قصة حقيقية مستوية عند شاطئ الراحة

[فرفوشة]

هذي قصة جتني عن طريق الايميل

وحبيت انكم تقرونها وهي مكتوبة باللهجة الاماراتية

>
>تعالوا بخبركم سالفه صدقيه مستويه من كم يوم في بوظبي..ارجوكم ادخلوا
>السالفه سلمكم الله اثنين شباب من معارفنا من بعيد..من ست ايام
>بالضبط...شلوا عشاهم و ساروا يتعشون في شاطئ الراحه في بوظبي... يتهم
>حرمه عيوز و يلست تلقط من الاكل المتنثر...قالولها يدوه انت
>يوعانه...قالت هيه انا من الصبح هنيه و ما كليت شي... قالولها انزين
>شو يايبنج هنيه؟قالت ولدي نزلني و بيرد عليه.... المهم شلوا
>اغراضهم..و حسوا الشباب ان الوقت متأخر و ما يستوي يخلون الحرمه العيوز
>روحها فليل... قالولها..انزين عندج رقم ولدج؟نحن بنتصل له..قالت
>هيه..و طلعت ورقه صغيره من مخباها...يوم طالعوا شو مكتوب "من يجد هذه
>المرأه يأخذها لبيت العجزه" انصعقوا الشباب من اللي مكتوب...و يلسوا
>ساعه يترجونها انها تسير معاهم.... لكنها ما رضت ... و قالت لا انا
>بتريا ولدي..هو بيي ياخذني....تموا وياها ساعه يترجونها لكنها كانت
>وايد مصره ان ولدها بيي ياخذها"مسكينه ما تدري بحقارة ولدها"
>المهم....روحوا عنها الشباب.... واحد منهم ما رضي يرقد....يتجلب و
>يفكر فيها..... لين ا استوت الساعه 2 فليل...نش من على الشبريه و لبس
>ثيابه بسرعه... و سار الشاطئ....شاف اسعاف و شرطه...هجم بينهم و سألهم
>عن الحرمه... قالوله توفت...ارتفع عندها الضغط و ماتت... ارتفع عندها
>الضغط على حسرتها على ولدها...تتحرى ان صار له حادث او مكروه... الله
>يرحمها برحمته...مسكينه... كتبت ها الموضوع بس عشان يشوفه ولدها على
>النترنت...و اما حاسه ان بيشوفه... ارجوكم ساعدوني و انشروا ها
>الموضوع... بس كلمه ابغي اقولك اياها....انت ما تخاف من ربك؟ شو عندك
>اهم من امك اللي ماتت من خوفها عليك...؟ و انت فارنها مثل الكلبه؟
>تعرف اختي شو قالت يوم سمعت السالفه؟ قالت ليش ما يابها عندنا؟ نحن
>نباها بنحاظيها و بنرعاها.. هاي الغريبه جيه تقول..و انت الابن شوف شو
>تسوي....
> الله بيراويك...الله فوق و يشوف كل شي...
>

[مدردش متقاعد]

لا حول و لا قوة إلا بالله..

و إنا لله و إنا إليه راجعون..حسافة على هذي الحرمة الي تعبت و ربت ولدها.. و آخر شي عقها..


و أسأل الله أن يتغمد هذه المرأة بواسع رحمته و أن يجازي هذا الابن العاق و يجعله عبرة لمن لا يعتبر

[فرفوشة]

امين يا رب

[نملة]

اهلا اختي فرفوشة :)

قصة محزنه بالفعل

هالموضوع انعرض سابقا من مدة من العضوة سنفور غبي :)

تحياتي لج نمولة :)

[فرفوشة]

نملة: فعلا قصة محزنة

وانا صراحة ما كنت ادري قد انعرض الموضوع من قبل سنفور غبي

بلغيها تحياتي

:):):)

[saif_m]

فرفوشة

مشكورة على السالفة ... انا ما سمعتها من قبل ... حرام والله ...

[فرفوشة]

اي والله حرام

:):):)

[مستر/ سويت هارت]

.. موقف حزين للغاية .. انها قصة واقعية حصلت وتحصل بشكل يومي في عالم افتقر الي الحنان واصبح السعي وراء المصالح هو الهدف الاساسي .. اللهم حنن قلوبنا على امهاتنا ولا تجعلنا يوم كهذه الذي لاقلب ولارحمة ..
القصة تهذ مشاعر اي شخص بقى في قلبه زرة من الحنان والعطف ..
لم اسمع بقط يهودي يفعل مافعل اخينا .. كيف هانت عليه ولدته بتركها في الشارع .. او على ارصفة الطرقات ..
........ لاحول ولاقوة الا بالله ..

خليني اتصل على الوالدة تراها وحشتني بعد الكلام الي سمعته
واطلب رضاها واكسبلي دعوتني من الي تفتح الصدر وتريح البال والخاطر ....
تحياتي

[HaDeeL]

شو ذنب هاذي الام حرام عليييييه :):):):):):):):):):)
كيف بجاوب على الله يوم القيامة صج في ناس ما عندهم ذمة و لا ضمير :):):):):):):):):)
و الله قصتها تصيح
الله يهدي الجميع

[HaDeeL]

sorry ... 5a6a2 ma6ba3y ma kent ag9ed el wyh el far7aan ga9dee el za3lan :(:(:(:(:(:(:(:(:(:(:(
walla ma a3raf sho agool

meste7ya mn nafsee
:O:O:(:(:(:(:(:(

[فرفوشة]

مستر/سويت هارت::(:(:(

هديل: معليش عادي اختي :):):(:(:):):(:(

[صمت الكلام]

مدري باي وصف ممكن اوصف اللي سواه بامه

كل اللي نقدر نسويه ان ندعيلها بالرحمة
وندعي له بالهداية .. والا سينال نفس العقاب من ابنائه ان شاءالله ؟

تحياتي لك فرفوشه

[همسه حائره]

بيجيه يوم يسحيه ولده ويموت مثل ما ماتت امه

ايييييييييييييييه الدنيا سلف ودين

[ARAE]

كما تدين تدان


والله عليم بالحال

[عذوبة]

يعطيج العافيه أختي عالموضوع اللي يحكي عن مشاكل و مآسي الناس في الخليج العربي....

يعني عزيزتي تتوقعين لو إن هذي الحرمه العيوز كانت أجنبيه ما كان صار اللي صار....

و طبعا أنا ما أقول غن هذي الحا لات غير موجودة في البلدان الأجنبيه هي موجودة بس نحن عندنا أكثر.....

أختي الغاليه.....

يعطيج ألف عافيه على تحليل هذا الموضوع من خلال تنزيلج له و الردود .....

و جزاج الله ألف خير....

أختج عذوبه...............

[حسينكو]

مرحبا فرفوشة

كيفك اختي

أنا الموضوع هذا قريته من سبوعين ... وانكسر قلبي

ما توقعت ان في ابناء بهالقسوة

لكن الله بينتقم منهم ... وبيلاقوا عذابهم في دنياهم وآخرتهم

والله المعين

حســــــين