لآلئ
29-08-2001, 02:17 AM
.
( رنــاد و كــادي )-------------:
تـخـرج حسن من الكلية لكنه الى الآن ما حصل على وظيفة , وبما انه فاضي حاول يدور شي
يشغل فيه وقته وحسب نصيحة بعض أصدقائه اشترك بالانترنت .....وفعلا أشغلت وقته بشكل كبير.
وفي أول الامر دار على كثير من الشاتات والساحات والمواقع المختلفة ؛ لـكنـه بالاخير
استقر على المشاركة بساحة وحدة وبـس , @ (باسم كادي ) لأنـه حـس انها تلـبي احتياجاته الفكريه والترفيهيه بوقت واحد .
وكـان يتابع بعض الأعضاء المتميزين بالطرح , وعلى الأخص عضوة @(اسمها رناد ) صاحبة طرح ثقافي بشكل عصري وخفيف ...واحيانا فكاهي .
وكل يوم يزداد اعجابه فيها واصـبح يقرا جـميع مواضيعها , حتى انه طـلـع مـواضيعها
اللي بالأرشيف وقرأها كلها ........ ؛لكنه كان يقول في نفسه عن الحريم : انهن يتكلمن
لكن سلوكهن يختلف عندما يجي التطبيق ؛ ولذلك قرر انه يعرف طريقة تفكيرها بشكل اوضح من
خلال الشات .
وفعلا دخل في الشات أكثر من مره الى ان لقاها مره ومرتين وثلاث واكثر , طبعا ما كان
يكلمها على الخاص وانما في الشات العام يتناقش الجميع حول موضوع معين واعجب بتفكيرها
أكثر وأكثراضافة الى ان كلامها في الشات محترم وبعيد جدا عن الميوعه والدلع .
وبما انه على وجه زواج واهله كانوا يدورون له على زوجه ......قرر في نفسه انها أنسب من
يتزوجها ؛ لكنه كان يعرف انها ترفض الكلام اصلا بأي شي شخصي , فكيف لو كلمها عن الزواج ..
.!!!!!! .........وما ينسى مرة من المرارير قال لها واحد من الاعضاء في الشات@-اسمه قتيل
الهوى- : (كيفك مع الحب يا رناد ) فسفهته وصارت ما ترد عليه ابدا بعد اللي قال ..!!!!! .
وبـعـدتفكير شاور حسن صديقه راشدفي مشكلته اللي هي كيف يتوصل لمعرفة البنت عشان يسأل عنها ويتقدم لها , قال راشد : انت جب لي رقم الآي بي وانا ادبر لك الباقي .......وفعلا
قدر حسن انه يجيب رقم الآي بي وسلمه لراشد , وبعد ثلاثة أيام سلم راشد لحسن ورقة فيها
الـبـيانات وقال له : ما قـدرت اجـيـب المعلومات هذي عن عائلتهم الا بعد جهد جهيد مع أحد الموظفين بالشركه اللي مشتركين فيها .
طبعا كان الاشتراك باسم رب العائلة فاتصل عليه حسن (رقم التلفون موجود بالبيانات ) وقال
له ان شركة الانترنت عملت مسابقة لمشتركيها وانه فاز بجائزة ويطلب منه وصف بيتهم عشان
يوصلون له الجائزه فوصف له الاب البيت , فجاء حسن لبيتهم وشاف ابوها من دون ما يحس فيه
الأب ,ووصى زميله راشد انه يطرق الباب عليهم على اساس انه موظف التعداد ويطلب بيانات عن
العائلة, وهذا اللي حصل , فعرف حسن انه ماله الا بنتين وولدين , وحده تدرس بأحد الكليات
اسمها مـهـا , وأخوها بالكلية كمان .والصغير بالمتوسطة والصغيرة بالابتدائي .
: ---------------------------------------@
قــال حسن لأهله انه مذكورتن له بنت وانه يحب انهم يسألون عنها, واعطاهم اسمها كامل وكليتها وحارتهم و عن طريق صديقة اخت صديقة أخت زوجة مرت اخوه(هذا اسناد الحريم عرف ان البنت على خلق وادب وجمال وقرر انه يتقدم لها وفعلا تقدم لأبوها وهو خايف انه يرفض تزويجها الان , لكن ابوها لما سأل عنه ولفى انه يستاهل وااافق
وانشغل حسن بتجهيز عش الزوجية الى ان جهزه احسن تجهيز وجا يوم الفرح وهو يرقبه من
زمان عشان يشوف ويكلم منى قلبه .وفي الدخلة وبعدها حس حسن( حلوه حس حسن تسنك تقول
ان به واحد حسحسك) نه محظوظ جدا لأن البنت اعجبته من كل النواحي .
