رجل الأمن...لو سمحت اقرأ

[S2000]

والله احترت معاهم..بالله كيف نتصرف :)

_______________________________________

رجل الأمن: جنب ياراعي الكرسيدا..

انت: طيحيني عذبيني برقعيني يابدويه <--- ماعندك احد :)

رجل الأمن: ياراعي الكرسيدا انت لطخ!!
اقول جنب على جنب لابارك الله فيك ماتسمع!!

انت: الو,,هلا يمه,,وش تقولين!,,الو مااسمع,,
الو,,ايه,,انا طن^*^طون$^&طين&*^ "جوالنا الله يستر عليه" :)
كيف!,,,اوكي مع السلامه....

رجل الأمن: "........................................"
ماتكلم!!!!
لانه فجاه ومن وراء الظلمات فك أم الدعسه وطلع قدام صاحبنا وتذكر الفلم المشهور "طاش ماطاش" والموستنغ..
ويكسر ذيك الكسره عليه وبكل مااعطاه ربي من قوة وغباء حط رجوله الكبيره اليسرى على البريك "اليمنى لسه على البنزين!!"
ويدعسها الين مالحسها المفارش حق الارضية و فيوووووووو "الكلمة اللي تقولها وانت قاعد تمسح عرق جبينك" وقف :)..

انت ومن هول الصدمه: ------> http://www.eqla3.com/file/ubb/eek.gif
انت بعد هول الصدمة: وش فيك يالطيب داخل في خلق الله وسيارتهم عرض الله يهديك!!
ماتخاف يكون فيه ورعان ولا مره حامل ولا قوطي بيبسي على الطبلون داخل السيارة!!!

رجل الأمن: انت اذانيك عميه!!
من الصبح وانا اطامر وراك جنب ياراعي الكرسيدا,,وقف ياراعي الكرسيدا,,"سفط" ياراعي الكرسيدا ولكن مرررره ولا كانك ياابوزيد ناديت!!

انت: بفففففففففففف <--- هذي ضحكة خبيثة جدا جدا بس ماشافها رجل الأمن :)
لا والله طال عمرك اني سامعك من اول ماقلت (جنب) الين ماوصلت لـ(راعي الكرسيدا) فطنشت لان سيارتي هذي اللي واقفة ورا سيارتك طال عمرك وعمر سيارتك هي لكزس مب كرسيدا!!

رجل الأمن من هول الصدمه: ----> http://www.eqla3.com/file/ubb/mad.gif
"هذا ماعنده لا من هول صدمة ولاخرابيط!! هذا اذا فشلته يحقد على اهل اهلك على طول!"..
رجل الأمن بعد هول الصدمة: ايه انتم دائما كذا ياشباب ذي اليومين "ايام الحر ;)"!!
تنفذون الجريمة وبعدين والله مب انا والله ولد عمي مريض ومدري كيف ومتى وليش.......
لكن هين..نحن وضعنا هنا لحمايتكم وتكفيش المستهترين امثالك وامثال غيرك.نقطة.

انت: "كل تبن" <---- طبعا بس انا وانتم اللي سمعناها ;)
اه اه احححم احم..
اي جريمة واي تهمه الله يحفظك ويحفظ اللي نكبنا وحطك هنا!! "اححححم احم مرة ثانية"..

رجل الأمن: وكمان اي تهمه!! انت منت ملاحظ انك كنت قاطع قطعا مبرحا اشارة بكبرها عيني عينك!!
طيب ياخي احترم وجودي ووقفتي مع لومينتي على الاقل "يعني اذا انا مب موجود,,روح اقطع يبا وماعليك"...
الحين باصكك بمخالفة قطع اشارة ومخالفة سرعة وحزام ومخالفة تحريض الشعب علينا في سوالف..وش تقول!!


