سوالف للجميع - البنات و الرياضه

Holden

18-08-2001, 11:31 PM

بصراحةأعجبتني فكرة التشجيع النسائي في الملعب...وتخيلت
إن
مظاهراتي جابت نتيجة ووافقوا يحطون في الملعب قسم
نسائي...
أقلعوا معي وتخيلوا.....

*** هلالية ونصراوية يتهاوشون..النصراوية تقول: تكفين من
زينكم
أنتم وبطولاتكم ولاعبينكم عشان تحطون راسكم براس
العالمي؟؟؟؟
الهلالية: وع على لاعبينكم القواطي مالت عليهم...ما
عندكم صاحي
إلا صايب وبدا يخرب بعد...بعدين لو فيك خير ما لبستي
عباية كتف -- ( حريم.. )

*** أم تهاوش بنتها المراهقة: وجع إن شاء الله
تغطي...شوفي هذاك
من اليوم يناظرك...ترى والله لأعلم أبوك عليك.....

*** وحدة عربجية تصايح: يا xxxxxx...لا تكسّر سامي
حسبي الله
عليك بلا--- ( شكلها أنا ) ( لاتصدقون عاد )

*** وحدة تبكي قلبها متقطع وأختها تقول: خلاص يا بنت
الحلال...
قسم بالله التيماوي إصابته بسيطة...شوفيه بيرجع للملعب
مرة ثانية..

*** حرمة كبيرة: الله يهديه أبو عبدالله ما لقى يعزم إلا
اليوم..خليت
الجريش على الفرن والله يستر ما يحترق...

*** وحدة دلوعة: لو سمحتي معك كريم واقي من الشمس؟ ما
لقيت كريمي

*** وحدة فاضية: ما شفتوا عدستي الرمادية؟ طاحت الله
ياخذها...

*** وحدة ثانية فاضية: من يعرف طريقة محشي ورق العنب؟
عجزت أضبطه -- ( شوي فاضيه)

*** وحدة تزعّق من الهجمة اللي ضاعت واللي وراها ناشبة
بحلقها:
"لو سمحتي..لو سمحتي..وش اسم عطرك؟"...طرااااخ صوت كف
متعوب عليه

*** هلالية ونصراوية يتضاربون والهلالية تصايح: آي آي
كسرتي ظفري
الله ياخذ عمرك.....يا عسكرييييييييي....

*** وحدة بريئة: يا حبي لك يا شلهوب ياصغيرور...

*** وحدة ما تدري وين المباراة معه: أحلى على الطول يا
مفرج

*** وحدة مسوّية نفسها فاهمة: يوردانيسكوووووو...طلّع
النزهان ودخّل
بداله سيرجيو (سيرجيو يلعب من البداية) وقدّم خميس
قدام...ونزّل
أبو يعقوب الله يقلعك......

*** وحدة تسأل اللي جنبها: من أحلى عندك السلومي والا
حسن والا أحمد
ضاري؟ الثانية ردت : تركي العواد--- ( ماالومها )

*** وحدة تراقب الفاول ويدها على قلبها واللي جنبها
تقول: البارح
رحت العقارية..بس ما لقيت شي حلو الله يقطعهم...عبايتك
مشتريتها
من سيدتي الجميلة؟؟؟؟؟؟؟ ( والثانية معطيتها أشكل )
هذي بعض الهتافات والأحاديث الجانبية النسائية في الملعب
كما تخيلتها!!!

ملاحظه:موضوع منقول من منتدى اخر لكنه حلو مره
تحياتي لكم...

ابو الفياصل

19-08-2001, 12:57 PM

هاهاهاهاهاهاهاهاهاهاهاهاهاهاهاهاهاهاهاهاهاهااهاهاه

موضوع راائع أما لو
انت ناسي شي
الشباب الله يهديهم ينسون الملعب ويناظرون المدرجات بس..

نيأهأهأهأههههااااااااااااايااااايي

تشيز كيك

19-08-2001, 01:10 PM

بس ماأشوف نفسي باي وحده منهم.
وانت ياأبو الفياصل:كل وحده تدخل مع ابوها
عشان يفقع عيون اللي ينا ظرها.

زيزو

19-08-2001, 06:45 PM

ههههههههههههههههههههههه
موضوع رائع وحلو تشكر عليه
عندي اقتراح يحطون زجاج الاسود الحريم يطالعون والشباب مايشوفونهم

ARAE

19-08-2001, 06:52 PM

موضوع جديد وحلو بالحيل بالحيل.....

هع هع هع

:D:D:D

لحظة الفراق

20-08-2001, 04:43 PM

مشكوووووور ياholden على هالموضوع الحلو واتمنى منك المزيد