View Full Version : فاهمين شي?
ابو سعود
19-07-2001, 05:33 AM
عش ابق اسم سد جد
.................قد مر انه اسر فه تسل
غظ ارم صب احم اغز
................اسب رع زع د ل اثن نل
فهمتوا شي? ولا انا
بس الحمد لله حصلت شرح للقصيدة(طلعت قصيدة) في ديوان المتنبي
سئل المتنبي ان يقول بيتا من الشعر يجمع به ما استطاع من
الحروف فذكر البيتين السابقين ومعناهما:
عش: من العيش - ابق: من البقاء - اسم: السمو والرفعه -
قد:قيادة الجيش - مر: الامر - انه: النهي - اسر: من السير الى
الاعداء - غظ وارم: عاد هذي معروفه - صب: من اصابة الاعداء في
المعارك - اسب: من السبي في الحروب - رع : اي افزع اعدائك -
زع: اي كف بوقعائك مسلطهم -
د: من اداء الدية للمقتول - ل: من الولاية على البلدان -
اثن: اي اصرف اعدائك عن مرادهم - نل: من نيل العطاء
اخيرا خلصنا واكيد صرتوا الحين فاهمين :)
متشيم
19-07-2001, 08:02 AM
توقع في البداية أنه لغز منك تورطنا فيه ، فحاولت قبل أن أقرأ تعليقك أن أبحث في سر هاذين البيتين ، فقلت ربما أخونا أبو سعود رجع قطع الكلمات بطريقة مختلفة ، فحاولت أرجع أقطعها بطريقة ثانية ما نفع آخر شي اكتشفت أني أضيع وقتي على الفاضي ، فالمتنبي قائل البيت حقيقة ...
المتنبي ماكر وداهية في الشعر.
Huda76
19-07-2001, 08:24 AM
أخي الكريم ابو سعود
صباح الخير أخوي :)
تسلم على شرح القصيدة العجيبة :) :)
تحياتي لك
البحاري
19-07-2001, 09:39 AM
صباح الخير .. أبو سعود
بصراحة .. أول ما قرأيت الأبيات .. قلت أبو سعود جالس يسوي تجربة .. مثل الى في قسم التجارب :):)
واعجبني شرح الابيات ..
تحياتي ..
الطارق
19-07-2001, 10:39 AM
أنا اعتقدت أنه شعر فرعوني :)
خاصة أنه مذكور فيها رع :)
طلعت قصيدة حربية للمتنبي :)
مشكور أخوي أبو سعود ،،
وتحياتي :)
و قلت في خاطري اكيد راعي هالأبيات قاعد يشتم حد... :)
اضحك الله سنك يا ابو سعود ...
:):):)
ابو سعود
19-07-2001, 04:04 PM
اهلين متشيم
اما حكاية التقطيع بصراحه ضحكتني
اتخيل شكلك وانت تقلب في الابيات وتمتر وتقطع قالبها خياط :)
الاخت هدى
الف شكر لك اختي على الزياره والرد
ابو سعود
19-07-2001, 04:10 PM
بحاري اهلييييييييييييييييييين اخوي
لا تجارب ولا شي التجربه لسا في طور الاعداد وانتظروا المفاجاة
قريبا
مشكور اخوي ومرحبا فيك
********************************************************
الاخ الطارق
المتنبي عاش فترة من حياته في مصر مع كافور لذلك لاتستغرب تاثره بالحضاره الفرعونية لكن اعتقد انه ابدع في الحضارة الاخشيديه اكثر خصوصا اذا قريت ابيات الهجاء في كافور الاخشيدي :)
*****************************************************
الاخت توته اهلا فيك
الحمد لله اللي صرفك عن الشعر الى الهذره(امزح معك)
لكن بصراحه حطمت كل الطموح العربية اللي بنتها الامة عليك في
انك تكونين ناقده ادبيه
بالله عليك الرجال الحين قاعد يمدح سيف الدوله وانتي تقولين يسب
واحد(لا ياربي انا ايش سويت )
اهلا فيك اختي ويسعدني جداااااا تواجدك الدائم :)
متاهه
19-07-2001, 04:47 PM
تسلم أخوي..
من جد غريبة الأبيات http://www.swalif.net/sforum1/images/icons/icon14.gif
يعطيك الف عافية..
واحنا بانتظار غرائبك دائما..
لنستمتع معك بروعة الاختيار..
وجمال العرض..
شكرا لك..
أختك
متاهـــه
ابو سعود
19-07-2001, 04:51 PM
الاخت الغاليه متاهه
اشكرك جدا على ردك الجميل ويسعدني كثيرا اعجابك بالموضوع
لك مني التحية والتقدير
mouza
19-07-2001, 04:59 PM
زين يوم فهمتنا لانا لو تمينا لين الصبح ما بنفهم شيء
ابو سعود
19-07-2001, 05:08 PM
اهلين موزه 000نور الموضوع بوجودك
اشكرك اختي على الرد ويعطيك الف عافيه
تعرف أخي بو سعود .. هذه الأبيات البوهيمية اللي طلعت
للمتنبي .. تحسبتها غارقة في النبط .... :)
و ذكرتني بهذي الأبيات ... أول ما قريتها:
لاتغلى يرحم الشايب ابوك
..........ابك انت والله لامن تغليت تهبا
دامني حسن معك سيره وسلوك
...............بي تجمل مابها قطع رقبا
حبني وانا اتكلفلك بخوك
...............واعتبرها كذبة منك شهبا
والجمال اللي به اغريت الملوك
................وكم شيخ عند رجلينك حبا
وارخص الجمرات لعيون نخوك
..................مابها ذنب ولافيها ربا
ابك .. ابك .. لعن ام الغبا ------> :)
تحياتي ,,,,,
ابو سعود
19-07-2001, 05:24 PM
ويش هذا توته ??!?!?!?!?!
والله مافهمت منها الا"حسن سيرة وسلوك" ذكرتني ايام التقديم في الجامعه :) :) :)
متخلف
19-07-2001, 05:43 PM
مساء الأنوار أبو سعود
بصراحة أول ما قريتها توقعتها شعر من اشعار الديرة بس من أهل الجبل ..... بس كويس وانت شرحت الأبيات
طبعا وهل للمتنبي مثيل في الشعر ؟؟؟
ألم نقل دائما أنه خارج المنافسة . شغل الأولين والآخرين
تحية لك أبو سعود وتسلم .
ابو سعود
19-07-2001, 05:54 PM
لووووووووووووووووووول متخلف اهل الجبل ههههههههههههههه
شعرهم ما تقدر تكتبه في الكيبورد هذي يبغا لك كيبورد من اللي تدعم اللغة اليابانيه :)
تحياتي متخلف
سعودية
25-07-2001, 10:48 PM
بصدق إستمتعت مع القصيدة ..
والله يفرح قلبك يا رب ..
تحياتي لك أخوي :)