S2000: شباب بس حبيت افهمكم ان صاحبنا يدوب عدى "ماقطع" عدى الاشاره وهي بين الحياة الموت..
يدوب لسه حتى مانورت احمر!!
يعني صفرت ومستعده انها تنور الاحمر بس ماحمرت!!
قام صاحبنا "الله يمتحنه" عدى الاشاره في ذاك الوقت الحرج.....
الوقت اللي يطفي فيه الاصفر ويقعد اللون اسود لاجزاء من الثانية قبل الاحمر..
يعني ماحمرت!!! :)

الان هنا مربط الحصان والزحمة اللي سويتها فوق..
ماهو افضل حل للخروج من هذا المازق العويص وباقل الخسائرالممكنة!!
وش يسوي صاحبنا عشان يخرج بدون مخالفه مايستحقها!!


الحكمة او البهلله...
الاعتراف بالخطا او الانكار والمعابطه...


انا اعتقد لو صادفك واحد من الصنف اللي فوق "واكيد سبق وان صادفك" فصدقني..
بتسوي فيها طيب ومسكين وتعترف بخطاك بتكون جنيت على نفسك لان العسكري اللي من الصنف اللي فوق يوم يشوفك طيب ومسكين
بيتفلسف ويتمنذل عليك "للصبح" وبيصكك بكل المخالفات اللي فوق :(!!
لو بتسوي فيها الولد الدندون واللي "مايخرش الميه" وتحاول تاخذ وتعطي معاه برضو تذكر انه من الصنف اللي فوق والمخالفة جايه لامحاله :(!!


والله انكبنا مع ذي الاشكال والعقليات الصغيره الحقوده الغبية وللاسف هي المسيطره وبنسبة 99% على ميادين وتقاطعات واماكن تفحيط شوارعنا!!

تشااااااااااااو :)

[E55]

تذكرني بصديقنا القديم .... مافي داعي أذكر إسمه :)

الحمدلله كل اللي صادفتهم مب من النوعية هذي

لكن أحلى ما في القصة .... البيبسي اللي على الطبلون و اللومينا ;)

إذا كنت عارف إن "المخالفة جاية لا محالة" إتبع التالي :
- إجلس في السيارة ولا تنزله ، خليه يتعذب في الحر شوي .
- وقت ما يجي يكلمك نزل نص الزجاج ، مب كله .
- زيد على صوت المسجل وهو يتكلم .
- لما يقولك مخالفة ، قوله يلله إكتبها بسرعة لأني مستعجل .

وبس :)

[ابورشيد]

والله انت موهوب ومخفي الموهبه الحلوه هذه عنا

نبي المزيد عن رجال الامن واللي يرحم طوايفك:):)

[شرخشين2000]

S2000 ،، كتاباتك غاية في الروعة :)

و على فكرة أنا كم مرة صارت لي :):) بس ولا مرة طلعت منها بمخالفة :)

و الطريقة المثلى لتفادي المخالفة في مثل هالموقف ،، انك تصارح العسكري وتقول له انك آخر مرة شفت الأشارة كانت خضراء !!

أو انك تشيل عليه بدري :):) و تزبن السيارة في البيت :):)

E55 ،، وينك هاليومين ؟؟ و على فكرة تراك من صرت مراقب ماقد ردّيت على أي موضوع من مواضيعي :( كذا تزعّلنا منك :(

تحياتـــــ للجميع ــــــي

[كابريس]

ههههههههههههههه

[Ferrari^_^love]

وسالفه أكل تبن حلوه .. مساكين هالشرطه كل السبات اللي في العالم تجي لهم :):)

[المميز]

^1
الحمد لله خل خويك يحمد الله انهم ماصكوه بحجز 24 ســـاعه
وهذا الامر مطبق انهم يحجزون الواحد 24 ساعه بعدين يطلع
بقسيمه...
وبصراحه نصيحه:
1-اذا كنت تشوف الاشارة من بعيد خضراء هدئ السرعه لمصلحتك
(يمكن تولع الاشاره وانت ماوصلت وغيير كذا القسيمه).
2-***(يعني مهم):اذا شفتها صفراء اعتبرها حمراء لانه مافيه مجال
الا اذا وصلت خط المشاة أو خلفك(ليموزين) فاامش اذا ماقدرت توقف
والا الافضل دائما اذا شفت الاصفر حاول توقف في جميع الحالات...
***يامشرف سيارتك امسك بها خط وان شاء الله تضبط...