وعرف ان توقعاته عنها على حسب موضوعاتها بالساحه كان صحيح بل انها اكثر روعة
مما توقعه .وكان له تصور عن شكل كلامها وحركاتها ومشيها , ولما دخل بها ولاحظها
لقى ان تصوراته السابقة عنها صحيحه .
: -------------------------------------@
وكان يترقب اليوم اللي يخبرها فيه انه هو @(كادي)اللي معها في نفس الساحه لأنه
كان دايم الكلام عن انبهاره بالانترنت وهي كانت تقول له ياليتك تترك الانترنت لأني ابيك
لي لوحدي .............والانترنت راح يكون اشد علي من ضرة .....وأنا (هي اللي تقول )
يطيح من عيني اللي ياخذ الا نترنت وقته اذا كان عزوبي ....فكيف باللي متزوج( حررررر
رررررررريم نصاااااااابااااااات حتى لو هن محترماااااااات ...أجل كم ساعة انتي عند
الانترنت قبل العرس؟؟؟!!!!!!! ) .
وكان في اثناء هذا يحاول يجرجرها في الكلام عن ساحتهم من دون تصريح لكنها أظهرت له انها
ما تعرف شي عن الموضوع , وطبعا كان هو عاذرها لأنها يمكن تخاف انه ما يرتاح لكون زوجته
من رواد الساحة المعروفات , وكان يضحك عليها من اعماق قلبه ويقول : كيف لو تعرف اني اعرف منهي هي ...!!!!!!!! .
: ---------------------------------------@
وبـعـد مـاانتهى شهر العسل ورجعوا لديرتهم قرر انه يعترف لها بشخصيته في الساحة, وقال لهاان عنده شي يحب يقوله لها على رواقه , وطلب منها تسوي عصير ليمون وتنتظره في الصاله وراح هو عشان يفتح الجهاز ويجيب لها صورة من مواضيعها عشان يعطيها ايه ويشوف ردة الفعل عندهااذا عرفت انه كافشها( بعض الناس يحب يتلذذ بهالمناظر ) وشغل جهازه وفتح الا نترنت على ساحتهم .................
فاندهش يوم شافها منزلة موضوع اليوم وهي كانت معه طول الوقت...!!!!! وراح للشات فلقاها موجودة مع انه تارك زوجته بالمطبخ .........!!!!!!!!!!!
طبعا هو ما استطاع انه يجمع وجلس فترة مذهول !!!!!!!!! الى ان قطع ذهوله صوت التلفون : ترن ترن ترن ترن
فرفع السماعه ولقى صديقه راشد يهنيه بسلامه الوصول ويعاتبه انه قافل جواله في رحلة شهر العسل
وبقول له : قبل لا انسى ترا بيانات العايلة اللي جبت لك على اساس رقم الاي بي اللي عطيتني ....ترا
الموظف غلط وعطاني بيانات عائلة ثانيه .......!!!!!!!!!!!!!!
فــاســودت الدنيا بوجه حسن .......يعني هذي مهيب رناد(....!!!!!!!!!!
!!!!واهدراه يا راشد , وا درواه يا رشد , وا دلاختاه يا راشد , وا كمخاه يا راشد , واكابوناه يا راشد ,
عساك تصقع بأقرب ما صورة كهرب ,
عساي ازورك باتسر بالمستشفى......لأ ما يكفي ....عساي اصلي عليك باتسر.......عسى..
وبعد ما هدت نفسه وانتهى من تفريغ الشحنة اللي في جوفه على راشد بدأ يفكر بشكل عقلاني.........
وبعد برهة تفكير انشرح صدرة لأنه اصلا اعجب بفكر رناد واخلاقها وهو حصل أكثر من هذا في زوجته..!!!!
اضافة الى انه أحب زوجته بجنووووووووووووووووووووون ,ورناد لازم تكون اقل منها , وحتى لو كانت مثلهاما راح يحبها مثل حبه لمها.....
وعرف ان الصورة اللي كانت بباله لرناد من حيث الحركات والسكنات واسلوب الكلام كان مجرد تخيلات في راسه البسها لمها , وحتى لو تزوج غير مها كان يمكن انه يلبسها
- من غير شعور- ايضا هذي الخيالات ؛ لأنه في عقله الباطن أحب هذا الخيال .
وبعد تفكير توصل لقرار ان أحسن شي هو انه مايشوف موضوعات رناد مطلقا عشان الشيطان مايذكره فيها كل شوي فانشرح
صدره مرررررررررررررررررررره واستانس انواع الوناسة
وراح لزوجته بالصاله اللي سألته عن الموضوع اللي عنده . فناظرها نظرة غريبة وقال :
طااااااااااااااااااالق بالثلاث ياالساحات والانترنت
( رنــاد و كــادي )-------------:
تـخـرج حسن من الكلية لكنه الى الآن ما حصل على وظيفة , وبما انه فاضي حاول يدور شي
يشغل فيه وقته وحسب نصيحة بعض أصدقائه اشترك بالانترنت .....وفعلا أشغلت وقته بشكل كبير.
