ممكن آخذ رايكم في شي -شعر لصديقتي الغائبة-

[سنفور غبي]

صديقتي العزيزة مسافرة من شهر تقريبا.. واتصلت لي مرة وحدة بس.. وأنا الحين ما أعرف أخبارها.. :(

فطلبت من احدى صديقاتي على النت.. كتابة شي مميز لها..

فأحببت أن أعرف رأي أحبائي أعضاء سوالف..

وبيتكرر اسم موزة.. لأنه اسمها.. -للتوضيح:)-
_________________________________________________________

بسم اللي عينه عليج وترعاج... يحفظج يا مـوزة ويردج ليا

من يوم فرقاج بالي شارد والله... وأحلم أنا وياج نرجع سويا

مشتاقة لج بالحيل يا نور عيني... ومعزتج بالقلب كنها ثريا

في كل يوم أنتظر لقياج بأحلامي... وأهديج ورد قـلبي هديا

أطلب من الله يرجعج بالسلامة... وأدعي بصلاتي ( يارب ردها اليا)

أرسلت أشواقي وحبي بالأوراق... توصلج أشـواقي وحبي هدايا

اهديج روحي وكل حبي من... أعماق قلبي مخلصه يا عنيا

هذا ختام القول والله أعلم... (اسمي) وموزة قلب واحد بجسمين


31-7-2001
_________________________________________________________

ممكن رايكم.. أنا أشوف انه آخر بيت.. مب راكب.. لأنه القافية اختربت فيه..

وانتو شو رايكم.. ولو فيه تصحيح.. ممكن تصححون لي.. وأنا بالانتظار.. وأرجو من الجميع المشاركة..

تحياتي.. :)

[المبتسم]

تبغي الصراحه


كلاااااااااام جميييييييييييل
وكلاممممممممممممممممممممممممممم
معقولللللللللللل
مقدرش اقووووووووووول حاجه عنه
والله الصراحه
انا ما افهم في الشعر
وكنت اكره مدرس الادب؟!!!
سورري سنفوره

ginciso bianka seiniorita sanfora
lopez

[break_heart]

انا اقول انه حلو بس البيت الاخير شوي مكربن
يعني مش راكبه القافيه فيه..
بس القصيده حلوه .. انت ليش ما تختاريلها كرت من سايتات و
تفكين عمرج..
دوري وبتلقين ..
بس حبيت اساعدج
اختج:break_heart

[سنفور غبي]

lopez..
أشكرك على ابداء رايك.. :(:(:)


مشكورة اختي break_heart..
ورايي أنا من رايج.. ومشكور على اقتراحج.. لكنها ما عندها ايميل :) ولا يخصها في النت..

تحياتي..

[أبو سيف]

شكر وتقدير
الىأبوسنفور غبي

بسم الله الرحمن الرحيم
أحب أن اشكرك على هذه المدخله في هذا الموضوع وهو عن الحجاب الشرعي .حيث أن هذه الزمن التربج.
ويجب على كل مسلم أو عربي مسلم عنده غيره على حرم الله ورسوله صلى الله عليه وسلم .
أن يشرك في هذه الموضحه أعلاه
حيث : رأيت في هذه الزمن الرجال يمشي وراء المراه مثل .......؟
وهم في الاسواق : بدون حجاب ومن يعولها ورائها ...... ؟
هل : وهل ؟

والله ثم والله أن يوم القايمه يكون هذه الرجل الذي ينشى وراء المراه وهي بدون حجاب الشرعي مسؤل عنه ويسال يوم القايمه لماذ ....؟

أخي العزيز أحب أن أشكر مرتاً ثانيه
ولك أحترامي وتقديري
أخوك في الاسلام
أبو سيف

[سعودية]

بصراحة القصيدة حلوة ..

وعلى قولتك عيبها الوحيد هو البيت الأخير ..

بس يا الغالية تقدرين تخلينه يمشي مع القافية ..

مثلا تقدرين تكتبين ..

هذا ختام القول والله أعلم... قلب واحد بجسمين موزة و( أسمك )


كذا يمشي مع القافية :):)

ولو أني ما أفهم بالشعر ولا بالنبطي بالذات بس الله يستر وأكون قدرت اساعدك يا الغالية :)

تحياتي لك :)

[سنفور غبي]

أشكرك أخوي أبو سيف.. على كلامك.. :):)

وأنا كتبت اللي أشوفه.. وكلامك الصراحة عجبني.. :)

وتسلم.. لكنك ما أبديت رايك في القيصدة.. ولا ما عجبتك..


هلا والله اختي سعودية..

مشكورة على رايج :)

بعدين.. كيف يكون البيت الأخير مثل ما قلتي:
هذا ختام القول والله أعلم... قلب واحد بجسمين موزة و( أسمك )

وانت تعرفين اسمي ما يمشي مع القافية.. :)

ساعدووووووووووووووووووووني..

**توضيح2: مب أنا اللي كاتبتنه.. صديقة لي :)**

تحياتي..