ولكم التحيه...

[S55AMG]

و شكلو نهارك ما زال مهبب
الله يعينك

[Eclipse]

ههههههههههههههههههههههههههههههههههههههه
ههههههههههههههههههههههههههههههههههههههه

الاشكال هذه تتصرف معاهم زي ما قلك E55 :):)

[S2000]

E55...
الله يخليك ذخر لنا يامشرفنا :)
لولاكم ولولا "أياديكم" الحانية اللي تكتب على "الكيبورد" كان التحطيم بأصنافه المتعدده متمثل بهيئتي الآن :)

-------------

ابورشيد....
ياهووووووو كيفك يالهونداوي :)
الموضوع هذا انكتب عشان المزيد من "فضايح أمننا" يجي منكم :)

---------------

شرخشين...
((أو انك تشيل عليه بدري :):) و تزبن السيارة في البيت :):)))
يقولون ليموناتهم "حقين الدوريات" شكلها من بره LS بس محرك SS ;)

--------------

كابرس....
الهوندا أكورد أقل اعطالا من الكامري :)
من جد :)

---------------

المميز....
ههههههه...
والله صحيح :)
أوعا تفكر توقف بشكل مفاجيء عند اشاره و "كومار" ملحم بليموزينه وراك ;)
مشكور على المشاركه المميزه :)

----------------

S55AMG...
فيه خطط تحاك في الخفاء بينك وبين C6 :)
أفا كل علومكم عندي ;)

----------------

Eclipse..
الظاهر ان نهايتها كدا :)
شكله E55 ياما "خالف" وياما انمسك وياما "انكب" عليه البيبسي فعشان كذه هو الآن قاعد يعطينا خلاصة تجاربه والحلول المثلى حول الموقف ;)


شباب شكر من الأعماق لكم ولردودكم الأكثر من رائعة :)
تشااااااتشااااااااا....

[S2000]

والله نسيت أرد عليك تكفى سامحنا أخوي :)
ولمن جيت بعدل ردي السابق مب راضي :(

الظاهر أنا "مع الأمن" برضو يبغالي كلمتين على راسي ;)

شاكر ومقدر مشاركتك :)

[شرخشين2000]

لالالالالالالا و ألف لالالالالالالالالالا

أي محرك SS الله يهداك ؟؟

من بره Ls ومن داخل Ls و بدون مسجّل كمان :):)

[أبو نايف]

وشكرا يا S2000

[S2000]

شرخشين2000 :)
ههههههه :)
والله آسف سامحني :)
بس تصدق اني للحظه أول مانزلت ليمونات الدوريه صدقت اشاعة محرك الـSS!!
يالله ومنكم نستفيد "ونتفشل" ;)..



أبونايف :)......
"لاتعليق"!!!!!
بوفره عشان موضوع رجعتك ;)

[PT Cruiser]