وفي أول الامر دار على كثير من الشاتات والساحات والمواقع المختلفة ؛ لـكنـه بالاخير
استقر على المشاركة بساحة وحدة وبـس , @ (باسم كادي ) لأنـه حـس انها تلـبي احتياجاته الفكريه والترفيهيه بوقت واحد .
وكـان يتابع بعض الأعضاء المتميزين بالطرح , وعلى الأخص عضوة @(اسمها رناد ) صاحبة طرح ثقافي بشكل عصري وخفيف ...واحيانا فكاهي .
وكل يوم يزداد اعجابه فيها واصـبح يقرا جـميع مواضيعها , حتى انه طـلـع مـواضيعها
اللي بالأرشيف وقرأها كلها ........ ؛لكنه كان يقول في نفسه عن الحريم : انهن يتكلمن
لكن سلوكهن يختلف عندما يجي التطبيق ؛ ولذلك قرر انه يعرف طريقة تفكيرها بشكل اوضح من
خلال الشات .
وفعلا دخل في الشات أكثر من مره الى ان لقاها مره ومرتين وثلاث واكثر , طبعا ما كان
يكلمها على الخاص وانما في الشات العام يتناقش الجميع حول موضوع معين واعجب بتفكيرها
أكثر وأكثراضافة الى ان كلامها في الشات محترم وبعيد جدا عن الميوعه والدلع .
وبما انه على وجه زواج واهله كانوا يدورون له على زوجه ......قرر في نفسه انها أنسب من
يتزوجها ؛ لكنه كان يعرف انها ترفض الكلام اصلا بأي شي شخصي , فكيف لو كلمها عن الزواج ..
.!!!!!! .........وما ينسى مرة من المرارير قال لها واحد من الاعضاء في الشات@-اسمه قتيل
الهوى- : (كيفك مع الحب يا رناد ) فسفهته وصارت ما ترد عليه ابدا بعد اللي قال ..!!!!! .
وبـعـدتفكير شاور حسن صديقه راشدفي مشكلته اللي هي كيف يتوصل لمعرفة البنت عشان يسأل عنها ويتقدم لها , قال راشد : انت جب لي رقم الآي بي وانا ادبر لك الباقي .......وفعلا
قدر حسن انه يجيب رقم الآي بي وسلمه لراشد , وبعد ثلاثة أيام سلم راشد لحسن ورقة فيها
الـبـيانات وقال له : ما قـدرت اجـيـب المعلومات هذي عن عائلتهم الا بعد جهد جهيد مع أحد الموظفين بالشركه اللي مشتركين فيها .
طبعا كان الاشتراك باسم رب العائلة فاتصل عليه حسن (رقم التلفون موجود بالبيانات ) وقال
له ان شركة الانترنت عملت مسابقة لمشتركيها وانه فاز بجائزة ويطلب منه وصف بيتهم عشان
يوصلون له الجائزه فوصف له الاب البيت , فجاء حسن لبيتهم وشاف ابوها من دون ما يحس فيه
الأب ,ووصى زميله راشد انه يطرق الباب عليهم على اساس انه موظف التعداد ويطلب بيانات عن
العائلة, وهذا اللي حصل , فعرف حسن انه ماله الا بنتين وولدين , وحده تدرس بأحد الكليات
اسمها مـهـا , وأخوها بالكلية كمان .والصغير بالمتوسطة والصغيرة بالابتدائي .
: ---------------------------------------@
قــال حسن لأهله انه مذكورتن له بنت وانه يحب انهم يسألون عنها, واعطاهم اسمها كامل وكليتها وحارتهم و عن طريق صديقة اخت صديقة أخت زوجة مرت اخوه(هذا اسناد الحريم عرف ان البنت على خلق وادب وجمال وقرر انه يتقدم لها وفعلا تقدم لأبوها وهو خايف انه يرفض تزويجها الان , لكن ابوها لما سأل عنه ولفى انه يستاهل وااافق
وانشغل حسن بتجهيز عش الزوجية الى ان جهزه احسن تجهيز وجا يوم الفرح وهو يرقبه من
زمان عشان يشوف ويكلم منى قلبه .وفي الدخلة وبعدها حس حسن( حلوه حس حسن تسنك تقول
ان به واحد حسحسك) نه محظوظ جدا لأن البنت اعجبته من كل النواحي .
