View Full Version : موقف طريف كل ماتذكره تضحك ؟
moon cat
10-09-2001, 02:42 AM
طبعا في مواقف طريفه بس أحيانا ماتضحك عليها ألا يوم تهدا نفسك وتسترخي وتفكر شويه بعدين تحس بلذه ألذكريات ؟؟؟ هاها يعني بعد وقت ؟؟ مواقفي كثيره من دعمه لسياره ألوالد المسكين كان معاي يوم أسوقها وشاف ألحدث ألمأساوي لسيارته صراحه أول مره أشوف أبوي يبكي !!!! هاهاها ألمسكين دافع دم قلبه أقصاد لها على ألعموم كنت أتعلم ألسواقه ويوم دعمتها ماكان عندي ليسن ؟؟ وربك لطف طبعا ألغلطه مني لأني كنت مسرع بس ألي حصل طبعا كان سكه ألشاحنات لازمه أليمن سيد واحد مافي غيره طبعا بأماره أبوظبي أتكلم فجأه تنكر وقف وراه على طول ألخط بيك أب فطبيعي يتجاوز عشان يتفادي ألتنكر دخل سيد ألسيارات وراه على طول سياره أجره وقف ونا كنت خلفه مباشره ومنطلق بسرعه فاجأني على ألعموم ألوالد (( حاسب ؟ حاسب ؟ ياولد )) ضربت أبريك بقوه بس ماسعفني ألوقت وألمسافه كانت قصيره وزلقت ألسياره وضربت ألتكسي من وراه من حسن حظي أن غطي ألمحرك أرتفع لفوق وماعرفوا من ألسايق علي ألعموم شوف ألوالد فلم هندي صراحه !!!!!:) على ألعموم قالي بسرعه خلنا نغير ماعندي ليسن ؟ ورحت وخليت ألوالد ؟؟ مع ألشرطه يدبر نفسه ؟ هاهاها أهو أكبير نحنا مساكين مانستحمل ؟ علي كلا راعي ألتكسي كان غلطان بعد كان هناك مسافه بس جدامه بس هو وقف عموما بعد ماخلص كل شىء وألتخطيط وكل أتذكر أن ألوالد ماكان يسوق أنا ؟ لكن ألوالد قاله اني طلعت أطمن عليه وحولت عشان كذا !!!! طبعا موقف طريف ماأنساه وكثيره هي ألمواقف وألحياه حلوه :) أترك ألباقي للأعضاء MOONCAT
الدكتور ريان
10-09-2001, 02:58 AM
ياكامل اوصافك ..
نورت حارتنا ...
اليلة فرحتنا ...:)
هههههههه موقفك من جد طريف ...
واتذكر لك موقف حصل لصاحبي الذي يسافر لاول مرة على رحلات الخطوط السعودية ..واضحك كلما اتذكره ..بل اتوقع ان طاقم المضيفين سيضحك كلما تذكرو هذا الموقف ..:)
كان في احدى رحلات الخطوط السعوية ...كان صاحبي جالس لوحده في الاخير ..
فجاء المضيف ..يوزع الجرائد للركاب ..(الشرق الاوسط - الجزيرة - عكاظ ) حتى وصل الى صديقي ...
فقال المضيف : هل تريد جريدة ؟؟
قال صاحبي بكل ثقة : نعم ..اعطني جريدة الشرق الاوسط (الى الان لايوجد في المسالة شيء ..موقف عادي )
لكن ماحصل بعد ذلك ان صاحبي اخذ الجريدة ...واخرج من محفظته ريالين ووضعها بيد المضيف خلسة ..
هههههههههههههههه المضيف انفجر من الضحك ...وصاحبي راح وجهه خجلا وهو يقول :
ياخي هذا حقك ..انت اتيت بالجرائد وانا اعطيك ثنمها .
لكن المضيف ادمعت اعينه من الضحك ...فقال له وهو يمسك نفسه .
: انها هذة الجرائد توزع مجانا ...فقط لوقت الرحلة ..
غاص وجه صاحبي في قمة الخجل واخذ يمثل ان نائم حتى نهاية الرحلة ...:)لكن المضيف لم يتوقف من الضحك طول الرحلة.:):):)
تحياتي ..
البحاري
10-09-2001, 03:08 AM
صباح الخير .. للجميع
ههههههه .. والله موقف مضحك من جد:):)
دكتور ريان .. ذكرتني بواحد .. اول مره يسافر .. اول ماطلع درج الطائرة .. ترك حذائه على الدرج وخش الطائرة حافي :):)
انا بصراحة مواقفي المضحكة كلها محرجة .. لذلك ما راح أقولها .. نقرا بس معاكم :):)