لوووووووووووووووول
---
على طاري العساكر الي ما ما عندهم ما عند جدتي
---
اول ما طلعت سيارتي ِavalon
رحت ظللتها تظليل كامل نفس اللون
والوحات الاماميه ما ركبتها
ومكان الوحات كاتب IMMORTAL LOVE
وعلى القزاز الخلفي كاتب نفس الكلمة
المهم
كنت في اشارة تقاطع العليا مع الملك فهد
الاشاره كانت صفرا وقطعتها ما انتبهت ان في دوريه وراي
شغل السيفتي ويقول
وقف يا راعي الGS
انا عن نفسي ما عطيت هبال ظنيته يكلم واحد غيري
وقف يا راعي الGS
اخر شي فهمت انه يقصدني بس هو احول ما يفرق بين تيوتا ولكزس
طنشته
شوي وهو ملحم صدامه الامامي في صدامي الخلفي
قلت مالها داعي
خلني اوقف
وقفت
وقال
انت ورا ما وقفت من اول
قلت وش دراين انك تقصدني
قال انا من اول وانا اقول وقف يا راعي الGS
قلت وانت شايف انها GS
قال ايه قلت طيب جبت له الاستماره وقرى اسمهاافالون
قال ايه يالله مو مشكله
بس انت مظلل وفاك اللوحات ورافع المسجل واكيد مو رابط الحزام ومكت على سيارتك اعطيك مخالفه على اي وحده منهم
سكت
قال يالله في امان الله
تركني لا مخالفه ولا شي
من جد العسكري هذا دعيت له
--
لكن في ملازم اول احتفظ باسمه عندي
وقفني عند اشارة الفيصليه
فك التظليل ما تكلمت للمعلوميه 0 هو من عيال السديري
المهم قلت له ان السدران مناسبينا
قال هذا م اينم
حطيته على عيني وراسي يوم قال الكلمة هذه
لكن قلت له شوف شوف في BMW 740 مظلل ابيك تفكه
قال اصابع ايدنك مو وحده
المهم بدا يتكلم بكلام ماله داعي
عن الفروقات الاجتماعيه
انا ترتفع حرارتي اتش لا احد تكلم عن الاشياء هذه
تركته اخذت مخالفتي
لكن وين
اتصلت بناس ووصلت لهم وش صار ما كان منه
الا انه اتصل على جوالي
واعتذر عن الكلام الي قاله
وانه كان معصب وقالها بدون ما يعمل لها حساب
معليش طولت عليك
بااااااي

[أبو نايف]

بدون تعليق معناتها >>>>>>>>


>>>>> ان موضوعك قوي وغني عن تعليقي:):)


ليش تفترض سوء الظن الله يسامحك:)




افالون:)
انت تعصب من الحديث عن الفروقات الاجتماعيه:):)

لازم تتكيف مع هذه التفرقه لانها اساس في مجتمعنا


يقولون: الناس اجناس......حديد ونحاس...

وابعد عن الذهب والالماس



والا كيف بنحافظ على موقعناكاحد دول العالم الثالث:(:(



مع التحيه

[PT Cruiser]

اخوي ابو نايف
-
اوكيه في فروقات اجتماعيه لكن
مو يوم اجي اقول للضابط الناس سواسيه
يقول اصابع اليد مو وحده

[*SS* POWER]

تعقيبا على الموضوع هذه صوره تعبر عن الموضوع واترك المجل لكم للتعليق :):):):)

http://sl45.freeservers.com/insan.jpg

[أبو نايف]

الظاهر اني ماقدرت اوضح لك وجهة نظري في موضوع الفروقات الاجتماعيه


انا ضد اي فروقات اجتماعيه تماما....واقول انها سبب تخلفنا الحضاري:):)


الناس اجناس هذي كلام المتخلفين فقط

[Viper_Guy]

اولا احب اسلم عليكم من زمان ماشفتكم ...