وعرف ان توقعاته عنها على حسب موضوعاتها بالساحه كان صحيح بل انها اكثر روعة
مما توقعه .وكان له تصور عن شكل كلامها وحركاتها ومشيها , ولما دخل بها ولاحظها
لقى ان تصوراته السابقة عنها صحيحه .
: -------------------------------------@
وكان يترقب اليوم اللي يخبرها فيه انه هو @(كادي)اللي معها في نفس الساحه لأنه
كان دايم الكلام عن انبهاره بالانترنت وهي كانت تقول له ياليتك تترك الانترنت لأني ابيك
لي لوحدي .............والانترنت راح يكون اشد علي من ضرة .....وأنا (هي اللي تقول )
يطيح من عيني اللي ياخذ الا نترنت وقته اذا كان عزوبي ....فكيف باللي متزوج( حررررر
رررررررريم نصاااااااابااااااات حتى لو هن محترماااااااات ...أجل كم ساعة انتي عند
الانترنت قبل العرس؟؟؟!!!!!!! ) .
وكان في اثناء هذا يحاول يجرجرها في الكلام عن ساحتهم من دون تصريح لكنها أظهرت له انها
ما تعرف شي عن الموضوع , وطبعا كان هو عاذرها لأنها يمكن تخاف انه ما يرتاح لكون زوجته
من رواد الساحة المعروفات , وكان يضحك عليها من اعماق قلبه ويقول : كيف لو تعرف اني اعرف منهي هي ...!!!!!!!! .
: ---------------------------------------@
وبـعـد مـاانتهى شهر العسل ورجعوا لديرتهم قرر انه يعترف لها بشخصيته في الساحة, وقال لهاان عنده شي يحب يقوله لها على رواقه , وطلب منها تسوي عصير ليمون وتنتظره في الصاله وراح هو عشان يفتح الجهاز ويجيب لها صورة من مواضيعها عشان يعطيها ايه ويشوف ردة الفعل عندهااذا عرفت انه كافشها( بعض الناس يحب يتلذذ بهالمناظر ) وشغل جهازه وفتح الا نترنت على ساحتهم .................
فاندهش يوم شافها منزلة موضوع اليوم وهي كانت معه طول الوقت...!!!!! وراح للشات فلقاها موجودة مع انه تارك زوجته بالمطبخ .........!!!!!!!!!!!
طبعا هو ما استطاع انه يجمع وجلس فترة مذهول !!!!!!!!! الى ان قطع ذهوله صوت التلفون : ترن ترن ترن ترن
فرفع السماعه ولقى صديقه راشد يهنيه بسلامه الوصول ويعاتبه انه قافل جواله في رحلة شهر العسل
وبقول له : قبل لا انسى ترا بيانات العايلة اللي جبت لك على اساس رقم الاي بي اللي عطيتني ....ترا
الموظف غلط وعطاني بيانات عائلة ثانيه .......!!!!!!!!!!!!!!
فــاســودت الدنيا بوجه حسن .......يعني هذي مهيب رناد(....!!!!!!!!!!
!!!!واهدراه يا راشد , وا درواه يا رشد , وا دلاختاه يا راشد , وا كمخاه يا راشد , واكابوناه يا راشد ,
عساك تصقع بأقرب ما صورة كهرب ,
عساي ازورك باتسر بالمستشفى......لأ ما يكفي ....عساي اصلي عليك باتسر.......عسى..
وبعد ما هدت نفسه وانتهى من تفريغ الشحنة اللي في جوفه على راشد بدأ يفكر بشكل عقلاني.........
وبعد برهة تفكير انشرح صدرة لأنه اصلا اعجب بفكر رناد واخلاقها وهو حصل أكثر من هذا في زوجته..!!!!
اضافة الى انه أحب زوجته بجنووووووووووووووووووووون ,ورناد لازم تكون اقل منها , وحتى لو كانت مثلهاما راح يحبها مثل حبه لمها.....
وعرف ان الصورة اللي كانت بباله لرناد من حيث الحركات والسكنات واسلوب الكلام كان مجرد تخيلات في راسه البسها لمها , وحتى لو تزوج غير مها كان يمكن انه يلبسها
- من غير شعور- ايضا هذي الخيالات ؛ لأنه في عقله الباطن أحب هذا الخيال .
وبعد تفكير توصل لقرار ان أحسن شي هو انه مايشوف موضوعات رناد مطلقا عشان الشيطان مايذكره فيها كل شوي فانشرح
صدره مرررررررررررررررررررره واستانس انواع الوناسة
وراح لزوجته بالصاله اللي سألته عن الموضوع اللي عنده . فناظرها نظرة غريبة وقال :
طااااااااااااااااااالق بالثلاث ياالساحات والانترنت