عذاب و حصيييييير

[المنحوس]

للمسا . . للقصايــد بتــركك واستجيــــر

في عيــــونٍ تـركنــي للشــقا ليــلها

كل ما قـلت : هـانـت . . راح راح الكثـيـر

بنتظر ساعــــة الفرحــــه واغني لها

انتهض في خفــوقي هاجـسٍ للمـــطيـر

قلـت اضمّــــه عن العتــمه وتكبيــلها

قلـت اشــحّ بطموحي ويـن ابلقى نصيـر

في سنـيــنٍ يخــالــط سمّــها هيلها

بيني وبيـن وقتي خيــطٍ اســـــود حريــر

كل مــا شــــدّت ايـامي أبــرخي لها

قالت : ان مات شاعر وانكسر وش يضير

قلـت : تفــقــد مـواسـمنا محاصيلها

قالت : ان عـزّ شاعــر وانجرح وش يصيـر

قـلـت : تحصـــد حنـاجـــرنا مواويلها

يــا صبــاح البـنـفـســج خلّ نفـح العبـير

يحــتــوي كل نـبـــضـاتي ويــاوي لها

ويـلـها عبــــرةٍ غابــت نهــار المــســيـر

لو صــحت ما كفاها عـطــف منديلها

يبتدي كل جــــرحٍ ــ بالضــمايــر ــ صغـير

من يخــبّر غمامـه وش جنى سيلها

ولّ . . يا قــوّ باســك . . يالعــذاب الوثـير

فيـك نلــت المصـايب يا مــصب نيلها

هـامــــة الليل تبنى من عــذاب وحصيـر

زادها الشـــعــر ودمــوعي قنـاديلـها

بتــركك يــا خـفـــوقي دونها واسـتـجيــر

في عيــــــونٍ تركني للشـقا ليـلها !