمل :)


أذكر لكم مثال ظريف ...
في حركه عادة ما نسويها اذا غاصت الإطارات ، خصوصاً السيارات اللي مش دفع رباعي ....

وهي ... نطفئ المحرك ... ونعشق النسبه الأولى ....

وبعدين ........................................................... تشغيل :)

اللي يحصل ان عزم السلف ( Starter ) أو بادئ التشغيل ... يعطي عزم لا بأس به
لكنه على دورات منخفضه جداً ...


حركه غريبه شوي ... لكن مجربه :)



تحياتي ،،

[E55]

حلوة الحركة يا M5 ;)
لكن إذا كل مرة تغرز فيها بتستخدمها ..... سلم على السلف :)

في معهد في دبي يعطيك دورة في قيادة سيارات 4*4 وقيمتها على ما أعتقد تتراوح بين 300 إلى 500 درهم ومدتها يوم

أحلى ما في الموضوع إن فيه شهادة تخرج :)

بصراحة أنا كنت محتاج لهذي الدورة لأن خبرتي في سيارات الـ 4*4 وقيادتها شبه معدومة :)

ومع هذا ... ما إشتركت فيها

لكن أكثر شي أعرفه إنك إذا دخلت الرمل ..... لا تخفف :):)

[الشرقاوي]

اخوي سوناتا:) مشكور

S2000نصيحه حلوه
GT3ماقصرت:)
M5نصيحتك حلوه بس فيه سؤال اذا السياره توماتيك ايش تسوي:):)(مثلي)
E55اظاهر مافيه امل ان الدوره هذي يسونها بالسعوديهعشان بعض الناس يستفيدون منها:)

[pajero]

بعض النصائح المهمة

1- تنسيم الهواء لحد 15 الى 10 حسب السيارة

2- لاتطعس في محل ماتعرفه لكي تتفادى القصات مع العلم ان غالبية القصات تكون مواجهة للجنوب بسبب الرياح الشمالية

3- اذا جيت توقف السيارة تاكد من انك واقف في محل سهل الانطلاق منه يعني يفضل ان توقف السيارة في منحدر او في منطقة يكون الرمل متماسك

4- اذا اردت ايقاف السيارة في الاماكن المستوية فحاول ان لا تستعمل الفرامل لكي لاتتكون موجة رمل امام الكفرات

5- واذا اردت ان تمشي السيارة بعد التوقف لا تدعس بشكل كبير لان الكفرات بتحفر في محلها وحاول ان تجعل الكفرات الامامية مستقيمة باتجاه السيارة

6- تجنّبْ الرّملَ النّاعمَ في قاعدةِ الكثبانِ والمجاريِ

7- عليك ان تسيرَ في مسالكِ إطاراتِ الآخرين لان الأرضِ ستكون مَضْغُوطةِ

8- اذا حاولت ان تصعد قص او مرتفع ولم تصل للنهاية فعليك بالرجوع للخلف بشكل مستقيم واحذر من ان تلف المقود لكي لا تنقلب السيارة

مع تمنياتي لجميع هواة التطعيس بالصحة والسلامة.