على ذكر الدوريات انا ياما صارت لي مواقف معاهم لكن دايم والحمدلله مايدوم الموقف اكثر من دقيقة .. لكن صار لي موقف مرة طريف
اول ماطلعوا الشعار الجديد كنت مسافر ورجعت وانا مريض فصار لي تقريبا اسبوع بعيد عن الشوارع فأول ماتعافيت طلعت في العصرية والا انا عند اشارة في كورنيش الخبر واشوف لكم ذيك اللومينا في الاشارة المقابلة واشوف الشعار الجديد عليها وكنت وقتها زهقان فقطعت الاشارة والعالم كلها موقفه والا والسفتي مولع والرجال يطرد وراى قمت انا حمقت وقلت خله يجي وابلعن شكله (ظنيته واحد ثاني) الا وينزل ويجيني مع الزجاج :"لو سمحت الرخصة" الا واقوله "وانت ايش دخلك ، انت من أمن المنشآت" يرد علي "كيف؟" قلتله "انت من اللي قلكم تصكون مخالفات في الشوارع" الا يقول لي " انت صاحي ولا لا" المهم طالت السالفة وبغيت انسجن على حساب اني سكران لكن الحمد الله ماطلعت حتى بمخالفة .. وطلع صاحبنا من الدوريات وانا من شفت الشعار عند الاشارة ظنيته من امن المنشات حتى والله استغربت يعطوهم لومينا... واقولكم في بعض العسكر ضعاف ودهم يكسبون ودك. فما في داعي الحقد عليهم كذا. لكن في كثير من هالنوع اللي تكلمت عنه ولعلمك انا كنت بشبح على قولتكم لا ومكتم كل الزجاجات حتى اللي قدام فيه تغييمة خفيفة واناتل من ورا يعني السيارة من جد تخرع ... ومع ذلك وقفني .. حنا زيما تدرون الحوادث عندنا اعلى نسبة في العالم والتهور او الاستهتار هو السبب في هذا كله فهم يحبون يخففون من هذا الاشياء عشان ما نفقد ناس جدد زيما يمكن نفقد s2000 بعدين مانحصل بديل له هنا في المنتدى والله يرعاكم.

[S2000]

AVALON2000XLS...
الله يعينك ويعين افالونك الذهبي :)
مالك مواقف مع "الجزء الآخر" من المأسآة ------> الهيئة ;)


ابونايف..
الله يهديك بس!! سوء نية مين وحمزه مين.. :)
حنا مغبرين وفاهمين بعض ;)
ومن جد انكبنا بالفروقات الاجتماعيه!!
بس ليش انا حاس ان الكلام هذا بس في السعوديه!!!
هل السبب يعني هو حقيقة وجود هذا الامر او نحن "السنتنا طويله"!!


*SS* POWER..
زود على كلام العسكري عن الناس العاديين "الشعب بكل صراحه",,
((....ولا حتى يسوق سيفيك))..
مشكور على على الكاريكاتير المناسب جدا ;)


Viper_Guy...
لاحلوة امن المنشآت :)
طيب جدا ان هذا العسكري مسك معاك خط وعادي تقبل المزح :)
بعد كم موقف "غبي" لي معاهم وخصوصا لمن يجيك واحد بسنونه الصفره المفرقه ويقلك:
ياابوالشباب فك الجنوط تراها ممنوعه!!!!! "في الهوا سوا ياشرخشينوووو ;)"..
صراحه صعب جدا جدا انك تعطي اي واحد فيهم وجه!!
مشكور على الرجعه والمشاركه :)

[PT Cruiser]

هلا اخوي S2000
بالله لا تذكرني بطاري الهيئة
---
ايام ما كان معاي رانجلر
كنت فاك السقف والابوبا وعلى قولتهم مخلي الهوى بحري
رحت محل اشرطه شريت شريط لابو خالد
الشريط هذا منحوس كل ما اشتريه
يخرب او ينكسر
المهم
جيت ابفك الشريط ما عرفت وانا اسوق ليش ان السياره قير عادي
قلت اوقف وافكه
وقفت في حاره وفكيته
شغلته
حطيت الاغنيه ايل ابيها ورفعت الصوت
شوي اناظر جمبي والا رجال من ايل يحبهم قلبك
كلهم من الهيئة
وش فيه
اكتشفت اني واقف عند هيئة قسم الملز بدون ما ادري
لا من زين الطبايع معلي المسجل
يادوب حركت الا ذاك شغل الجمس ورراي
يا حبيبي
اناوع تنقيز الارصفه الي بالملز والستين
بس عدت على خير ضيعتهم
:)
لو تبي مواقف اليييييييين بكرا العصر الساعه 10

[S2000]

ههههههههههه :):)
الله يهديك بس مالقيت الا هذاك الموقع تشغل فيه شريطك المنحوس ;)

مشكور على مشاركتك الخفيفه :)

والله يكفينا شر كل حاقد غبي حسود غير متفهم ولا مقدر سواء كان عسكري او هيئة او مدير جامعتنا بنفسه!!

[PT Cruiser]

:)